سەنىمىمىزگە سەرپىن بەرگەن جولداۋ – نۇرماحان جولداسوۆ - جولداۋ|07 قازان 2018، 10:23
كۋرسى ۆاليۋت وبنوۆليايۋتسيا
استانا:

سەنىمىمىزگە سەرپىن بەرگەن جولداۋ – نۇرماحان جولداسوۆ

فوتو: Автор

تۇركىستان وبلىسىنىڭ جۇرتشىلىعى ەلباسىنىڭ قازاقستان حالقىنا جولداۋىنان ەرەكشە كۇش-قۋات الىپ، جاڭا بەلەستەرگە ۇمتىلادى. قازان جولداۋى دا بولاشاعىمىزدى باياندى ەتە تۇسەتىن، تىڭ سەرپىلىس اكەلەتىن، زاماناۋي جاڭالىقتارعا تولى بولدى. بۇل تۋرالى ايماقتاعى baq.kz تىلشىسىنە «نۇر وتان» پارتياسى تۇركىستان وبلىستىق فيليالى ٴتوراعاسىنىڭ ٴبىرىنشى ورىنباسارى نۇرماحان جولداسوۆ ايتىپ بەردى.

«ىنتىماعى مەن بىرلىگى جاراسقان قازاقستاندىقتار تۇڭعىش پرەزيدەنتىمىز ەلباسى ن. ٴا. نازاربايەۆتىڭ ٴاربىر جولداۋىنان تىڭ سەرپىلىستەر مەن زاماناۋي جاڭالىقتار كۇتەتىنى، سودان رۋحاني قۋات، كۇش-جىگەر الىپ جاڭا بەلەستەرگە قۇلاش ۇراتىنى بەسەنەدەن بەلگىلى. بۇل – تاريحي دالەلدەنگەن، مويىندالعان اكسيوما. وعان ٴبىزدىڭ وڭىرلىك جانە جاھاندىق پروبلەمالاردى شەشۋ ىسىنە زور جاۋاپكەرشىلىكپەن قارايتىن جاۋاپتى، قالاۋلى حالىقارالىق سەرىكتەس رەتىندە تانىلعانىمىزدى ايتساق بولادى. ەلىمىز تمد جانە ورتالىق ازيا ەلدەرى اراسىنان «ەكسپو-2017» حالىقارالىق كورمەسىن وتكىزۋ ٴۇشىن الەمدىك قاۋىمداستىق تاڭداپ العان ٴبىرىنشى مەملەكەت بولدى. ٴبىز ەۋرازيا ٴوڭىرىنىڭ قارجىلىق، ىسكەرلىك جانە مادەني ورتالىعى رەتىندە قالىپتاسىپ كەلە جاتقان استانانى سالدىق. حالقىمىزدىڭ سانى 18 ميلليوننان اسىپ، ٴومىر ٴسۇرۋ ۇزاقتىعى 72،5 جاسقا جەتتى. سوڭعى 20 جىل ىشىندە ەلىمىزگە 300 ملرد اقش كولەمىندە تىكەلەي ينۆەستيسيا تارتىلدى. ناتيجەسىندە قازاقستان دۇنيەجۇزىلىك بانكتىڭ بيزنەس جۇرگىزۋ جەڭىلدىگى رەيتينگىسىندە 190 ەلدىڭ ىشىندە 36-ورىنعا كوتەرىلدى.وسى جىلدار ىشىندە قولعا الىنعان «نۇرلى جول»، «100 ناقتى قادام»-ۇلت جوسپارى»، «بيزنەستىڭ جول كارتاسى-2020»، «پرەزيدەنتتىڭ بەس الەۋمەتتىك باستاماسى» سىندى باعدارلامالارىمىز ٴوز ناتيجەسىن ەسەلەپ بەرۋدە» دەگەن نۇرماحان جولداسوۆ قازان جولداۋىنىڭ بۇقاراعا بەرەرىن تومەندەگىدەي سانامالاپ شىقتى.

سونىمەن...

«حالىقتىڭ كۇنكورىس جاعدايى ونىڭ تابىسىنا بايلانىستى ەكەنى بەلگىلى. وسى جولعى جولداۋداعى ەلباسىنىڭ ۇكىمەتكە 2019 جىلدىڭ 1 قاڭتارىنان باستاپ ەڭ تومەنگى جالاقىنى 1،5 ەسە، ياعني 28000-نان 42000 مىڭعا دەيىن ٴوسىرۋدى تاپسىرعانى ٴبارىمىزدى قۋانىشقا بولەدى.

ەكىنشىدەن ەكونوميكادا باسەكەلەستىكتى دامىتۋ جانە ٴتۇرعىن-ۇي كوممۋنالدىق شارۋاشىلىعىمەن تابيعي مونوپوليالاردىڭ قىزمەتى ٴۇشىن بەلگىلەنگەن تاريفتەر سالاسىندا ٴتارتىپ ورناتۋ ماقساتىمەن باتىل شارالار قابىلداۋ كەرەك،- دەگەنى كوڭىلىمىزگە بەرىك سەنىم ۇيالاتتى. وسى ماسەلەنى تۇبەگەيلى شەشۋ ٴۇشىن ۇكىمەتكە 3 اي مەرزىم بەرىلدى. ويتكەنى مونوپوليستەردىڭ ينۆەستيسيالىق مىندەتتەمەلەرىنە ٴتيىمدى مونيتورينگ پەن باقىلاۋ جۇرگىزىلمەي وتىر. ياعني مونوپولياعا قارسى ۆەدومستۆونىڭ جۇمىسىن رەفورمالاۋ كەرەك دەگەنى دە قىزۋ قولدايتىن تاپسىرما.

تارتىپكە باعىنعان قۇل بولمايدى،- دەپ باۋىرجان اتامىز ايتپاقشى، قاتاڭ ٴتارتىپتى ۇستانباي – ٴجىبى ٴتۇزۋ ەل بولا المايمىز. ەلباسىنىڭ وسىعان بايلانىستى «2019 جىلدىڭ 1 قاڭتارىنان باستاپ سالىق زاڭناماسىنىڭ بۇزىلۋى جونىندەگى قىلمىستىق جاۋاپكەرشىلىكتىڭ قولدانۋ شەگىن، ايىپپۇلدى وسىرە وتىرىپ 50000 ايلىق ەسەپتىك كورسەتكىشكە دەيىن ارتتىرۋدى تاپسىرۋى كوپتەگەن سالاداعى زاڭ بۇزۋشىلىققا توسقاۋىل قوياتىنى ايتپاسا دا تۇسىنىكتى.

سونىمەن بىرگە كوبىنەسە «ەڭبەگى ەش، تۇزى سور» بولىپ جۇرەتىن شارۋانىڭ باستى پروبلەماسى الاجازداي تەرىن توككەن دايىن ٴونىمىن دەر كەزىندە وتكىزە الماۋى جانە وڭدەي الماۋى. ىشكى نارىقتى وتاندىق ونىممەن تولتىرۋ ٴۇشىن، ەكسپورتتىق الەۋەتىمىزدى جۇزەگە اسىرۋ ٴۇشىن بۇل كۇردەلى ماسەلەنىڭ ٴبىرى. سول سەبەپتى ۇكىمەتكە وڭدەۋ ونەركاسىبى مەن شيكىزاتتىق ەمەس ەكسپورتتى قولداۋ ماقساتىمەن الداعى 3 جىلدا قوسىمشا 500 ملرد تەڭگە ٴبولۋدى، ۇلتتىق بانككە كەمىندە 600 ملرد تەڭگە بولۋگە پارمەن بەرگەنى اتالعان سالانىڭ ماماندارىن قۋانتقانى ٴسوزسىز.

ەلباسىنىڭ «امەريكا حالقىنىڭ 2-اق پايىزى، قازاقستان حالقىنىڭ 40 پايىزى اۋىلدى جەرلەردە تۇرادى. ٴبىراق سول امەريكانىڭ اۋىلدا تۇراتىن 2-اق پايىز فەرمەرى كۇللى ەلدى ازىق-تۇلىكپەن قامتاماسىز ەتىپ وتىر» دەگەنى تاڭعالدىرا وتىرىپ ۇلكەن ويلارعا جەتەلەيدى.

دەمەك، اگروونەركاسىپ كەشەنىنىڭ الەۋەتىن تولىق ىسكە اسىرۋ كەرەك. وسى ماقساتقا ياعني ەڭبەك ونىمدىلىگىن جانە قايتا وڭدەلگەن اۋىل شارۋاشىلىعى ٴونىمىنىڭ ەكسپورتىن 2022 جىلعا قاراي 2،5 ەسەگە كوبەيتۋ اتالمىش پروبلەمانى شەشۋگە باعىتتالعان ۇلكەن، ناقتى قادام دەسەك بولادى. ول ٴۇشىن اتالعان سالاداعى ۇزدىك شەتەلدىك مامانداردى، «اقىلدى ادامداردى»، زاماناۋي تەحنولوگيالاردى تارتۋىمىز قاجەت. وسى ماقساتقا ۇكىمەتكە الداعى 3 جىلدا جىل سايىن 100 ملرد تەڭگە ٴبولۋدى قاراستىرىڭدار دەگەنى ۇكىلى ٴۇمىتىمىزدى ەسەلەي ٴتۇستى.

«ەلۋ جىلدا ەل جاڭا، ٴجۇز جىلدا قازان» دەيدى دانا حالقىمىز. زامان كوشىنە ەرە الماساڭ جولدا قالارىڭ ٴسوزسىز.

سوندىقتان ەڭ الدىمەن «بولاشاقتىڭ ەكونوميكاسىنىڭ» بالامالى ەنەرگەتيكا، جاڭا ماتەريالدار، بيومەديسينا، ۇلكەن دەرەكتەر، زاتتار ينتەرنەتى، جاساندى ينتەللەكت، بلوكچەين سىندى دامىعان ەلدەردىڭ العا ۇستانعان، سول ارقىلى التىنسارين اتامىز ايتپاقشى: «تاستان ساراي سالدىرىپ، ايشىلىق الىس جەرلەردەن كوزدى اشىپ-جۇمعانشا جىلدام حابار الدىراتىن» دارەجەسىنە جەتۋىمىز كەرەك.

سەبەبى، ەلىمىزدىڭ جاھاندىق الەمدەگى ورنى مەن ٴرولى وسىلارعا بايلانىستى بولادى،-دەگەنىن ناعىز زاماناۋي كورەگەندىك دەمەسكە ٴاددىمىز جوق.ۇكىمەتكە نازاربايەۆ ۋنيۆەرسيتەتىمەن بىرلەسىپ ناقتى جوبالاردى انىقتاي وتىرىپ، ٴاربىر باعىت بويىنشا ارنايى باعدارلامالار ازىرلەۋدى تاپسىرۋىن ۇلكەن ٴىستىڭ باستالعانى دەپ بىلەمىز.

«بايلىق-شايلىق تيىن-تەبەننەن قۇرالادى» دەمەكشى، ناقتى ەكونوميكانى وركەندەتۋ ٴۇشىن قارجى سەكتورىن كۇشەيتۋ ماڭىزدى قادام بولماق.ول ٴۇشىن ارينە ۇزاق مەرزىمدى ماكروەكونوميكالىق تۇراقتىلىقتى قامتاماسىز ەتۋ قاجەت.

ەلباسى كوپتەن ايتىپ كەلە جاتقان وڭدەۋ سەكتورى مەن شاعىن ورتا بيزنەستى نەسيەلەندىرۋدى ۇلعايتۋ ماسەلەسىن تاعىدا تەرەڭىنەن قوزعاپ وتىر. ول ٴۇشىن ۇلتتىق بانك ۇكىمەتپەن بىرلەسىپ، قارجى سەكتورىن جانە ناقتى سەكتورلاردى ساۋىقتىرۋ مەن ينفلياسياعا قارسى كەشەندى ساياسات جۇرگىزۋدى جۇيەلى تۇردە شەۋ كەرەك،-دەپ قولمەن قويعانداي باعىت بەرەدى. بۇل شارالار جۇزەگە اسقان جاعدايدا جاڭا جۇمىس ورىندارىنىڭ اشىلۋىنان قازاقستاندىقتاردىڭ تابىسى ارتاتىن بولادى،-دەپ تۇجىرادى. قاراپايىم حالىققا مۇنان ارتىق نە كەرەك؟

ەلباسىنىڭ كەزەكتى جولداۋىنان ۇلكەن اسەر، شابىت الا وتىرىپ كوكەيىمە تۇيگەن قىسقاشا پىكىرىم وسىلاي بولىپ وتىر. قازاقستاندىقتاردىڭ بولاشاعىنا ، باقۋاتتى ومىرىنە باعىتتالعان اتالعان جولداۋداعى ماسەلەلەردىڭ ٴبارى جۇزەگە اساتىنىنا سەنىمىم كامىل».


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي