وزەكتى ماسەلەلەردى شەشۋگە جاستاردى جۇمىلدىرۋىمىز كەرەك - ساراپشى - جولداۋ|07 قازان 2018، 09:20
كۋرسى ۆاليۋت وبنوۆليايۋتسيا
استانا:

وزەكتى ماسەلەلەردى شەشۋگە جاستاردى جۇمىلدىرۋىمىز كەرەك - ساراپشى

فوتو: ашық дереккөзден

«قازاقستان-2050» جالپىۇلتتىق قوزعالىسى كەڭەسىنىڭ ٴتوراعاسى مۇحتار مانكەەۆ قر پرەزيدەنتى نۇرسۇلتان نازاربايەۆتىڭ قازاقستان حالقىنا ارناعان جىل سايىنعى جولداۋىندا جاستارعا ۇلكەن ٴمان بەرىلگەنىن ايتادى، دەپ حابارلايدى baq.kz ٴتىلشىسى.

"كوپ قۇجاتتاردى الاتىن بولساق، جوسپار، ونىڭ ناتيجەسى كورىنگەنىمەن، قارجىنىڭ قايدا بولىنەتىنى كورىنبەدى. پرەزيدەنت جولداۋدى ورىنداۋعا بيۋدجەتتەن 1،3 ترلن استام قارجى قاراستىرىلعانىن، ٴار ناقتى سالاعا قانشا اقشا بولىنەتىنىن ايتىپ كەتتى. وسىعان دەيىن 23 جولداۋ جاريالانسا، بيىلعىسى ناقتى جوسپارى، بيۋدجەتى بار، ناقتى ناتيجەگە جەتۋدى كورسەتەتىن جولداۋ بولدى"، - دەدى ول.

ول جولداۋدا جاستارعا بەرىلگەن باسىمدىقتارعا توقتالىپ ٴوتتى.

"جاستارعا دەگەن وسىنداي جولداۋدى ەڭ ٴبىرىنشى 2005 جىلى اقپان ايىندا ەستىگەن بولاتىنبىز. سول كەزدە جاستار ساياساتىنا، ولارعا ٴمان بەرىلىپ، "جاسىل ەل"، ستۋدەنتتىك جاساقتار قۇرىلىپ، جاڭادان سەرپىن بەرگەن بولاتىن. سودان 13 جىل وتكەن سوڭ بيىلعى جولداۋدا جاستارعا قايتادان ۇلكەن كوڭىل بولىنگەنىن كورىپ وتىرمىز. "2019 جىل - جاستار جىلى" دەپ جاريالانعانىنا قۋانىشتىمىز. ەلباسى وسىعان وراي ٴبىراز شارا وتكىزەمىز دەدى. الەۋمەتتىك سالانى دامىتۋدا جاستاردىڭ ٴرولى قانداي، ولارعا ارناپ ۇلكەن شارالار وتكىزىپ قانا قويماي، ناقتى جۇيەلى تۇردە ولاردى ماسەلەلەردى شەشۋگە قالاي تارتۋعا بولادى، جاستاردىڭ ٴرولىن قالاي كوتەرە الامىز دەگەن سەكىلدى ۇلكەن راديكالدى وزگەرىستەر كەرەك بولىپ تۇر. بۇل وزگەرىستەردى جاستارعا جەتكىزىپ، ولاردى جۇمىلدىرماساق، جوعارىدا وتىرىپ الىپ ولاردىڭ ۇستىنەن تۇسىرەتىن بولساق ەشقانداي ناتيجە بەرمەيتىنىن بىلەمىز. العا قويىلعان ماقساتتارعا جاستارمەن بىرىگىپ قالاي جەتەمىز دەگەن مىندەت تۇر. جاستار ساياساتى دەگەن كىشىگىم سەمينار، فورۋم، شارالاردى وتكىزۋ ەمەس، جاستاردىڭ الدىندا تۇرعان جۇيەلى سۇراقتاردى شەشۋگە ولاردى قالاي تارتامىز دەگەن ۇلكەن سۇراق تۋىنداپ وتىر. سەبەبى قازىرگى كەزدە جاستاردىڭ ٴرولى قانداي ەكەنىن، جانە ولاردى الدارىندا تۇرعان ماسەلەلەردى شەشۋگە قالاي تارتامىز دەگەن ۇلكەن وزەكتى ماسەلەنى ٴبارىمىز بىرىگىپ شەشۋىمىز كەرەك"، - دەدى ول.

ەسكە سالا كەتسەك، بۇگىن دەموكراتيالىق كۇشتەردىڭ «قازاقستان-2050» جالپىۇلتتىق كواليسياسىنىڭ كەزەكتى وتىرىسىندا پارتيا باسشىلارى مەن كاسىبي جانە قوعامدىق بىرلەستىكتەر وكىلدەرى قر پرەزيدەنتى نۇرسۇلتان نازاربايەۆتىڭ جىل سايىنعى جولداۋىندا كورسەتىلگەن باسىمدىقتاردىڭ ماڭىزىنا توقتالعان بولاتىن.

ۆيدەو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي