«پاراساتتى پوليسەي» بايقاۋىنىڭ جەڭىمپازدارى جەڭىستەرىن ەلباسىعا ارنادى - جولداۋ|06 قازان 2018، 13:47
كۋرسى ۆاليۋت وبنوۆليايۋتسيا
استانا:

«پاراساتتى پوليسەي» بايقاۋىنىڭ جەڭىمپازدارى جەڭىستەرىن ەلباسىعا ارنادى

ەلباسىنىڭ بيىلعى قازاقستان حالقىنا جولداۋ جولداعان كۇنىنە تۇسپا-تۇس كەلگەن بايقاۋ قورىتىندىسى بويىنشا جۇلدەگەر اتانعان پوليسەيلەر ٴوز جەتىستىكتەرىن ەلباسىعا ارنادى. ولار قۇقىق قورعاۋ سالاسىنا ەرەكشە كوڭىل ٴبولىپ، ٴتارتىپ ساقشىلارىنىڭ ساپالى جۇمىس جاساۋىنا قولداۋ كورسەتىپ وتىرعان قر پرەزيدەنتىنە العىستارىن ايتىپ، جولداۋدا ايتىلعان باستامالاردى قولدايتىندارىن جەتكىزدى،-دەپ حابارلايدى baq.kz اقپارات اگەنتتىگى.

«بۇگىن ەلباسىمىز ن.ٴا. نازاربايەۆتىڭ قازاقستان حالىقىنا جولداۋىن تىڭدادىق. اسىرەسە، جولداۋداعى «... ازاماتتار ساناسىندا پوليسەيلەر جازالاۋشى ەمەس، كەرىسىنشە، قيىن جاعدايدا كومەك كورسەتۋشى دەگەن تۇسىنىك ورنىعۋى كەرەك. پوليسەيلەر – حالىق اراسىنداعى مەنىڭ وكىلدەرىم» دەگەن ٴسوزى جۇرەگىمە وتە جاقىن ٴتيدى. بۇل بىزگە، ياعني، ٴتارتىپ ساقشىلارىنا ۇلكەن جاۋاپكەرشىلىك جۇكتەيدى. نۇرسۇلتان ٴابىش ۇلى ىشكى ىستەر ورگاندارىن ۇنەمى قولداپ، قىزمەتكەرلەرىنىڭ تۇرعىن ٴۇي ماسەلەسىن شەشۋ، جالاقىسىن كوتەرۋ، قىزمەتىنە جاعداي جاساۋ سىندى تۇستاردا جان-جاقتى قولداپ وتىرادى. پوليسەيلەر وسىنداي مارتەبەگە لايىق بولۋى كەرەك دەپ ويلايمىن" - "پاراساتتى پولييسەي" بايقاۋىندا جەڭىسكە جەتكەن سقو قۇراماسىنىڭ پوليسەيى، ٴىىد ينسپەكتورى پوليسيا اعا لەيتەنانتى اليشەر يسمات ۇلى جارماعامبەتوۆ.

سونىمەن قاتار ول، جەڭىستەرىن ەلباسىعا ارنايتىندارىن ايتتى.

«سونداي-اق، بۇگىن «پاراساتتى پوليسەي» رەسپۋبليكالىق كونكۋرسى ٴوز مارەسىنە جەتتى. ٴتارتىپ ساقشىلارى ٴبىلىمدى، بىلىكتى، تارتىپكە باعىناتىن جانە حالقى ٴۇشىن ەڭبەك ەتەتىن قىزمەت يەسى بولسا، بۇگىنگى جەڭىسىمىز سونىڭ ەتالونى بولماق. پوليسيا قىزمەتكەرىنىڭ وڭ ٴيميدجىن قالىپتاستىراتىن، مەملەكەتتىك ٴتىل مارتەبەسىن ارتتىراتىن وسى كونكۋرسقا ٴبىز بىرنەشە اي دايىندالدىق. 21 كوماندانىڭ ىشىنەن توپ جارعانىمىز ٴۇشىن وتە قۋانىشتىمىن. جىل وتكەن سايىن كونكۋرستىڭ دا دەڭگەيى كوتەرىلىپ، تالاپ كۇشەيىپ كەلەدى. ايماقتىق كوماندالار اراسىنداعى دوستىق پەن سىيلاستىق تا بەكي ٴتۇستى. بۇگىنگى جەڭىسىمىزدى ەلباسىنىڭ بۇگىنگى جولداۋىنا قولداۋ رەتىندە، ەلباسىمىزعا ارنايمىز. «پاراساتتى پوليسەي» رەسپۋبليكالىق بايقاۋىنىڭ كوشپەلى ٴرامىزىن قابىلداعان ماڭعىستاۋ وبلىسىنا بارىپ، كەلەسى جىلى دا ۇزدىك اتانۋ جوسپارىمىزدا بار» - دەيدى ول.

ايتا كەتەيىك، بۇدان بۇرىن ەلىمىزدىڭ بارلىق وڭىرىنەن ىشكى ىستەر ورگاندارىنىڭ قىزمەتكەرلەرى جينالىپ، ەلىمىزدىڭ «پاراساتتى پوليسەي» كومانداسىن انىقتايتىن بايقاۋدا ونەر كورسەتىپ، سولتۇستىك قازاقستان وبلىسى ٴىىد نامىسىن قورعاعان «ٴ15-شى ٴوڭىر» كومانداسى توپ جارىپ، باس جۇلدە يەلەنگەنى تۋرالى حابارلاعانبىز. كەلەسى جىلى اتالعان بايقاۋدى وتكىزۋ قۇقىعىنا ماڭعىستاۋ ٴىىد قىزمەتكەرلەرى يە بولىپ، كوشپەلى رامىزدەرىن سالتاناتتى تۇردە قابىلدادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي