«سالىقتىق امنيستيا» كاسىپكەرلەر ٴۇشىن ۇلكەن جەڭىلدىك – پەرۋاشەۆ - جولداۋ|06 قازان 2018، 13:52
كۋرسى ۆاليۋت وبنوۆليايۋتسيا
استانا:

«سالىقتىق امنيستيا» كاسىپكەرلەر ٴۇشىن ۇلكەن جەڭىلدىك – پەرۋاشەۆ

فوتو: Нұржас Жақсыбай

«اق جول» دەموكراتيالىق پارتياسىنىڭ ٴتوراعاسى، قر پارلامەنت ٴماجىلىسىنىڭ دەپۋتاتى ازات پەرۋاشەۆ دەموكراتيالىق كۇشتەردىڭ «قازاقستان-2050» جالپىۇلتتىق كواليسياسىنىڭ كەزەكتى وتىرىسىندا پرەزيدەنت جولداۋىنداعى شاعىن جانە ورتا بيزنەسكە ارنالعان باستامالار تۋرالى ايتتى، دەپ حابارلايدى baq.kz ٴتىلشىسى.

«بيىلعى جولداۋدىڭ ٴبىر ەرەكشەلىگى ول ەكونوميكالىق، ساياسي ۇردىستەردىڭ باس قۇندىلىعى، باس ماقساتى نە ەكەنىن اشىپ كورسەتتى. باس ماقساتىمىز، باس قۇندىلىعىمىز ەكونوميكا دا ەمەس، بيزنەس تە ەمەس، ساياسات تا ەمەس، باس قۇندىلىعىمىز ٴوزىمىز قاتارلى ازاماتتارىمىز، قاراپايىم حالقىمىز ەكەن. بۇل تالاپ اۋىزەكى ايتا سالاتىن نارسە ەمەس، كونستيتۋسيانىڭ 1-بابىندا رەسپۋبليكامىزدىڭ باس قۇندىلىعى – ازامات جانە ونىڭ ٴومىرى مەن قۇقىقتارى دەپ كورسەتىلگەن. ولاي بولسا راسىندا دا قالعان ماقساتتار ەكىنشى ورىندا تۇرعانىنا كوزىمىز جەتىپ وتىر. الەم جاعدايىنا قاراساق قازىرگى كەزدە بىرەۋلەر بىرەۋلەرمەن سوعىسىپ، ەكونوميكالىق ساۋدا سانكسيالارىن شىعارىپ وتىر. كوپ مەملەكەتتەردىڭ باسشىلارى بولاشاق تۋرالى ايتسا، ٴبىزدىڭ ەلباسى تاپسىرمالارى مەرزىمى ٴدال ٴقازىر، ٴدال بۇگىن جاساۋ كەرەك دەپ ماقسات-مىندەت قويىپ وتىر. ول ٴبىز ٴۇشىن ۇلكەن جاۋاپكەرشىلىك جانە ونى ىسكە اسىرۋعا بارشامىز باس قوسۋىمىز كەرەك»، - دەدى پەرۋاشەۆ.

ول «اق جول» دەموكراتيالىق پارتياسىنىڭ الدىندا بيزنەس پارتياسى رەتىندە جولداۋدان كەيىن شاعىن جانە ورتا بيزنەستى دامىتۋ ٴۇشىن ٴبىرقاتار تاپسىرمالار پايدا بولعانىن اتاپ ٴوتتى.

«قازىرگى كەزدە مەملەكەتتىك ورگاندار ٴتۇرلى باعدارلامالاردى ىسكە اسىرىپ وتىر. ٴبىراق كاسىپكەرلەردىڭ ايتۋىنشا ەڭ ٴتيىمدى، ەڭ ىڭعايلى، ناتيجەلى باعدارلاما ول – «جول كارتاسى – 2020» باعدارلاماسى. سوندىقتان كاسىپكەرلەر مۇنى نە كەڭەيتۋ كەرەك، نە جالعاستىرۋ كەرەك دەدى، سەبەبى مەرزىمى 1 جىلدان كەيىن بىتەدى. ەلباسىمىز باعدارلامانى 5 جىلعا سوزىپ ماسەلەنى شەشىپ وتىر. «سالىقتىڭ امنيستيا» باستاماسىن ەستىپ قۋاندىق. دەگەنمەن ەلباسىمىز مۇنىڭ قايىرىمدىلىق ەمەس، سالىق تۇگەل كەشىرىلمەيتىنىن ايتتى، ٴبىراق سالىق ۇستىنە قوسىلعان ايىپپۇل مەن ٴوسىم الىنىپ تاستالادى. بۇل دا ۇلكەن جەڭىلدىك. كاسىپكەرگە 5 جىل بۇرىنعى مەرزىم ٴۇشىن قوسىلاتىن ايىپپۇل، ٴوسىم كەيدە قارىزدىڭ وزىنەن 2-3 ەسە كوپ بولىپ كەتەدى»، - دەدى پارتيا ٴتوراعاسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي