تىعىرىققا تىرەلدىك. ٴماجىلىس دەپۋتاتى حالىققا تەگىن پاتەر نەلىكتەن بەرىلمەيتىنىن ايتتى - جولداۋ|07 قازان 2018، 17:15
كۋرسى ۆاليۋت وبنوۆليايۋتسيا
استانا:

تىعىرىققا تىرەلدىك. ٴماجىلىس دەپۋتاتى حالىققا تەگىن پاتەر نەلىكتەن بەرىلمەيتىنىن ايتتى ەكسكليۋزيۆ

ٴماجىلىس دەپۋتاتى پاۆەل كازانسەۆ قازاقستان پرەزيدەنتى نۇرسۇلتان نازاربايەۆتىڭ قازان جولداۋىنا قاتىستى پىكىرىمەن ٴبولىستى. دەپۋتات baq.kz تىلشىسىنە بەرگەن سۇحباتىندا تەگىن باسپاناعا كەزەككە تۇرۋدىڭ قاجەتى جوق دەيدى. سەبەبى، تۇرعىن ٴۇي جەتىسپەيدى.

«كەزەك جايلى ايتساق، ٴبىز بۇل كەزەكپەن تىعىرىققا تىرەلدىك. ازاماتتاردىڭ كوپتەگەن ساناتتارى جەڭىلدىگى بار قانداي دا ٴبىر كەزەكتە بولۋعا قۇقىلى. دەگەنمەن، تۇيىققا تاپ بولدىق. سەبەبى، تۇرعىن ٴۇي جوق. بۇرىن تەگىن باسپانا بەرىلەتىن. ٴبىراق، ولار ارەڭ دەگەندە بەرىلەتىن. كەزەكتە تۇرعانداردىڭ كوبى ومىرىندە بۇل ۇيگە قول جەتكىزبەيدى. بۇل دۇرىس ەمەس قوي... جالدامالى باسپانا سحەماسى بۇرىن ويلاپ تابىلعان. ەگەر كەڭەستىك كەزەڭدى ەسكە الساق، وندا ارنايى كەزەكتەر بولماعان، بارلىعى جالدامالى باسپانا ەدى. ٴبىز العان پاتەر جالدامالى بولعان. ٴبىز ونى ساتا المايتىنبىز، ٴبىراق اۋىستىرۋعا قۇقىلى ەدىك. ٴقازىر دە بىزگە وسىنداي ترەند كەلە جاتىر. بۇل قالىپتى جاعداي. ەندى كەيبىرەۋلەر «ٴبىزدى جەڭىلدىگى بار كەزەكتەن ايىرىپ جاتىر» دەپ ايتۋى مۇمكىن. ٴبىراق، سەن قاي كەزەكتە تۇرساڭ دا ايىرماشىلىق جوق. جالدامالى تۇرعىن ٴۇي دەگەن دە جاقسى. تەك ونى كوپتەپ سالۋ كەرەك. ال بيلىك ٴقازىر كوممەرسيالىق باسپانا، «تۇرعىن ٴۇي قۇرىلىس جيناق بانكى»، «7-20-25» باعدارلاماسى ارقىلى بەرىلەتىن باسپانانىڭ قىزىعىنا ٴتۇسىپ كەتكەن. بىزدە ادەتتەگىدەي، پرەزيدەنت «وسىنى دامىت» دەسە بولدى، بارلىعى باستاعان ٴىسىن تاستاپ، ەكىنشىسىنە كىرىسىپ كەتەدى. ودان كەيىن پرەزيدەنت «نەگە بۇرىنعى جۇمىستى تاستاپ كەتتىڭدەر؟» دەسە، بارلىعى بۇرىنعىسىنا ورالادى. شەنەۋنىكتەردىڭ قۇرمەت كورسەتەم دەپ اندا-مىندا ويلانباي سەندەلۋى وسىنداي كەمشىلىكتەرگە اكەلەدى. مەنىڭ ويىمشا، بۇل جۇمىس دۇرىستالادى. دەپۋتاتتار ٴقازىر تۇرعىن ٴۇي ماسەلەسىن جان-جاقتى تالقىلاپ جاتىر»، - دەدى پاۆەل كازانسەۆ تىلشىگە بەرگەن سۇحباتىندا.

بيىلعى جولداۋىندا قازاقستان پرەزيدەنتى نۇرسۇلتان نازاربايەۆ ەندى ەشكىمگە تەگىن پاتەر بەرىلمەيتىنىن ايتقان بولاتىن.

بۇعان دەيىن دەپۋتات «7-20-25» باعدارلاماسىنىڭ كەمشىلىكتەرىن اتاعان ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي