سۆەتلانا ايتبايەۆا: جولداۋدان ٴوز سۇراقتارىمنىڭ بارلىعىنا دا جاۋاپ الدىم - جولداۋ|07 قازان 2018، 11:41
كۋرسى ۆاليۋت وبنوۆليايۋتسيا
استانا:

سۆەتلانا ايتبايەۆا: جولداۋدان ٴوز سۇراقتارىمنىڭ بارلىعىنا دا جاۋاپ الدىم

اقتوبە وبلىسىندا مەملەكەت باسشىسى ن.ٴا.نازاربايەۆتىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جولداۋداعى مىندەتتەردى جۇزەگە اسىرۋ جولدارىن تالقىلاندى، دەپ حابارلايدى baq.kz اقپارات اگەنتتىگى.

«مەن پرەزيدەنتتىڭ جولداۋىن مۇقيات تىڭدادىم. بۇل دەر كەزىندەگى، وزەكتى قۇجات، ونىڭ ٴاربىر تارماعى ۋاقىتتىڭ قازىرگى جاعدايىمەن ايتىلعان. ەلباسى بارلىق قازاقستاندىقتاردى تولعاندىراتىن ٴبىرقاتار پروبلەمالاردى اتاپ ٴوتتى. مۇعالىمدەر كۇنى قارساڭىندا نۇرسۇلتان نازاربايەۆتىڭ مۇعالىمدەر مارتەبەسىن كوتەرۋ ماسەلەسىن كوتەرگەنى قۋانتادى. ونىڭ تاپسىرماسىمەن «پەداگوگتاردىڭ مارتەبەسىن كوتەرۋ تۋرالى» زاڭ ازىرلەنىپ، وندا جۇكتەمەنى قىسقارتۋ، مۇعالىمدەر مەن بالاباقشا قىزمەتكەرلەرىن ىنتالاندىرۋ سۇراقتارى قارالادى دەپ جوسپارلانىپ وتىر. بۇل دۇرىس، ويتكەنى كەز كەلگەن مەملەكەتتىڭ بولاشاعى ەڭ الدىمەن، وسكەلەڭ ۇرپاقتىڭ تاربيەسىنە بايلانىستى ەمەس پە. مۇنى قازاقستاننىڭ كەلەشەگى ٴۇشىن ىستەۋ كەرەك»، - دەيدى ٴوز پىكىرىمەن بولىسكەن وبلىستىق ٴماسليحات دەپۋتاتى سۆەتلانا ايتبايەۆا.

ونىڭ ايتۋىنا قاراعاندا بيىلعى جولداۋ قوعامنىڭ بارلىق سالاسىن قامتىعان.

«سونىمەن قاتار، مەن شىعارماشىلىق ادامى رەتىندە مادەنيەت سالاسىنداعى وزگەرىستەر تۋرالى جاڭالىقتاردى كۇتكەن ەدىم. ٴوز سۇراقتارىمنىڭ بارلىعىنا دا جاۋابىمدى الدىم. ەلىمىز ٴۇشىن وزەكتى ماسەلە - ٴتۋريزمدى دامىتۋ بولىپ قالا بەرەدى. اتالمىش سالانى شەتەلدىك تاجىريبەنى ەسكەرە وتىرا كۇش سالىپ دامىتۋىمىز قاجەت جانە ول ٴۇشىن بىزدە بارلىق مۇمكىندىكتەر بار»، - دەدى ول.

№6 قالالىق ەمحانانىڭ باس دارىگەرى جەكسەنبى كوپتىلەۋوۆتىڭ ايتۋىنشا پرەزيدەنت ٴوزىنىڭ جىل سايىنعى جولداۋىندا ٴداستۇر بويىنشا شەشىمى قاراپايىم ازاماتتاردىڭ تۇرمىس ساپاسىن ايتارلىقتاي جاقسارتۋعا مۇمكىندىك بەرەتىن مىندەتتەردى قويادى.

«پرەزيدەنتتىڭ جىل سايىنعى جولداۋىن ۇلكەن قىزىعۋشىلىقپەن قابىلدادىم. دەنساۋلىق ساقتاۋ سالاسىنىڭ وكىلى رەتىندە بەس جىلدىڭ ىشىندە ٴبىلىم، عىلىم مەن دەنساۋلىق ساقتاۋ سالاسىنا كەتەتىن شىعىن جالپى ىشكى ونىمنەن جالپى العاندا 10% دەيىن جەتكىزىلەتىنى قۋانتادى. بۇل ٴبىزدىڭ سالا تۇراقتى داميدى دەگەن ٴسوز. بۇگىندە مەملەكەت دەنساۋلىق ساقتاۋ سالاسىن دامىتۋ ٴۇشىن بارلىق جاعدايدى جاساپ جاتىر: مەديسينا مەكەمەلەرى سوڭعى تەحنيكالارمەن جاراقتانعان، بىزدە قانداي دا ٴبىر دارىلىك زاتتاردان پروبلەما جوق. بىزگە تەك ەمدەۋدىڭ جاڭا تەحنولوگيالارى مەن ادىستەرىن ەنگىزۋگە كوڭىل اۋدارۋ عانا قالىپ تۇر. سونداي جاعدايدا ٴبىز نۇرسۇلتان نازاربايەۆتىڭ العاشقى مەديسينالىق-سانيتارلىق جاردەمگە، اسىرەسە اۋىلدىق جەرلەردە قول جەتكىزۋدى ارتتىرۋ بويىنشا تاپسىرماسىن ٴتيىمدى ورىنداي الامىز»، - دەيدى جەكسەنبى كوپتىلەۋوۆ.

بۇعان قوسا اقتوبەلىكتەر، ەلدىڭ تۇپكىر-تۇپكىرىندە ٴاقپاراتتىق-تۇسىندىرۋ جۇمىستارىن كۇشەيتۋ جانە ەلباسىنىڭ بارلىق تاپسىرمالارىن ٴاربىر ازاماتتقا جەتكىزۋ قاجەت دەپ سانايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي