جولداۋ — تۇراقتىلىق پەن وركەندەۋ كەپىلى - جولداۋ|07 قازان 2018، 10:53
كۋرسى ۆاليۋت وبنوۆليايۋتسيا
استانا:

جولداۋ — تۇراقتىلىق پەن وركەندەۋ كەپىلى

فوتو: aktobegazeti.kz

اقتوبە وبلىسىنىڭ دەپارتامەنتتەر مەن باسقارمالار باسشىلارى، زيالى قاۋىم وكىلدەرى، كاسىپكەرلەر، مەملەكەتتىك قىزمەتشىلەر مەنارداگەرلەر ەلباسى نۇرسۇلتان نازاربايەۆتىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى حالىققا جولداۋىن وبلىستىق اكىمدىك عيماراتىنداتىكەلەي ترانسلياسيا ارقىلى تىڭدادى. ەلباسى جولداۋىن تىڭداۋ ٴۇشىن 100-دەن استام ادام جينالدى، دەپ حابارلايدى baq.kz اقپارات اگەنتتىگى aktobegazeti.kz سايتىنا سىلتەمە جاساپ.

ەلباسى حالىققا جولداۋىنىڭ باسىندا تاۋەلسىزدىك جىلدارىندا اتقارىلعان جۇمىستاردى تاعى ٴبىر اتاپ ٴوتتى. تاۋەلسىزدىكتى نىعايتۋ، قازاقستاننىڭ حالىقارالىق قاۋىمداستىقتاعى بەدەلىن ارتتىرۋ، حالىقتىڭ ٴال-اۋقاتىن كوتەرۋ ماقساتىندا اتقارىلعان قىرۋار ىستەردىڭ ەڭ نەگىزگىلەرىنە توقتالعان ەلباسى ٴسوزىن جينالعاندار ماقتانىش سەزىممەن قابىلدادى.

«تاۋەلسىزدىكتىڭ باستاپقى كەزەڭىندە جىل سايىن ٴجۇز مىڭداعان ادام وزدەرىنىڭ تاريحي وتاندارىنا كوشىپ، سونىڭ سالدارىناندەموگرافيالىق كورسەتكىشتەر ەداۋىر قۇلدىراعان ەدى. ال بۇگىندە، ەلباسى اتاپ وتكەندەي، حالىق سانى 18 ميلليوننان اسىپ، ٴومىر ٴسۇرۋ ۇزاقتىعى 72،5 جاسقا جەتتى. قازاقستان الەمگە وڭىرلىك، جاھاندىق پروبلەمالاردى شەشۋگە زور جاۋاپكەرشىلىكپەن قارايتىن سەنىمدى حالىقارالىق سەرىكتەس رەتىندە تانىلدى. الدىمىزعا وزىق 30 ەلدىڭ قاتارىنا قوسىلۋ ماقساتىن قويدىق. بۇگىنگە دەيىنگى جەتىستىكتەرىمىز — ەرتەڭگى كۇنگە، جارقىن بولاشاققا دەگەن سەنىمىمىزدىڭ ىرگەتاسى، نەگىزى»، - دەدى قر بەيبىتشىلىك جانە كەلىسىم كەڭەسى وبلىستىق فيليالىنىڭ ٴتوراعاسى كەلدىباي ەسپاعانبەتوۆ.

ودان ٴارى ەلباسى حالىق تابىسىنىڭ ٴوسۋ كورسەتكىشتەرى مەن وسى باعىتتا جاسالعان جۇمىستاردى سارالاپ، بۇل ۇدەرىستەردىڭ ٴاردايىم ۇكىمەت نازارىندا بولۋى تيىستىگىن اتاپ ايتتى.

ەلباسى ٴومىر ٴسۇرۋ دەڭگەيىنىڭ ارتۋى — ٴال-اۋقاتىمىزدىڭ ەكىنشى ٴبىر سيپاتى ەكەنىن اتاپ ٴوتىپ، ٴبىلىم بەرۋ، دەنساۋلىق ساقتاۋ، تۇرعىن ٴۇيدىڭ ساپاسى مەن قولجەتىمدىلىگى سەكىلدى ٴار ازاماتقا، ٴار وتباسىنا قاتىستى ماسەلەلەرگە ەرەكشە توقتالدى.

وسى ورايدا ەلباسىنىڭ: «كەلەسى جىلى «پەداگوگ مارتەبەسى تۋرالى» زاڭدى ازىرلەپ، قابىلداۋ قاجەت دەپ سانايمىن» دەگەن ۇسىنىسى جينالعاندار تاراپىنان زور قولداۋ تاپتى.

«جاستاردىڭ زامانعا ساي ٴبىلىم الۋى — ەلىمىزدىڭ بولاشاعىن جارقىن ەتۋ جولىنداعى اسا ماڭىزدى ٴىس. ەلباسى بۇل ماسەلەگە ٴاردايىم كوڭىل بولەدى. ونىڭ «پەداگوگ مارتەبەسى تۋرالى» زاڭ قابىلداۋجونىندەگى ۇسىنىسىن پەداگوگتار قاۋىمى زور ريزاشىلىقپەن قارسى الدىق. بۇل ۇسىنىستىڭ ناق ۇستازدار كۇنى قارساڭىندا ايتىلۋى دا ەرەكشە قۋانتادى. پەداگوگ مارتەبەسىنىڭ ٴوسۋى جاستارعا ٴبىلىم جانە تاربيە بەرۋ باعىتىنداعى جۇمىستارعا ۇلكەن سەرپىلىس، وڭ وزگەرىستەر اكەلەدى. بۇل زاڭ ارقىلى مۇعالىمدەر مەن مەكتەپكە دەيىنگى مەكەمەلەر قىزمەتكەرلەرى ٴۇشىن يگىلىكتەر قاراستىرىلىپ، ولار ٴجونسىز تەكسەرۋلەردەن، باسقا دا جۇكتەمەلەردەن قۇتىلاتىن بولادى»، - دەدى وبلىستىق ٴماسليحات دەپۋتاتى، اقتوبە كولىك، كوممۋنيكاسيالار جانە جاڭا تەحنولوگيالار كوللەدجىنىڭ ديرەكتورى جەڭىسگۇل مۇحامبەتپايىزوۆا.

جيىنعا قاتىسۋشىلار زيالى قاۋىم وكىلدەرى مەن ارداگەرلەردى ەلباسى جولداۋىن حالىققا ٴتۇسىندىرۋ جانە ناسيحاتتاۋ جۇمىستارىنا بەلسەنە اتسالىسۋعا شاقىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي