BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پرەزيدەنت قاي كەزدە دە ۇستازدار قاۋىمىنا قولداۋ تانىتىپ كەلەدى – رەكتور

قاراعاندىداعى ىرگەلى وقۋ ورنى ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ رەكتورى ەركىن كوبەەۆ ەلباسى جولداۋىنىڭ باسىم باعىتتارىنا توقتالىپ، تاريحي قۇجاتتاعى ٴمۇعالىم مارتەبەسى، تۇلەكتەردىڭ جۇمىسپەن قامتىلۋى ماسەلەلەرىنە قاتىستى پىكىر ٴبىلدىردى، دەپ حابارلايدى baq.kz اقپارات اگەنتتىگى.

«ەلباسى نۇرسۇلتان ٴابىش ۇلى نازاربايەۆ ۇلى دالا ەلىنە «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى كەزەكتى جولداۋىن جاريا ەتتى. مەملەكەت باسشىسى قاي كەزدە دە قازاقستاندىقتاردى الەۋمەتتىك تۇرعىدان قولداۋدى باستى نازاردا ۇستاپ كەلەدى. بۇل جولعى جولداۋدا دا مەملەكەتتى نىعايتۋدا الەۋمەتتىك-ەكونوميكالىق دامۋدىڭ ماڭىزدى باسىمدىلىقتارىن جاڭعىرتىپ، جانداندىرۋ اسا قاجەت ەكەنىن باسا ايتتى. حالىقتىڭ الەۋمەتتىك جاعدايىن جاقسارتۋ جولدارى ۇسىنىلدى. پرەزيدەنت ٴجىو-نىڭ 10%-ىن ٴبىلىم، عىلىم جانە دەنساۋلىق ساقتاۋ سالاسىنا باعىتتاپ، بۇرىن-سوڭدى بولماعان شەشىم قابىلدادى. ايتۋلى جولداۋ الەۋمەتتىك باستامالاردى جۇزەگە اسىرۋدا «الەۋمەتتىك مەملەكەت پەن ۇلتتىق ٴال-اۋقاتتىڭ قازاقستاندىق ۇلگىسىن» قۇرۋ يدەياسىن ٴارى قاراي دامىتۋعا جول اشادى دەپ ويلايمىن»، - دەدى رەكتور.

قارمۋ باسشىسى ەلباسىنىڭ بالامالى ەنەرگەتيكا، بيومەديسينا، اۋىل شارۋاشىلىعى، it-تەحنولوگيالار سالاسىنداعى عىلىمي زەرتتەۋلەردى جانداندىرۋ ارقىلى ەكونوميكانىڭ يننوۆاسيالىق الەۋەتىن دامىتۋعا 100 ملرد. تەڭگە ٴبولۋ جايلى ۇسىنىسىن قولدايتىندىعىن ايتادى. ونىڭ ويىنشا، بۇل باستاما جوعارى وقۋ ورىندارىنىڭ عىلىمى ٴۇشىن قولدانبالى زەرتتەۋلەردى كەڭەيتىپ، ولاردىڭ ناتيجەلەرىن ەكونوميكادا سىناقتان وتكىزىپ، جۇزەگە اسىرۋعا زور مۇمكىندىك تۋعىزادى.

«پرەزيدەنتىمىز قاي كەزدە دە ۇستازدار قاۋىمىنا قولداۋ تانىتىپ كەلەدى، وسى جولداۋدا دا مۇعالىمدەردىڭ كاسىبي تۇرعىدان شىڭدالۋىنا باسا نازار اۋداردى. الداعى ۋاقىتتا مەملەكەت باسشىسىنىڭ باستاماسى بويىنشا «ٴمۇعالىمنىڭ مارتەبەسى تۋرالى» زاڭ قابىلداناتىن بولادى، ول بۇل ماماندىقتىڭ قوعامداعى بەدەلىن ارتتىرىپ، ەڭ تاجىريبەلى، دارىندى، وزىندىك كوزقاراسى قالىپتاسقان ماقساتكەر جاس مامانداردىڭ كۇشتى اعىنىن قامتاماسىز ەتەدى»، - دەيدى ەركىن قينويات ۇلى.

قارمۋ رەكتورى جوعارعى وقۋ ورنى تۇلەكتەرىنىڭ جۇمىسقا ورنالاسۋىنداعى رەيتينگتىك كورسەتكىشتەردىڭ جوعارى ەكەندىگىن، ۋنيۆەرسيتەت ۇجىمى ەلباسىنىڭ جولداۋىن باستى نازاردا ۇستاي وتىرىپ، جۇمىس بەرۋشىلەرمەن قارىم-قاتىناس جاساۋ ارقىلى تۇلەكتەردى تابىستى جۇمىسقا ورنالاستىرۋ جولدارىن انىقتاپ، باسەكەگە قابىلەتتى ٴبىلىم بەرۋ باعدارلامالارىن ەنگىزۋدى جالعاستىراتىنىن ايتتى.

«بۇگىنگى كۇنى جۇمىس بەرۋشىلەردىڭ ساۋالناماسى نەگىزىندەگى رەيتينگتىك كورسەتكىشتەر مەن جوعارى وقۋ ورنىن ٴتامامداعان تۇلەكتەردىڭ جۇمىسقا ورنالاستىرىلۋىنداعى تالداۋلار ۋنيۆەرسيتەتتىڭ قىزمەتىن باعالاۋدا زور ماڭىزعا يە. اتالعان رەيتينگكە ٴبىر عانا مىسال، ««اتامەكەن» قر ۇكپ جانە قازاقستان رەسپۋبليكاسى ٴبىلىم جانە عىلىم مينيسترلىگىنىڭ بىرلەسكەن جۇمىسىنىڭ اياسىندا جۇرگىزىلەتىن رەيتينگ بويىنشا ە.ا. بوكەتوۆ اتىنداعى قارمۋ ٴوز ماماندىقتارىنىڭ ساپاسى، وزەكتىلىگى مەن زاماناۋيلىعى بويىنشا ەڭ جوعارى باللداردى كورسەتە وتىرىپ، قازاقستاندىق جوعارى ٴبىلىم كوشباسشىلارىنىڭ قاتارىنا ەندى»، - دەيدى كوبەەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي