شىمكەنتتىكتەر ەلباسىنىڭ حالىققا جولداۋىن تىڭدادى - جولداۋ|05 قازان 2018، 11:46
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شىمكەنتتىكتەر ەلباسىنىڭ حالىققا جولداۋىن تىڭدادى

فوتو: Автор

شىمكەنتتىكتەر ەلباسىنىڭ قازاقستان حالقىنا جولداۋىن تىڭداۋعا جينالدى. مەكتەپ مۇعالىمدەرى، دارىگەرلەر، ارداگەرلەر، دەپۋتاتتار مەن قالا اكىمدىگى اپپاراتىنىڭ قىزمەتكەرلەرى شىمكەنت قالاسىنىڭ اكىمشىلىك-ىسكەرلىك ورتالىعىنداعى اكىمدىك عيماراتىنىڭ ۇلكەن ٴماجىلىس زالىندا ەلباسىنىڭ قازان جولداۋىن تىكەلەي ەفيردە تىڭداۋدا، دەپ حابارلايدى baq.kz اقپارات اگەنتتىگىنىڭ ايماقتاعى ٴتىلشىسى.

مەملەكەت باسشىسىنىڭ قازاقستان حالقىنا كەزەكتى جولداۋى 5 قازان كۇنى ساعات 11:00-دە باستالدى. جولداۋدىڭ نەگىزگى تاقىرىبى الەۋمەتتىك-ەكونوميكالىق دامۋ ماسەلەلەرىنە ارنالدى. سالىق تۇسىمدەرىن ارتتىرۋ، سالىقتان جالتارعانداردى جازالاۋ، شيكىزات ەمەس ەكسپورتتى مولايتۋ، قايتا وڭدەۋ ونەركاسىبىن دامىتۋ، ٴتۋريزمدى الدىڭعى قاتارعا شىعارۋ، اگروونەركاسىپ كەشەنىن قولداۋ تۋراسىندا ٴبىرقاتار تاپسىرمالار بەرىلدى.

سونداي-اق، قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ بۇگىنگى جولداۋىندا جاستاردىڭ بارلىق ساناتىن قولداۋعا ارنالعان شارالاردى تولىق قامتيتىن الەۋمەتتىك ساتىنىڭ اۋقىمدى پلاتفورماسىن قالىپتاستىرۋ كەرەكتىگىن ايتتى. جوعارىدا اتالعان باعدارلاماعا قوسىمشا ەلىمىزدە «5 الەۋمەتتى باستاما» جاريالانعانىن جانە بۇل باستامانى ٴارى قاراي جالعاستىرىپ قانا قويماي، ونىڭ اينالاسىن جاڭا مازمۇنمەن، جاڭا باعىتپەن كەڭەيتۋ قاجەتتىلىگىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي