BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«جاستارعا - ينۆەستيسيا» اتتى حالىقارالىق كونفەرەنسيا وتەدى

استانا، baq.kz. 19-20 قازان كۇندەرى استانا قالاسىندا «جاستارعا - ينۆەستيسيا» اتتى حالىقارالىق كونفەرەنسيا وتەدى.

فورۋمدى قازاقستان رەسپۋبليكاسى پارلامەنتى ٴماجىلىسى، قوعامدىق دامۋ مينيسترلىگى، حالىقتى قونىستاندىرۋ جانە دامىتۋ جونىندەگى ازيالىق اسسوسياسياسى ۇيىمداستىرادى.

"كونفەرەنسيانىڭ كۇن تارتىبىنە جاستاردىڭ مۇددەلەرى مەن قۇقىقتارىنا، پروبلەمالارى مەن ناقتى شارالارعا ارنالعان وزەكتى سۇراقتار تالقىلاناتىن بولادى. سونداي-اق، قاتىسۋشىلار جاستارعا باعىتتالعان مەملەكەتتىك ساياسات جانە قۇقىقتىق قولداۋ جاعىنان تاجىريبە الماساتىن بولادى" - دەيدى ۇيىمداستىرۋشىلار.

فورۋمعا قۇرامىندا پارلامەنت، مەملەكەتتىك ورگان، ساراپشىلار، زيالى قاۋىم، حالىقارالىق جانە جاستار ۇكىمەتتىك ەمەس ۇيىمدار قامتىلعان الەمنىڭ 35-تەن اسا ەلىنەن وكىلدەر قاتىسادى.

ماڭىزدى جيىندا ٴماجىلىس ٴتوراعاسى نۇرلان نىعماتۋلين، حالىقتى قونىستاندىرۋ جانە دامىتۋ جونىندەگى ازيالىق اسسوسياسياسىنىڭ ٴتوراعاسى، جاپونيانىڭ بۇرىنعى پرەمەر-مينيسترى ياسۋو فۋكۋدا، حالىقتىڭ قونىستانۋى جانە دامۋى جونىندەگى ازيا پارلامەنتارييلەرى فورۋمىنىڭ (حقداپف) ٴتوراعاسى كيزو تاكەمي، قر قوعامدىق دامۋ ٴمينيسترى دارحان قالەتايەۆ جانە بۇۇ وكىلى يان ماكفارلەين جانە باسقالار ٴسوز سويلەيدى دەپ جوپارلانعان.

ودان ٴارى فورۋم جۇمىسى جاستاردىڭ جۇمىسقا ورنالاسۋى، ٴبىلىم، دەنساۋلىق سونداي-اق، ازاماتتىق، ەكونوميكالىق جانە الەۋمەتتىك ماسەلەلەر باسقا دا كوپتەگەن تاقىرىپتار قامتىلعان پانەلدىك سەسسيا وتىرىستارىمەن جالعاساتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي