BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

رۋسلان قۇسايىن ۇلى: ۇلت دەنساۋلىعى – مەملەكەتتىڭ نەگىزگى باسىمدىقتارىنىڭ ٴبىرى

استانا، baq.kz. مەملەكەت باسشىسىنىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» جولداۋىندا مەديسينالىق قىزمەتتىڭ ساپاسى حالىقتىڭ الەۋمەتتىك جاعدايىنىڭ ماڭىزدى كومپونەنتى رەتىندە بەلگىلەندى.

ەلىمىزدىڭ پرەزيدەنتى نۇرسۇلتان نازاربايەۆ ەڭ الدىمەن مەديسينالىق-سانيتاريالىق العاشقى كومەكتىڭ قولجەتىمدىلىگىن، اسىرەسە اۋىلدىق جەرلەردە ارتتىرۋ كەرەكتىگىن ايتتى.

وسىعان بايلانىستى رۋسلان قۇسايىن ۇلى قر دسم قوعامدىق دەنساۋلىق ساقتاۋ ۇلتتىق ورتالىعى ديرەكتورىنىڭ ورىنباسارى پىكىر ٴبىلدىردى.

«مەديسينالىق-سانيتاريالىق العاشقى كومەكتىڭ دامۋى – بۇل قوعامدىق دەنساۋلىقتىڭ دا دامۋى، ويتكەنى، ٴبىزدىڭ ورتالىعىمىزدىڭ قىزمەتى ەڭ الدىمەن قوعامدىق دەنساۋلىقتى ساقتاۋعا جانە جاقسارتۋعا، اۋرۋلاردىڭ الدىن الۋعا باعىتتالعان. ال مەديسينالىق-سانيتاريالىق العاشقى كومەك مەديسينالىق كومەك كورسەتۋ جۇيەسىنىڭ نەگىزى بولا وتىرىپ، اۋرۋلاردىڭ جانە جاعدايلاردىڭ الدىن الۋ، دياگنوستيكالاۋ، ەمدەۋ، مەديسينالىق وڭالتۋ، جۇكتىلىكتى باقىلاۋ، سالاۋاتتى ٴومىر سالتىن قالىپتاستىرۋ جانە حالىق اراسىندا سانيتاريالىق-گيگيەنالىق اعارتۋ جۇمىستارىن جۇرگىزۋ سياقتى ٴىس-شارالارىن قۇرايدى»، - دەيدى ول.

ونىڭ ايتۋىنشا، قازىرگى تاڭدا قازاقستاندا وتباسى دەنساۋلىعىن نىعايتۋعا نەگىزدەلگەن دەنساۋلىق ساقتاۋ سالاسىنىڭ العاشقى بۋىنىنا باستى نازار اۋدارىلعان، الەۋمەتتىك باعىتتاعى مودەل ويداعىداي ىسكە اسىرىلۋدا.

«بۇل ٴوز كەزەگىندە وتباسىلىق دارىگەردەن، مەيىربيكەدەن، الەۋمەتتىك قىزمەتكەردەن جانە پسيحولوگتان تۇراتىن ماماندار كومانداسىنىڭ جۇمىسى ارقىلى كەشەندى كومەك كورسەتۋدەگى مەديسينالىق-سانيتاريالىق العاشقى كومەكتىڭ مۇمكىندىكتەرى كەڭەيتىلىپ، پاسيەنتەردىڭ ماسەلەلەرىن شەشۋگە جاعداي جاسايدى. وسىلايشا، مەديسينالىق-سانيتاريالىق العاشقى كومەك دەڭگەيىندە دەنساۋلىق ساقتاۋ جۇيەسىنىڭ دامۋىن انىقتايتىن ماڭىزدى، «اۋرۋدان دەننىڭ ساۋ بولۋىنا دەيىن» جانە «ەمدەۋدىڭ ورنىنا وقىتۋ جانە قامقور بولۋ» پرينسيپتەرى جۇزەگە اسىرىلادى.

ەلباسىنىڭ جولداۋىن ىسكە اسىرۋ شەڭبەرىندە ٴبىز حالىق دەنساۋلىعىنا قامقور بولۋعا، جاراقات الۋلاردى بولدىرماۋعا، نەگىزگى ينفەكسيالىق ەمەس اۋرۋلاردىڭ الدىن الۋعا، دۇرىس تاماقتانۋعا، سكرينينگتەرگە، تەمەكى تارتۋدى، تۇزدى، ترانسمايلاردى پايدالانۋدى ازايتۋ بويىنشا زاڭنامالىق باستامالار جاساۋعا باعىتتالعان شارالاردى ارى قاراي جالعاستىراتىن بولامىز.

قازاقستان، وسى جىلى 40 جىلدىعى اتالىپ وتكەن الماتى دەكلاراسياسىنىڭ ۇستانۋشىسى بولا وتىرىپ، مەديسينالىق-سانيتاريالىق العاشقى كومەكتىڭ دامۋىنا ەرەكشە نازار اۋدارىپ، ونىڭ پرينسيپتەرىن كەزەڭ-كەزەڭمەن ورىنداۋدا. ىسكە ارىلىپ جاتقان 2016-2019 جىلدارعا ارنالعان «دەنساۋلىق» مەملەكەتتىك باعدارلاماسى الماتى دەكلاراسياسىنىڭ پرينسيپتەرىمەن ۇيلەسەدى.

بۇكىل جۇمىستىڭ ناتيجەسى حالىققا دەنساۋلىق ساقتاۋدىڭ العاشقى بۋىنىنىڭ، اسىرەسە اۋىلدىق جەرلەردە قولجەتىمدىلىگى مەن ساپاسى، پروفيلاكتيكالىق باعدارلامالاردىڭ تيىمدىلىگىن ارتتىرۋ، اۋرۋلاردىڭ الدىن الۋ بولىپ تابىلۋى كەرەك.

مەديسينالىق-سانيتاريالىق العاشقى كومەك قىزمەتكەرلەرى – اداممەن العاشقى بولىپ كەزدەسەتىن دەنساۋلىق ساقتاۋ جۇيەسىندەگى ماماندار. ٴبىزدىڭ ارىپتەستەرىمىز – اۋرۋلاردى باسقارۋدا جاڭا ادىستەردى ەنگىزەتىن ۋچاسكەلىك مەديسينا قىزمەتكەرلەرىنىڭ 2019 جىلدىڭ 1 قاڭتارىنان باستاپ جالاقىلارى وسەتىنى قۋانتادى»، - دەيدى رۋسلان قۇسايىن ۇلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي