BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاي سەحتان ٴىرى كاسىپورىنعا اينالعان «ەميل» كومپانياسى

استانا، baq.kz. شىعىس قازاقستاندا ورنالاسقان «ەميل» جشس كومپانياسى قازاقستانداعى ٴسۇتتى وڭدەۋ جانە ٴسۇت ٴونىمىن شىعارۋ جاعىنان ەڭ ٴىرى كومپانيالاردىڭ ٴبىرى.

كاسىپورىن تەك ەل ەكونوميكاسىنا قوماقتى ۇلەس قوسىپ قويماي، «كامىشينسكوە»، «وپىتنوە حوزيايستۆو ماسلينيچنىح كۋلتۋر»، «ۆوروبەۆ ي كو»، «شەمونايحينسكوە»، «شيپۋلين»، «گلۋبوچانكا»، «دورودنيسا» جانە «سرەديگورنەنسكوە» سەكىلدى كومپانيالاردىڭ جۇمىس ىستەۋىنە سەرپىن بەرەتىن سەرىكتەس. 800-دەن استام ادامدى جۇمىسپەن قامتىپ وتىر.

كومپانيا 1993 جىلى اشىلدى. باسىندا بازمۇلداق شىعارۋ سەحى بولىپ اشىلعان. 25 جىل ىشىندە تەحنولوگيا بىرنەشە رەت وزگەرىپ، جاڭارىپ، ٴونىم ساپاسىن جاڭا دەيگەيگە كوتەرىپ، ٴونىم ٴتۇرىن كەڭەيتۋگە ىقپال ەتتى.

ال، ٴسۇتتى وڭدەۋ 1997 جىلى باستالدى. كاسىپورىن تۇراقتى تۇردە دامي باستادى. اشىمال ٴسۇ ونىمدەرى 1999 جىلدان باستاپ شىعارىلادى.

2003 جىلى ەرىتىلگەن ىرىمشىك شىعارىلىپ، كومپانيا جاڭا باعىتقا كوشتى. سول كەزدە مەملەكەت باسشىسى نۇرسۇلتان نازاربايەۆ جاڭادان اشىلعان سەحتى ارالاپ، باعاسىن بەردى.

قازاقستاندىق كاسىپورىن جاڭا ستاندارتتارعا ساي. بۇگىندە كومپانيا ٴسۇت ٴونىمىنىڭ 120 جانە بالمۇزداقتىق 100-دەن استام ٴتۇرىن شىعارادى. «ەميل» جشس-نىڭ ٴسۇتتى وڭدەۋ ٴوندىرىسى كۇنىنە 180 تونناعا دەيىن جەتتى.

كاسىپورىننىڭ نەگىزگى مىندەتى – 2022 جىلعا دەيىن ەڭبەك ونىمدىلىگىن جانە اۋىل شارۋاشىلىعىنىڭ وڭدەلگەن ٴونىمىن 2،5 ەسە ۇلعايتۋ.

سونىمەن قاتار، جىلىنا 65،7 مىڭ توننا ٴسۇت ٴونىمىن شىعارۋ جانە 50 جاڭا جۇمىس ورنىن اشۋ جوسپارلانىپ وتىر. جوبا ىسكە اسسا، كومپانيا ايماقتى سۇتپەن قامتۋدىڭ 65 % جابادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي