BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساعىنتايەۆ الماتى وبلىسىنىڭ دارىگەرلەرىمەن ەلباسى جولداۋىن تالقىلادى

فوتو: Рrimeminister.kz

الماتى، baq.kz. بۇگىن الماتى وبلىسىنا جاساعان جۇمىس ساپارى بارىسىندا قر پرەمەر-مينيسترى باقىتجان ساعىنتايەۆ وڭىردەگى مەديسينا قاۋىمداستىعىنىڭ وكىلدەرىمەن كەزدەسىپ، ەلباسىنىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جولداۋىندا قويعان مىندەتتەرىن جۇزەگە اسىرۋ شارالارىن تالقىلادى.

كەزدەسۋ بارىسىندا مەديسينالىق قىزمەت كورسەتۋ ساپاسى مەن قولجەتىمدىلىگىن ارتتىرۋ، دارىگەرلەر مەن مەدبيكەلەردىڭ جالاقىسىن كوتەرۋ، سالاۋاتتى ٴومىر سالتىن ساقتاۋ ٴۇشىن جاعداي جاساۋ ارقىلى ادامي كاپيتالدى دامىتۋ، دەنساۋلىق ساقتاۋ سالاسىن سيفرلاندىرۋ جانە قايتا رەتتەۋ ماسەلەلەرى تالقىلاندى.

ٴسوز باستاعان پرەمەر-مينيستر ب. ساعىنتايەۆ جاقىندا حالىققا جولداعان جولداۋىندا مەملەكەت باسشىسى ۇكىمەت الدىنا جاقىن ارالىقتا ورىندالۋى ٴتيىس نەگىزگى التى مىندەت قويعانىن ەسكە سالدى. جاڭا جولداۋدىڭ باستى ماقساتى — حالىقتىڭ ٴومىر ٴسۇرۋ ساپاسىن جاقسارتۋ.

ەلباسىنىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى بىلتىرعى جولداۋىنىڭ ٴساتتى جۇزەگە اسىرىلۋىنىڭ ارقاسىندا وتكەن جىلى ەكونوميكالىق ٴوسىم بايقالدى. قابىلدانعان شارالار قاجەتتى جاعدايدى جاساپ، بيىل مەملەكەت باسشىسى حالىقتىڭ تابىس دەڭگەيىن كوتەرۋ تۋرالى شەشىم قابىلدادى. ماسەلەن، 2019 جىلدان باستاپ ەڭ تومەنگى جالاقى 1،5 ەسە وسەدى، ياعني 28 مىڭنان 42 مىڭ تەڭگەگە دەيىن ارتادى. شاراپاتىن 1،3 ملن جالدامالى قىزمەتكەر كورەدى، ولاردىڭ ەڭبەكاقىلارى 30%-عا دەيىن وسپەك. سونداي-اق، 275 مىڭ مەملەكەتتىك قىزمەتكەردىڭ تابىسى 35%-عا ارتادى.

2019–2020 جىلدارى دەنساۋلىق ساقتاۋ قىزمەتكەرلەرى ٴۇشىن، اتاپ ايتقاندا ۋچاسكەلىك دارىگەرلەر مەن مەدبيكەلەردىڭ ەڭبەكاقىسى 20%-عا وسەدى. بۇل — 10 مىڭ ۋچاسكەلىك دارىگەر مەن 30 مىڭ مەدبيكە تابىسىن ارتتىرادى دەگەن ٴسوز. جالپى، دەنساۋلىق ساقتاۋ مەن ٴبىلىم بەرۋ جۇيەسىن ودان ٴارى دامىتۋ ٴۇشىن الداعى بەس جىلدا وسى سالالارعا جۇمسالاتىن مەملەكەتتىك شىعىستاردىڭ كولەمى ٴجىو-نىڭ 10%-نا دەيىن كوبەيەدى.

ب. ساعىنتايەۆ، اسىرەسە اۋىلدىق جەرلەردە العاشقى مەديسينالىق-سانيتاريالىق كومەك كورسەتۋدىڭ قولجەتىمدىلىگى مەن ساپاسىن ارتتىرۋ تۋرالى ەلباسىنىڭ تاپسىرماسىنا باسا نازار اۋداردى. جاقىندا استانادا دۇنيەجۇزىلىك دەنساۋلىق ساقتاۋ ۇيىمى مەن باسقا دا حالىقارالىق قاۋىمداستىققا مۇشە ەلدەر وكىلدەرىنىڭ قاتىسۋىمەن وتكەن حالىقارالىق كونفەرەنسيا العاشقى مەديسينالىق-سانيتاريالىق كومەك كورسەتۋدى ودان ٴارى دامىتۋدىڭ نەگىزگى باعىتتارىن تالقىلاۋعا مۇمكىندىك بەردى. جيىنعا الەمنىڭ 140 ەلىنەن 1500-دەن استام قاتىسۋشى كەلدى.

وبلىستاعى مەديسينالىق ۇيىمداردىڭ وكىلدەرى ٴوز كەزەگىندە دەنساۋلىق ساقتاۋ جۇيەسىن دامىتۋعا قاتىستى ٴوز كوزقاراستارىن ٴبىلدىردى، ونىڭ ىشىندە مەملەكەت باسشىسىنىڭ جولداۋىن ىسكە اسىرۋ اياسىنداعى پىكىرلەرىن جەتكىزدى.

تالدىقورعان قالالىق كوپبەيىندى اۋرۋحاناسىنىڭ ديرەكتورى س. قۇسمولدانوۆا جالاقىنىڭ 20%-عا كوتەرىلۋى مەديسينالىق قىزمەتكەرلەردىڭ ىنتاسىن ارتتىرىپ، وبلىستاعى دەنساۋلىق ساقتاۋ مەكەمەلەرىنە بىلىكتى كادرلاردىڭ كەلۋىن ۇلعايتاتىنىن اتاپ ٴوتتى. سونىمەن قاتار، ونىڭ ايتۋىنشا، سيفرلاندىرۋدى، مىسالى ەلەكتروندى دەنساۋلىق پاسپورتتارىن ەنگىزۋ مەديسينالىق قىزمەت كورسەتۋ ساپاسىن ارتتىراتىن بولادى. №2 قالالىق ەمحانانىڭ پەدياتر دارىگەرى ا. جۇماعازيەۆا ەڭبەكاقىنى كوتەرۋ دارىگەرلەردىڭ ٴيميدجى مەن مەديسينالىق قىزمەتتەردىڭ تارتىمدىلىعىنا وڭ ىقپالىن تيگىزەتىنىن ايتتى.

وبلىستىق كارديولوگيالىق ورتالىقتىڭ ديرەكتورىنىڭ ورىنباسارى، كارديولوگ دارىگەر ا. شورماقوۆ جاڭا تەحنولوگيالاردى ەنگىزۋدىڭ ارقاسىندا 2009 جىلمەن سالىستىرعاندا ٴولىم-جىتىم كورسەتكىشتەرى 4 ەسەگە تومەندەگەنىن جەتكىزدى، الداعى ۋاقىتتا ەىدۇ ەلدەرىنىڭ كورسەتكىشتەرىنە قول جەتكىزۋ كوزدەلىپ وتىر. بۇل جەردە جىلىنا جۇرەككە 250-گە جۋىق وتا جاسالاتىنىن ايتا كەتۋ قاجەت. ٴوز كەزەگىندە ەسكەلدى اۋداندىق ورتالىق اۋرۋحاناسىنىڭ جالپى تاجىريبە دارىگەرى م. تىلەۋبەردى جەدەل ٴارى ساپالى مەديسينالىق كومەك كورسەتۋدە سيفرلاندىرۋدىڭ پايداسى تۋرالى اڭگىمەلەپ بەردى.

جۇمىستاعى يننوۆاسيالىق تاسىلدەر تۋرالى وبلىستاعى جەدەل جانە شۇعىل كومەك ستانسياسىنىڭ ديرەكتورى ب. وسپانوۆ باياندادى. ونىڭ ايتۋىنشا، جۇمىس ۇردىستەرىن سيفرلاندىرۋ مەديسينالىق كومەك كورسەتۋ ۋاقىتىن قىسقارتادى، از ۋاقىت ىشىندە دارىگەرگە اۆتوماتتاندىرىلعان جۇيە ارقىلى ەمدەلۋشىنىڭ جاي-كۇيى تۋرالى حابارلاۋعا مۇمكىندىك بەرەدى. وسىلايشا، ەمدەلۋشىنىڭ مەدمەكەمەگە كەلگەن ساتىندە وعان دەرەۋ قاجەتتى كومەك كورسەتىلەدى.

«بيىل جىل سوڭىنا دەيىن جۇمىس ورىندارىن كومپيۋتەر تەحنيكاسىمەن جاراقتاندىرۋ جانە ينتەرنەت جەلىسىنە اۋداندىق دەڭگەيگە دەيىنگى مەديسينالىق مەكەمەلەردى قوسۋ كوزدەلگەن. ٴقازىر مەديسينالىق ۇيىمداردىڭ كومپيۋتەرلىك تەحنيكامەن جابدىقتالۋى 94% قۇراپ وتىر»، — دەدى ب. وسپانوۆ.

مەديسينالىق قاۋىم ٴسوز سويلەپ بىتكەن سوڭ وبلىس اكىمى ا. باتالوۆ وڭىردە مەملەكەت باسشىسىنىڭ مەديسينا ساپاسىن جاقسارتۋ بويىنشا تاپسىرماسىن ىسكە اسىرۋدى باستاعاندارىن ايتتى. سيفرلاندىرۋ ماقساتىندا جەرگىلىكتى بيۋدجەتتەن ينۆەنتاريزاسياعا، پاسپورتتاندىرۋعا، دەنساۋلىق ساقتاۋ نىساندارىن جاڭا تەحنيكامەن قامتۋعا قاراجات ٴبولىنىپ جاتىر، مەديسينا قىزمەتكەرلەرىنىڭ جالاقىسى كوتەرىلۋدە. بۇل شارالاردىڭ باستى ناتيجەسى — انالار مەن بالالار ٴولىمىن، جۇرەك-قان تامىر جۇيەسى اۋرۋلارىنان، تۋبەركۋلەزدەن ٴولىم-جىتىمدى ايتارلىقتاي ازايتۋ بولماق.

بۇگىندە الماتى وبلىسىندا 811 دەنساۋلىق ساقتاۋ ۇيىمى بار، 20 مىڭعا جۋىق مەدقىزمەتكەر جۇمىس ىستەيدى. 511 مەدۇيىمدا 22 اقپاراتتىق جۇيە قولدانىلادى. ينتەرنەت جەلىسىنە بارلىق وبلىستىق جانە اۋداندىق اۋرۋحانالار قوسىلعان، كومپيۋتەرلەرمەن قامتىلۋ 94% قۇرايدى، ونى 100% جەتكىزۋ ٴۇشىن بيىل قوسىمشا 1024 كومپيۋتەر ساتىپ الىنادى. جىل سوڭىنا دەيىن «جەتىسۋ» مەديسينالىق اقپاراتتىق جۇيەسىن ەنگىزۋدى اياقتاپ، 2019 جىلدىڭ 1 قاڭتارىنان باستاپ قاعازسىز قۇجات اينالىمىنا كوشۋ جوسپارلانعان.

«قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» جولداۋىنىڭ اياسىندا اۋرۋلاردى باسقارۋدا جاڭا تاسىلدەردى ەنگىزگەن العاشقى مەديسينالىق-سانيتاريالىق كومەك قىزمەتكەرلەرى جالاقىلارىنا قوسىمشا 20% ۇستەماقى الاتىن بولادى. وبلىستا 3531 ادامنىڭ ەڭبەكاقىسى ارتادى، ونىڭ ىشىندە اۋىل دارىگەرىنىڭ جالاقىسى 277 مىڭنان 332 مىڭعا دەيىن، مەديسينالىق مەيىربيكەنىڭ ەڭبەكاقىسى 115 مىڭنان 135 مىڭ تەڭگەگە دەيىن كوتەرىلەدى.

كەزدەسۋدى قورىتىندىلاعان قر پرەمەر-مينيسترى باقىتجان ساعىنتايەۆ مەديسينا ساپاسىن ارتتىرۋ ماقساتىندا جەكە سەكتوردى دا دامىتۋ قاجەتتىگىن ايتتى. اتاپ ايتقاندا، جەكە مەديسينالىق ۇيىمدارعا قويىلاتىن تالاپتاردى ازايتۋ، سونىمەن قاتار جەكە ەمحانالاردا مەملەكەتتىك تاپسىرىستاردى ورنالاستىرۋ ارقىلى الەۋمەتتىك ەكونوميكانى دامىتۋ قاجەتتىگىنە نازار اۋدارىلدى.

ەسكە سالايىق، ۇكىمەت دەنساۋلىق ساقتاۋ جۇيەسىن رەتتەۋسىزدەندىرۋ جانە بيزنەس جۇرگىزۋ ٴۇشىن قاجەتتى جاعدايلار جاساۋ بويىنشا كەشەندى جۇمىستاردى جۇرگىزدى. 2017 جىلى دەنساۋلىق ساقتاۋ، ٴبىلىم بەرۋ مەن قىزمەت كورسەتۋ سالالارىندا 29 ەسكىرگەن جانە قايتالانعان سانيتارلىق ەرەجە الىنىپ تاستالدى. تەكسەرۋ پاراقتارىنداعى تالاپتار 6،3 ەسەگە ازايتىلىپ، تەك ۇردىستەر مەن قىزمەتتەردىڭ قاۋىپسىزدىگىنە قاتىستى تالاپتار عانا قالدىرىلدى. جالپى، بيزنەستى تەكسەرۋلەر سانى 1،7 ەسە تومەندەدى. ەمدەۋ-پروفيلاكتيكالىق مەكەمەلەردەگى جيناقتار مەن الاڭدارعا قويىلاتىن تالاپتار دا قايتا قاراستىرىلدى.

بۇل وڭتايلاندىرۋ دەنساۋلىق ساقتاۋ نىساندارىن سالۋعا جۇمسالاتىن شىعىنداردى 30%-عا ازايتۋعا مۇمكىندىك بەردى. دەنساۋلىق ساقتاۋ سالاسىندا جەكە كاسىپكەرلىكتى دامىتۋ ٴۇشىن دارى-دارمەكتەردى دايىندايتىن نىساندارعا قويىلاتىن تالاپتار — 2،2 ەسەگە، ستوماتولوگيالىق قىزمەتتەر كورسەتەتىندەرىنە — 4،6 ەسەگە، امبۋلاتورلىق-پوليكلينيكالىق، كونسۋلتاتيۆتىك-دياگنوستيكالىق جانە ستاسيونارلىق كومەك كورسەتەتىندەرگە — 1،4 جانە 1،3 ەسە تومەندەتىلدى. سونىمەن قاتار باسقا نقا-داعى قايتالانعان تالاپتاردى الىپ تاستاۋ بويىنشا جۇمىستار جۇرگىزىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي