جولداۋداعى تاپسىرمالارعا سايكەس كوممۋنالدى تاريفتەر تومەندەۋى مۇمكىن – كاسىپوداق ٴتوراعاسى - جولداۋ|07 قازان 2018، 11:23
كۋرسى ۆاليۋت وبنوۆليايۋتسيا
استانا:

جولداۋداعى تاپسىرمالارعا سايكەس كوممۋنالدى تاريفتەر تومەندەۋى مۇمكىن – كاسىپوداق ٴتوراعاسى

فوتو: Автор

«مەملەكەت باسشىسىنىڭ قازاقستان حالقىنا «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جولداۋى الدىڭعى جولداۋدان ايىرماشىلىعى قاراپايىم حالىق پەن بيزنەستىڭ ەڭ وزەكتى الەۋمەتتىك ماسەلەلەرى كوتەرىلدى. حالىقتىڭ تابىس مەن تۇرمىسى ارتقان سايىن بيزنەس داميدى. ال، بيزنەستىڭ دامۋى ٴوز كەزەگىندە جاڭا تەحنولوگيالار مەن ترانسفەرتتەرىنىڭ، يننوۆاسيالاردىڭ جانە ەلدىڭ دامۋىنا الىپ كەلەتىندىگى ايدان انىق». «تۇركىستان وبلىسى كاسىپوداقتار ورتالىعى» اۋماقتىق كاسىپوداقتار بىرلەستىگىنىڭ ٴتوراعاسى بەرىك بەكجانوۆ ايماقتاعى baq.kz تىلشىسىمەن اڭگىمەسىندە قازان جولداۋىنا قاتىستى پىكىرىن وسىلاي باستادى.

«ەلباسىمىز ۇكىمەتكە 2019 جىلدىڭ 1 قاڭتارىنان باستاپ ەڭ تومەنگى جالاقىنى 1،5 ەسە، ياعني 28 مىڭنان 42 مىڭعا دەيىن ٴوسىرۋدى تاپسىرۋى بۇل بارلىق ەكونوميكالىق سالالارداعى جۇمىسكەرلەردىڭ جالاقىسىنىڭ ارتۋىنا الىپ كەلەدى. ياعني، 2019 جىلدىڭ 1 قاڭتارىنان باستاپ جالاقى كولەمى 42 مىڭ تەڭگەدەن تومەندەمەيدى. سونداي-اق، ەڭ تومەنگى جالاقى كولەمىنە بايلانىستى بيۋدجەتتەن قارجىلاندىراتىن جۇمىسكەرلەردىڭ جالاقى كولەمى كوتەرىلەدى. سونىمەن قاتار، ەڭ تومەنگى جالاقى ەڭ تومەنگى كۇنكورىس شەگىنە بايلانىستى بولمايدى. لايىقتى ەڭبەككە - لايىقتى جالاقى!» - دەيدى بەرىك بەكجانوۆ.

بەرىك ايداربەك ۇلى قازان جولداۋىندا ايتىلعان تاپسىرمالار ٴتۇرعىن-ۇي كوممۋنالدى تاريفتەرىنىڭ تومەندەۋىنە اسەر ەتۋىنەن ٴۇمىتتى.سونداي –اق، ەلباسى تۇرعىن ٴۇي – كوممۋنالدىق قىزمەتتەردىڭ ٴتاريفىن ايتىپ، ۇكىمەتكە 3 اي مەرزىم ىشىندە وسى ماسەلەمەن اينالىسىپ، باسەكەلەستىكتى قورعاۋ فۋنكسياسىن ەلەۋلى تۇردە كۇشەيتە وتىرىپ، مونوپولياعا قارسى ۆەدومستۆونىڭ جۇمىسىن رەفورمالاۋى قاجەتتىگىن تاپسىردى.

«بۇل شارا كوممۋنالدى تاريفتەردىڭ تومەندەۋىنە الىپ كەلەدى دەپ ۇمىتتەنەمىن. سونىمەن قاتار جولداۋدا كوپتەگەن حالىقتىڭ كوكەيىندە جۇرگەن الەۋمەتتىك ماسەلەلەر تۇرعىن – ٴۇي، مۇعالىمدەردىڭ ستاتۋسىن كوتەرۋ، ۇلتتىڭ دەنساۋلىعى، جاستار ساياساتى قوزعالدى. مەن ەلباسىنىڭ جولداۋىن قولدايمىن جانە ونىڭ ورىندالۋىنا بار ٴبىلىمىمدى، كاسىبي بىلىكتىلىگىمدى جانە كۇش جىگەرىمدى سالامىن!» - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي