BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ورالبەك بوتباي: ەلباسى بيزنەستى دامىتۋدى جالعاستىرۋدى تاپسىردى

ەلباسى بۇگىنگى جولداۋىندا ەل ەكونوميكاسى مەن حالىقتىڭ ٴال-اۋقاتىنا قاتىستى ناقتى تاپسىرمالار بەرىپ، 2019 جىلدىڭ 1 قاڭتارىنان باستاپ شاعىن جانە ورتا بيزنەسكە راقىمشىلىق جۇرگىزۋدى تاپسىردى. وسىعان وراي، كاسىپكەر ورالبەك بوتباي جولداۋدىڭ ماڭىزدىلىعىنا قاتىستى ٴوز پىكىرىن ٴبىلدىردى، دەپ حابارلايدى ۆaq.kz ٴتىلشىسى.

«ٴبىز بيزنەسكە ەلىمىز العاش تاۋەلسىزدىگىن الىپ جاتقان الماعايىپ زاماندا كەلدىك. سول كەزەڭنەن بەرى نۇرسۇلتان ٴابىش ۇلى ەلىمىزدەگى بيزنەستىڭ دامۋىنا، ونىڭ وسىپ-وركەندەۋىنە باسا نازار اۋدارىپ كەلەدى. بۇگىنگى جولداۋدا قازاقستاندىقتاردىڭ ٴومىر ٴسۇرۋ دەڭگەيىن ارتتىرۋعا باسىمدىق بەرىلدى. مۇقيات تىڭدادىم. ەندى ەلىمىزدەگى مىڭداعان وتباسى باسپانالى بولماق. بيزنەسكە تاعى دا جەڭىلدىكتەر جاسالماق.

ٴبىزدىڭ كاسىبىمىزدىڭ وركەندەۋىنە ەلباسى ەرەكشە قولداۋ تانىتىپ ٴجۇر. ٴبىز دە ٴوز كەزەگىندە قولىمىزدان كەلگەنشە حالىققا جاعداي جاساۋعا، ەلىمىزدىڭ دامۋىنا ٴوز ۇلەسىمىزدى قوسۋعا مىندەتتىمىز. كۇنى كەشە عانا تۇركىستان وبلىسى، بايدىبەك اۋدانى، بورلىساي اۋىلدىق وكرۋگىنە beeline بايلانىس وپەراتورىنىڭ ستانسياسىن ورناتتىق. ەندى اۋىل تۇرعىندارىنا جىلدام ينتەرنەت پەن ساپالى بايلانىس قولجەتىمدى بولماق. جۋىردا ينۆەستورلارمەن بىرىگىپ، 70 پايىز ەنەرگيا ەكونومدايتىن 500 جۋىق كوشە شامدارىن تارتتىق. وسىنىڭ ٴبارى ەلباسىمىزدىڭ بيزنەسكە جاساعان قامقورلىعىنىڭ ارقاسى دەپ بىلەمىن. ەندى بۇگىنگى جولداۋدان كەيىن الىس-جاقىن ەلدەردەن 10 قازاق وتباسىن تۋعان جەرىم قوشقار اتا اۋىلىنا قونىستاندىرىپ، باسپاناسىن، ازىن-اۋلاق مالىن اپەرسەم دەگەن وي كەلىپ وتىر. مۇنداعى ماقساتىم ەلباسى جولداۋىن وقىعان ٴاربىر بيزنەس وكىلدەرىنە زاماناۋي تىلمەن ايتقاندا مەسەدج تاستاۋ»، - دەيدى كاسىپكەر.

ەستەرىڭىزگە سالا كەتەيىك، بۇگىنگى «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جولداۋدا قازاقستاندىقتاردىڭ ٴال-اۋقاتىن ودان ٴارى ارتتىرۋ مىندەتتەرىنە كوبىرەك كوڭىل بولىنەتىندىگى ايتىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي