BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركىستان جاستارى جولداۋدا ايتىلعان مەجەلەردى ورىنداۋعا دايىن

مەملەكەت باسشىسىنىڭ كەزەكتى جولداۋىنا بايلانىستى تۇركىستان وبلىسى اكىمدىگىندە وتكەن بريفينگتە وبلىستىق وتباسى، بالالار جانە جاستار ىستەرى جونىندەگى باسقارماسىنىڭ باسشىسى بالمارجان ناربەكوۆا تۇركىستان ٴوڭىرىنىڭ جاستارى جولداۋدى قولداۋعا دايىن ەكەندىگىن ايتتى، دەپ حابارلايدى baq.kz اقپارات اگەنتتىگى.

سونداي-اق، جاستاردىڭ بارلىق ساناتىن قولداۋعا ارنالعان شارالاردى تولىق قامتيتىن الەۋمەتتىك ساتىنىڭ اۋقىمدى پلاتفورماسىن قالىپتاستىرۋ كەرەكتىگىن نىقتادى.

«ەلباسى نۇرسۇلتان ٴابىش ۇلى نازاربايەۆ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا كەزەكتى جولداۋىندا "2019 جىل – جاستار جىلى دەپ اتاۋدى ۇسىنامىن" دەدى. مۇنىڭ ٴوزى جاستارعا ارنالعان ۇلكەن قولداۋ. جولداۋدا ايتىلعانداي، 2019 جىلدىڭ 1 قاڭتارىنان باستاپ ەڭ تومەنگى جالاقىنى 1،5 ەسە، ياعني 28 مىڭنان 42 مىڭعا دەيىن ٴوسىرۋدىڭ ٴوزى جاستارعا ەداۋىر كومەك بولماق. بۇل تۇرعىدا تۇركىستان ٴوڭىرىنىڭ جاستارى جولداۋدا ايتىلعان بارلىق مەجەلەردى ورىنداۋعا دايىن»، - دەدى بالمارجان پولاتقىزى.

سونىمەن قاتار، پرەزيدەنت اۋىلدىق جەرلەردىڭ الەۋمەتتىك ورتاسىن جاڭعىرتۋعا باعىتتالعان «اۋىل – ەل بەسىگى» جوباسىنىڭ ىسكە قوسىلۋىن تاپسىردى. سونداي-اق، «سارباز» بالالار-جاسوسپىرىمدەر بىرلەستىگىن قۇرىپ، مەكتەپتەردە اسكەري-پاتريوتتىق تاربيەنىڭ ٴرولىن كۇشەيتۋ قاجەتتىگىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي