BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«جاستار جىلى» – ٴبىز ٴۇشىن ۇلكەن مارتەبە!

«جاس وتان» جاستار قاناتىنىڭ ٴتوراعاسى دانيار سۇندەتبايەۆ ەلباسىنىڭ جولداۋى تۋرالى ٴوز ويىن ورتاعا سالدى، دەپ حابارلايدى baq.kz اقپارات اگەنتتىگى.

"وسىعان دەيىنگى ەلباسىنىڭ قاي جولداۋىن الساق تا، جاستارعا قاتىستى جوبالار مەن باستامالاردى ەسكەرىپ، جاستارعا ەرەكشە كوڭىل ٴبولىپ كەلگەن. بۇگىن جاستار ماسەلەسىن تاعى دا ەسكەرۋسىز قالمادى. جاستاردىڭ ٴبىلىم الۋى، الەۋمەتتىك جاعدايى ەرەكشە اتالىپ ٴوتىپ، كەلەر 2019 جىل – «جاستار جىلى» دەپ جاريالاندى. ٴبىز ٴۇشىن بۇل – ۇلكەن مارتەبە!" - دەيدى دانيار سۇندەتبايەۆ.

ونىڭ ايتۋىنا قاراعاندا، ەلباسىنىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جاڭا جولداۋى xالىق تاراپىنان وزگەشە قولداۋعا يە بولعانى ٴسوزسىز.

"سەبەبى بۇل جولعى كوتەرىلگەن ماسەلەلەر دە قازاقستاندا ٴومىر ٴسۇرىپ جاتقان ازاماتتاردىڭ قاراپايىم ٴوز اۋلاسىندا سپورتپەن شۇعىلدانۋىنان باستاپ قاۋىپسىزدىگىنە دەيىنگى سۇراقتاردى قامتىدى. بيۋدجەتتىك قىزمەتكەرلەر مەن ۇستازدارىمىزعا ارنالعان باستامالار بۇگىنگى قوعامعا قاجەتتى وزگەرىستەردىڭ ٴبىرى دە بىرەگەيى، بۇل تاپسىرمالاردى ەلباسى جەكە نازارىنا الدى. «تابىسىڭنىڭ وسكەنىن قالاساڭ، ەڭبەكقور بولۋىڭ قاجەت!» - دەپ، ەلباسىنىڭ دايەكسوزىن كەلتىرگىم كەلەدى. سەبەبى، ۇلت اراسىندا ەڭبەكقورلىقتى دارىپتەۋ ماڭىزدى. قوعامنىڭ ٴار ازاماتى ٴوز جۇمىسىن ەلىمىزدىڭ دامۋىنا اپارار ماڭىزدى ٴىستىڭ بولىگى دەپ بىلسە، زايىرلى مەملەكەت رەتىندە كوزدەگەن ماقساتتارىمىز الىس ەمەس. ەلباسىنىڭ حالىققا جولداۋى – تالىمگەردىڭ وقۋشىعا دەگەن اقىلى، جاتتىقتىرۋشىنىڭ سپورتشىعا دەگەن باعىتى، اكەنىڭ بالاسىنا وسيەتى. ياعني، قازاقستاندىقتاردىڭ ٴال-اۋقاتىنىڭ ٴوسۋ الگوريتمى جولداۋدا انىق كورسەتىلگەن، باستىسى – ونى دۇرىس ورىنداۋ" - دەيدى ول.

سونىمەن قاتار ول ەلباسىنىڭ جاستاردى ەرەكشە اتاپ ٴوتۋى، جاستاردىڭ بويىندا جاۋاپكەرشىلىكتى ارتتىرادى دەيدى.

"جاۋاپكەرشىلىكتى الۋ — دىتتەگەن ماقساتقا قول جەتكىزۋ ٴۇشىن بارىنە دە دايىن بولۋ دەگەندى بىلدىرەدى. جاستارعا ارتىلعان سەنىم مەن جاڭا مۇمكىندىكتەر ٴۇشىن العىس بىلدىرەمىز!" - دەيدى "جاس وتاننىڭ" ٴتوراعاسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي