BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پالاتا سپيكەرىنىڭ توراعالىعىمەن ٴماجىلىستىڭ بيۋروسى ٴوتتى

فوتو: Ж.Кұспанов

ەلباسىنىڭ جولداۋىنا ايرىقشا نازار اۋدارعان ن. نىعماتۋلين بيىلعى جولداۋ ٴاربىر قازاقستاندىق ٴۇشىن ماڭىزدىلىعى زور، تاريحي قۇجات ەكەنىن ايتتى، دەپ حابارلايدى baq.kz اگەنتتىگى parlam.kz سايتىنا سىلتەمە جاساپ.

«الداعى ون جىلعا ارنالعان الەۋمەتتىك، ەكونوميكالىق جانە ايماقتىق دامۋ سالالارىنداعى ٴىس-قيمىل جوسپارلارى بىرىكتىرىلگەن بۇل جولداۋ ماقساتتار مەن مىندەتتەردىڭ اۋقىمى جاعىنان تەڭدەسسىز ستراتەگيالىق قۇجات. سوندىقتان جولداۋدا ايتىلعان بارلىق باعدارلار دەپۋتاتتىق كورپۋستىڭ زاڭ شىعارۋ جۇمىسىنىڭ باسىم باعىتى بولماق»، – دەدى پالاتا سپيكەرى.

سونىمەن قاتار، بيۋرو وتىرىسىندا پالاتانىڭ الداعى جالپى وتىرىسىنىڭ كۇن تارتىبىنە ەنگىزىلەتىن ماسەلەلەر قاتارى تالقىلاندى. كۇن ٴتارتىبىنىڭ جوباسىندا سالالىق كوميتەتتەرگە قورىتىندى ازىرلەۋ مەرزىمىن انىقتاۋ ٴۇشىن جاڭا زاڭ جوبالارىن جۇمىسقا الۋ كوزدەلەدى. ولاردىڭ قاتارىندا «قازاقستان رەسپۋبليكاسىنىڭ كەيبىر كونستيتۋسيالىق زاڭدارىنا قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى ماسەلەلەرى بويىنشا وزگەرىستەر ەنگىزۋ تۋرالى» كونستيتۋسيالىق زاڭ جوباسى جانە دەنە شىنىقتىرۋ مەن سپورت ماسەلەلەرىنە قاتىستى زاڭ جوباسى بار.

بۇدان بولەك، بيۋرو وتىرىسىندا ٴماجىلىستىڭ زاڭناما جانە سوت-قۇقىقتىق رەفورما كوميتەتىنىڭ كوشپەلى وتىرىسىن وتكىزۋ تۋرالى ماسەلە قارالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي