BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودارلىق ۇستازدار: جاڭا جولداۋ ۇستازدارعا سەنىم سىيلادى

فوتو: Автор

ەرتىس ٴوڭىرىنىڭ ۇستازدارى ەلباسىنىڭ جولداۋىن زور قۋانىشپەن قابىلدادى. سالا ماماندارى «پەداگوگتاردىڭ مارتەبەسى تۋرالى» زاڭنىڭ قابىلدانۋى مەن حالىقتىڭ الەۋمەتتىك كوڭىل-كۇيىكن جاقسارتۋعا باعىتالعان ىستەرگە قاتىستى پىكىر ٴبىلدىردى، دەپ حابارلايدى baq.kz اگەنتتىگىنىڭ ايماقتاعى ٴتىلشىسى.

پاۆلودار قالاسىنداعى دارىندى بالالارعا ارنالعان اباي اتىنداعى №10 مەكتەبىنىڭ ديرەكتورى سامال ايتقازينانىڭ ايتۋىنشا، جاڭا زاڭ ۇستازدار اقۋىمىنا ەل بولاشاعى جولىندا تىنىمسىز ەڭبەك ەتۋگە ىنتا بەرەدى.

«پەداگوگيكا سالاسىنىڭ قىزمەتكەرى رەتىندە، ارينە، بيۋدجەتتىك سالا وكىلدەرىنىڭ جالاقىسى 35%-ى وسەتىنى تۋرالى جاڭالىق ەلەڭ ەتكىزدى. سونىمەن قاتار، ٴبىلىم سالاسىنداعى رەفورمالاردىڭ ساپاسىنا باسا ٴمان بەرىلەتىنىن ٴجون شەشىم دەپ بىلەمىن. پەداگوگتاردىڭ مارتەبەسىن ايقىندايتىن زاڭ مۇعالىمدەردى جانە مەكتەپكە دەيىنگى مەكەمەلەردىڭ قىزمەتكەرلەرىن ىنتالاندىراتىن بارلىق تەتىكتەرىن قاراستىرادى. جۇكتەمەمىز قىسقارتىلىپ، قىزمەتتەن تىس تەكسەرىستەردەن ارىلساق، ٴبىز نەگىزگى مىندەتىمىزدى مۇدىرمەي ورىندايتىنىمىز انىق. ەلباسى جولداۋىندا مۇعالىمدەرگە بۇگىنگى تاڭدا بارلىق جۇمىس جۇكتەلە بەرەتىنىن ٴدوپ باسىپ ايتتى»، - دەيدى سامال وسپانقىزى.

مامان نازاربايەۆ زياتكەرلىك مەكتەبىنىڭ وزىق تاجىريبەسى ورتا ٴبىلىم بەرۋ سالاسىندا دا قولدانىسقا ەنگىزىلۋى زامان كوشىنەن قالماۋعا سەپ بولاتىنى سەنىمدى.

«ەلباسى 2019-2021 جىلدارى ٴبىلىم بەرۋدىڭ قولجەتىمدىلىگىن ارتتىرۋعا رەسپۋبليكالىق بيۋدجەتتەن 50 ملرد. تەڭگە ٴبولۋدى تاپسىردى. وسىنىڭ ارقاسىندا ٴۇش اۋىسىمدى مەكتەپتەر مەن مەكتەپتەگى وقۋشى ورىندارىنىڭ تاپشىلىعى جويىلادى»، - دەيدى سامال وسپانقىزى.

ايتا كەتەيىك، پاۆلودار وبلىسىندا ٴبىلىم بەرۋدىڭ 670 مەكەمەسى، ونىڭ ىشىندە 178 بالاباقشا، 362 مەكتەپ، 11 بالالار ٴۇيى جانە 7 تۇزەتۋ ۇيىمى، 51 كوللەدج جانە باسقا دا ۇيىمدار بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي