توقايەۆ: الداعى 5 جىلدا 2 ملن-نان استام قازاقستاندىق ٴوزىنىڭ الەۋمەتتىك جاعدايىن وڭالتۋى كەرەك - جولداۋ|06 قازان 2018، 15:23
كۋرسى ۆاليۋت وبنوۆليايۋتسيا
استانا:

توقايەۆ: الداعى 5 جىلدا 2 ملن-نان استام قازاقستاندىق ٴوزىنىڭ الەۋمەتتىك جاعدايىن وڭالتۋى كەرەك

قر پارلامەنتى سەناتىنىڭ ٴتوراعاسى قاسىم-جومارت توقايەۆ قر پرەزيدەنتى نۇرسۇلتان نازاربايەۆتىڭ ٴبىلدىردى، دەپ حابارلايدى baq.kz اقپارات اگەنتتىگى.

"بۇگىن ەلباسىنىڭ قازاقستان حالقىنا ارناعان جولداۋى تاريحي ماڭىزى بار قۇجات. ويتكەنى ول ەلىمىزدىڭ ازاماتتارىنىڭ ٴال-اۋقاتىن ارتتىرۋمەن بايلانىستى ٴبىرىنشى كەزەكتەگى ماسەلەلەردى شەشۋگە باعىتتالعان. تاۋەلسىزدىك جىلدارىندا قازاقستاندا الەۋمەتتىك مەملەكەتتىڭ بەرىك نەگىزى قالاندى. سوعان قاراماستان مەملەكەت باسشىسى قازاقستاندىقتاردى ٴتيىستى الەۋمەتتىك قاجەتتىلىكتەرمەن قامتاماسىز ەتۋ باعىتىنداعى جۇمىستاردى جالعاستىرۋ قاجەت دەپ ەسەپتەيدى. ەندى ۇكىمەت پەن اكىمدەردىڭ قىزمەتى نەگىزىنەن وسى كورسەتكىشتەر بويىنشا باعالاناتىن بولادى" - دەيدى قاسىم-جومارت توقايەۆ.

ونىڭ ايتۋىنا قاراعاندا، جولداۋدا قازىرگى الەۋمەتتىك-ەكونوميكالىق جاعدايعا جان-جاقتى، تەرەڭ تالداۋ جاسالعان جانە ونى تۇبەگەيلى وڭالتۋ باعىتىندا ناقتى مىندەتتەر قويىلىپ وتىر.

"قورىتا كەلگەندە ەلباسى ەڭ وزەكتى دەگەن ماسەلەلەر بويىنشا تەك اۋديتوريامەن عانا ەمەس، بۇكىل قازاقستان حالقىمەن ينتەراكتيۆتى ديالوگ ورناتتى. تۇرعىنداردىڭ كىرىستەرىن ارتتىرۋ، حالىقتى تولعاندىرعان ەڭ كەلەلى دەگەن پروبلەمالار جونىندە سالماقتى ٴسوز قوزعالدى. پرەزيدەنت مەملەكەتتىڭ تىنىس-تىرشىلىگىنەن جان-جاقتى حاباردار ەكەندىگىن سەنىمدى تۇردە پاش ەتتى. وسى تۇرعىدان العاندا، ەڭ تومەنگى جالاقى مولشەرىن 1،5 ەسەگە ارتتىرۋ جونىندەگى مىندەت ۇلكەن ماڭىزعا يە بولماق. ويتكەنى ول 1 ملن 300 مىڭ ادامنىڭ ومىرىمەن بايلانىستى ماسەلە. 275 مىڭ مەملەكەتتىك قىزمەتشىنىڭ جالاقىسى 35 % وسەدى. مەملەكەت باسشىسى مۇعالىمدەردىڭ ماسەلەسىن دە نازاردان تىس قالدىرماي، «پەداگوگتاردىڭ مارتەبەسى تۋرالى» جاڭا زاڭ قابىلداۋدى تاپسىردى. پرەزيدەنتتىڭ ۇستازدارعا سالىنعان جۇكتەمەنى ازايتىپ، ٴۇش اۋىسىمدى ٴبىلىم بەرۋ ماسەلەسىن شەشۋ جونىندەگى تاپسىرماسى دەر كەزىندە كوتەرىلگەن ٴادىل شەشىم دەر ەدىم. سەناتورلار قوعام اراسىندا ابدەن شارىقتاۋ شەگىنە جەتكەن بۇل ماسەلەنى وسىعان دەيىن بىرنەشە مارتە كوتەرگەن بولاتىن. ەندى مىنە، اتالعان زاڭنىڭ ورىندالۋىنا ٴوز ۇلەستەرىن قوسۋعا دايىن" - دەيدى سەنات ٴتوراعاسى.

سونىمەن قاتار توقايەۆ وسى جولعى جولداۋ قوعامدا جاۋىر بولا باستاعان ٴبىراز ماسەلەنىڭ شەشىم تابۋىنا تۇرتكى بولادى.

"مەنىڭشە، پرەزيدەنتتىڭ مەديسينا، قوعامدىق تاماقتانۋ مەن كورسەتىلەتىن قىزمەت ماسەلەلەرىن قامتيتىن قىزمەت ساپاسىن باقىلاۋ جونىندەگى ٴبىرىڭعاي كوميتەت قۇرۋ جونىندەگى باستاماسى وتەك وزەكتى. بۇنىڭ ارتىندا تۇرعىندارعا ساپالى قىزمەت كورسەتۋ سياقتى ابدەن جاۋىر بولعان پروبلەمانى شەشۋگە دەگەن ۇمتىلىس تۇر. سونداي-اق ەلباسىنىڭ ەڭ سوڭعى ۇلگىدەگى قۇرىلعىلارمەن جابدىقتالعان ونكولوگيالىق ورتالىق سالۋ ماسەلەسىن وتكىر قويۋى دا نازار اۋدارتادى. ول قازاقستاندىقتاردىڭ دەنساۋلىقتارىن نىعايتىپ، كۇردەلى جاعدايعا تاپ بولعان ازاماتتاردى ٴتيىمدى ەمدەي ٴبىلىپ، ولاردى ولىمنەن اراشالاي الۋىمىز قاجەتتىگىن ەرەكشە قاداپ ايتتى. پرەزيدەنت وسى ورايدا كۇردەلى ىندەتتەردى ەمدەۋگە جاڭا جول تابا بىلگەن ۋچاسكەلىك مەديسينا ماماندارىنىڭ ايلىق جالاقىلارىن 20 % كوتەرۋدى مىندەتتەدى" - دەيدى ول.

سەنات ٴتوراعاسىنىڭ پىكىرىنشە مەملەكەت باسشىسىنىڭ تۇرعىنداردى باسپانامەن قامتۋ ىسىندەگى جايباسارلىققا الاڭداۋى دە نەگىزسىز ەمەس.

"وسىعان جاۋاپ رەتىندە پرەزيدەنت اكىمدەرگە جەرگىلىكتى بيۋدجەتتەن جەڭىلدىكپەن بەرىلەتىن يپوتەكانىڭ باستاپقى جارناسىن سۋبسيديالاۋ ماسەلەسىن قاراستىرۋدى تاپسىردى جانە ٴىرى قالالاردا الەۋمەتىك جاعىنان از قامتىلعان ازاماتتارعا ارنالعان جالدامالى ۇيلەردىڭ قۇرىلىسىن كەڭەيتە ٴتۇسۋدى مىندەتتەدى. مىنە، بۇگىنگى تاڭدا مۇعالىمدەر، دارىگەرلەر، پوليسيا قىزمەتكەرلەرى مەن جاس ماماندار بىزدەن تاپ وسىنداي قادامداردى كۇتىپ وتىر. الداعى 5 جىلدا 650 وتباسى مەن 2 ملن-نان استام قازاقستاندىق وزدەرىنىڭ الەۋمەتتىك جاعدايلارىن وڭالتىپ الۋلارى كەرەك" - دەيدى قاسىم-جومارت توقايەۆ.

توقايەۆتىڭ ايتۋىنا قاراعاندا ەلباسى ٴوز جولداۋىندا ٴاربىر ماسەلەنى ۇلكەن-كىشى دەپ بولمەي، ناقتى شەشۋ تەتىكتەرىن كورسەتكەن.

"ەلباسىنىڭ سوزىمەن ايتساق، ۇكىمەت پەن پارلامەنتتىڭ ٴبىرىنشى كەزەكتەگى مىندەتى «قاراپايىم دۇنيەلەردىڭ» قۇرىلىسىن كەڭەيتۋگە اكەپ تىرەيدى. الايدا قاراپايىم دۇنيەنىڭ ارتىندا ۇلكەن، كۇردەلى شارۋالار جاتادى. بۇل رەتتە كاسىپكەرلىك ورتاعا قامقورلىق تانىتىپ، بيزنەسكە اكىمشىلىك ىقپال ەتۋدىڭ الدىن الۋ ٴبىرىنشى كەزەكتە قولعا الىنۋى ٴتيىس شارا بولماق. بيزنەستىڭ جول كارتاسىنىڭ مەرزىمى 2025 جىلعا دەيىن ۇزارتىلادى. شاعىن جانە ورتا بيزنەسكە سالىق امنيستياسى ەنگىزىلدى، تىكەلەي ينۆەستيسيالار قورى قۇرىلماق. ەندىگى كەزەك كاسىپكەرلەردە. ماعان پارلامەنت دەپۋتاتى رەتىندە ەلباسىنىڭ قۇقىقتىق رەفورمالاردى قارقىندى جۇزەگە اسىرا وتىرىپ، زاڭنىڭ ۇستەمدىگىن قامتاماسىز ەتۋ جونىندەگى مىندەتتەرى ەرەكشە ۇنادى. ول ىشكى ىستەر ورگاندارىن جاڭعىرتۋ جونىندەگى ماسەلەنى شەشۋ ٴۇشىن قانداي قادامدار جاساۋ قاجەتتىگىن ايقىنداپ، ناقتى مىندەتتەر قويدى" - دەيدى ول.

سەنات باسشىسىنىڭ ايتۋىنا قاراعاندا، مەملەكەت باسشىسى سىرتقى ساۋدا ساياساتىمىزعا كوڭىلى تولمايتىندىعىن ٴبىلدىردى.

"راسىندا دا حالىقارالىق ساۋدا جانە قارجى نارىقتارىندا قىزۋ قاربالاس بولىپ، سانكسيالار مەن ىقپالداستىقپەن بايلانىستى ماسەلەلەردىڭ ۋشىعىپ تۇرعان كەزىندە ۇكىمەتكە وتاندىق تاۋار وندىرۋشىلەردى ٴتيىمدى قورعاي ٴبىلۋ ماڭىزدى. قازاقستان نارىعىن تاۋار يمپورتىنان قورعاۋ قاجەت. مەملەكەت باسشىسى الدىعا قويعان مىندەتتەردى ٴتيىمدى جۇزەگە اسىرۋ قابىلداناتىن زاڭداردىڭ ساپاسىنا بايلانىستى. پارلامەنت سەناتىنىڭ دەپۋتاتتارى اتقاراتىن جۇمىستىڭ باستى ماقساتى ەلدەگى رەفورمالاردىڭ اۋقىمدى جانە جەدەل جۇزەگە اسىرىلۋىن قامتاماسىز ەتۋگە قاۋقارلى زاڭنامالىق بازانى جاڭعىرتۋ»،-دەيدى قاسىم-جومارت توقايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي