پرەزيدەنت: بلوكچەين سياقتى سيفرلىق تەحنولوگيالار كەدەندىك وپەراسيالاردى جەڭىلدەتەدى - جولداۋ|10 قاڭتار 2018، 10:20
كۋرسى ۆاليۋت وبنوۆليايۋتسيا
استانا:

پرەزيدەنت: بلوكچەين سياقتى سيفرلىق تەحنولوگيالار كەدەندىك وپەراسيالاردى جەڭىلدەتەدى

قر پرەزيدەنتى نۇرسۇلتان نازاربايەۆ قازاقستان حالقىنا ارنالعان ٴداستۇرلى جولداۋىندا كولىك-لوگيستيكا ينفراقۇرىلىمىنىڭ تيىمدىلىگىن ارتتىرۋ ماقساتىندا اتقارىلاتىن مىندەتتەردى اتاپ ٴوتتى، دەپ حابارلايدى baq.kz ٴتىلشىسى.

2017 جىلى قازاقستان ارقىلى وتكەن جۇك ٴترانزيتى 17 پروسەنتكە ٴوسىپ، 17 ميلليون تونناعا جۋىقتاعان. 2020 جىلعا قاراي ترانزيتتەن تۇسەتىن جىل سايىنعى تابىستى 2020 جىلى 5 ميلليارد دوللارعا جەتكىزۋ مىندەتى تۇر. بۇل ينفراقۇرىلىمعا جۇمسالعان مەملەكەت قاراجاتىن تەز ارادا قايتارۋعا مۇمكىندىك بەرەدى. وسى ورايدا قر پرەزيدەنتى نۇرسۇلتان نازاربايەۆ قازاقستان حالقىنا ارنالعان ٴداستۇرلى جولداۋىندا كولىك-لوگيستيكا ينفراقۇرىلىمىنىڭ تيىمدىلىگىن ارتتىرۋ ماقساتىندا اتقارىلاتىن جۇمىستارعا توقتالدى.

«جۇك قوزعالىسىن ونلاين رەجىمىندە باقىلاپ، ولاردىڭ كەدەرگىسىز تاسىمالدانۋى ٴۇشىن جانە كەدەندىك وپەراسيالاردى جەڭىلدەتۋ ماقساتىمەن بلوكچەين سياقتى سيفرلىق تەحنولوگيالاردىڭ اۋقىمدى تۇردە ەنگىزىلۋىن قامتاماسىز ەتۋ قاجەت. زاماناۋي شەشىمدەر لوگيستيكانىڭ بارلىق بۋىنىنىڭ ٴوزارا بايلانىسىن ۇيىمداستىرۋعا مۇمكىندىك بەرەدى. «ۇلكەن دەرەكتەردى» (big data) پايدالانۋ ساپالى تالداۋدى قامتاماسىز ەتۋگە، ٴوسىمنىڭ رەزەرۆىن انىقتاۋعا جانە ارتىق شىعىندى ازايتۋعا جاعداي تۋعىزادى»، - دەلىنگەن جولداۋدا.

ەلباسى وسى ماقساتتار ٴۇشىن ينتەللەكتۋالدى كولىك جۇيەسىن ەنگىزۋ قاجەت ەكەنىن اتاپ ٴوتتى. بۇل جۇيە كولىك اعىنىن ٴتيىمدى باسقارۋعا جانە ينفراقۇرىلىمدى ودان ٴارى دامىتۋ قاجەتتىگىن انىقتاۋعا جول اشادى.

«ىشكى وڭىرلىك قاتىناستاردى جاقسارتۋ ٴۇشىن اۆتوجولداردىڭ جەرگىلىكتى جەلىسىن جوندەۋ مەن قايتا سالۋعا ارنالعان قارجى كولەمىن كوبەيتۋ كەرەك. وسىعان جىل سايىن بولىنەتىن بيۋدجەت قاراجاتىنىڭ جالپى كولەمىن ورتاشا مەرزىمدەگى كەزەڭدە 150 ميلليارد تەڭگەگە جەتكىزۋ قاجەت. بۇل جۇمىسقا وڭىرلەردەگى بارلىق اكىمدىكتەردىڭ بەلسەندى قاتىسۋىن قامتاماسىز ەتۋ كەرەك»، - دەلىنگەن قر پرەزيدەنتىنىڭ قازاقستان حالقىنا ارنالعان ٴداستۇرلى جولداۋىندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي