سەناتور: ەلباسىنىڭ بيىلعى جولداۋى ەلىمىزدى وركەندەتۋدى كوزدەيدى - جولداۋ|06 قازان 2018، 17:37
كۋرسى ۆاليۋت وبنوۆليايۋتسيا
استانا:

سەناتور: ەلباسىنىڭ بيىلعى جولداۋى ەلىمىزدى وركەندەتۋدى كوزدەيدى

فوتو: atr.kz

ەلباسىنىڭ بيىلعى جولداۋى دا ەلدىڭ ەكونوميكالىق دامۋىنا جانە قازاقستان حالقىنىڭ تۇرمىسى مەن ٴال-اۋقتىنىڭ ارتۋىنا بايلانىستى كەلەلى ماسەلەلەردى قامتىپ وتىر. ايتىلعان ماسەلەلەردىڭ ٴبارى اسا ماڭىزدى. بۇل تۋرالى پارلامەنت سەناتىنىڭ دەپۋتاتى سارسەنباي ەڭسەگەنوۆ ايتتى، دەپ حابارلايدى baq.kz اقپارات اگەنتتىگى.

جولداۋدا كوتەرىلگەن ماسەلەلەردىڭ ىشىندە شاعىن جانە ورتا كاسىپكەرلىكتى دامىتۋ، اسىرەسە، اۋىل كاسىپكەرلىگىن دامىتۋ ماسەلەلەرى كوڭىلگە قۋانىش ۇيالاتادى. سەبەبى، حالقىمىزدىڭ 40 پايىزىنان استامى اۋىلدىق جەردە تۇرادى دەسەك، سونىڭ ىشىندە ەل ەكونوميكاسىنىڭ ۇلكەن ٴبىر سالاسى – بالىق شارۋاشىلىعى. قازىرگى كەزدە بالىق ونىمدەرىن وڭدەۋ شارۋاشىلىقتارىن دامىتۋ كەرەك، سەبەبى بالىق ونىمدەرى ەكسپورتقا شىعارىلادى، وعان شەت ەلدەردە سۇرانىس جوعارى،

پرەزيدەنتتىڭ بۇگىنگى جولداۋىندا ايتىلعان باستامالاردىڭ قارجىمەن نەگىزدەلۋى اۋىلدىق جەردەگى شاعىن كاسىپورىنداردى، ونىڭ ىشىندە اۋىل شارۋاشىلىعى ونىمدەرىن وڭدەۋگە ۇلكەن سەرپىن بەرەدى دەگەن ويدامىن.

تاعى ٴبىر ۇلكەن ماسەلە – ىشكى ٴتۋريزمدى دامىتۋ. ەلىمىزدە ونىڭ مۇمكىندىكتەرى زور بولعانىمەن، ٴبىز ونىڭ الەۋەتىن، وكىنىشكە وراي، ٴالى تولىق پايدالانا الماي وتىرمىز. شەتەلدىكتەر ەلىمىزدىڭ ٴار ايماعىنداعى سۇلۋ تابيعاتتا دەمالعىسى كەلەدى. مىسالى، تەك اتىراۋ وبلىسىنداعى قۇرمانعازى اۋدانىنىڭ شەكاراسىنداعى ەدىل وزەنىنىڭ كاسپييگە قۇيار ساعاسىنا ەۋروپادان، گەرمانيادان، فرانسيادان، گوللانديادان اڭشىلار كەلەدى. بۇكىل رەسەيدىڭ بالىقشىلارى كەلەدى. نەگە وسىنى ودان ٴارى دامىتپاسقا؟ بۇل قوسىمشا جۇمىس ورنى، مەملەكەتكە قوسىمشا كىرىس بولار ەدى.

تاعى ٴبىر ۇلكەن ماسەلە – بۇل الەۋمەتتىك سالا. جولداۋدا ەلباسى مەملەكەتتىڭ، ۇكىمەتتىڭ جۇمىسى نەگىزگى ٴۇش باعىتتا ٴجۇرۋى كەرەك، الەۋمەتتىك سالا، ينفراقۇرىلىم، قاۋىپسىزدىك ماسەلەسى دەدى. سوندىقتان، كەلەسى جىلدان باستاپ، تومەنگى ەڭبەكاقى مولشەرىنىڭ 20 پايىزعا ٴوسۋى حالىقتىڭ كۇتىپ جۇرگەن ماسەلەسى. 1،5 ميلليونعا جۋىق ادامنىڭ ەڭبەكاقىسى كەلەسى جىلدان باستاپ وسسە، ونىڭ ٴۇش ٴجۇز مىڭعا جۋىعى مەملەكەتتىك قىزمەتشىلەر. اسىرەسە، كاسىبي ٴوتىلى از، جاڭادان قىزمەتىن باستاعان ماماندار ٴۇشىن بۇل وتە ۇلكەن قولداۋ بولادى دەپ ويلايمىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي