نۇرسۇلتان نازاربايەۆ نەگىزگى 10 مىندەتتى اتادى - جولداۋ|09 قاڭتار 2018، 19:35
كۋرسى ۆاليۋت وبنوۆليايۋتسيا
استانا:

نۇرسۇلتان نازاربايەۆ نەگىزگى 10 مىندەتتى اتادى

مەملەكەت باسشىسى قازاقستان حالقىنا ارنالعان جىل سايىنعى جولداۋىنا بايلانىستى تەلەەفيردە جاساعان مالىمدەمەسىندە ەل الدىنداعى 10 نەگىزگى مىندەتتى اتادى، دەپ حابارلايدى ۆaq.kz اقپارات اگەنتتىگى.

نۇرسۇلتان نازاربايەۆ ەلىمىزدىڭ الەمدەگى ٴتۇرلى سىناقتارعا توتەپ بەرىپ، قارقىندى ەكونوميكالىق دامۋ جولىنا بەت العانىن اتاپ ٴوتتى.

«قازاقستان الەمدەگى ٴتۇرلى سىناقتارعا توتەپ بەرىپ، قارقىندى ەكونوميكالىق دامۋ جولىنا بەت الدى. ەلىمىزدىڭ 2050 جىلعا دەيىنگى ۇزاق مەرزىمدى دامۋ ستراتەگياسى جۇزەگە اسىرىلۋدا. ٴجۇز ناقتى قادام ۇلت جوسپارى اياسىندا ٴبىز رەفورمالاردى جۇرگىزىپ كەلەمىز. يندۋستريالاندىرۋ سالاسىن وركەندەتۋ ٴۇشىن جۇيەلى جۇمىستار اتقارىلۋدا. ٴبىز كونستيتۋسيالىق رەفورمانى جۇزەگە اسىرىپ، ەلىمىزدىڭ ٴۇشىنشى جاڭعىرۋىن باستادىق. رۋحاني جاڭعىرۋ باعىتى بويىنشا كەشەندى ٴىس-شارالار جۇرگىزىلۋدە. «سيفرلىق قازاقستان» باعدارلاماسى قابىلداندى»، - دەدى ەلباسى.

سونىمەن قاتار، قازاقستان حالقىنىڭ الدىنداعى نەگىزگى 10 مىندەتتى اتادى.

«مەن جۇزەگە اسىرۋىمىز كەرەك 10 مىندەتتى كورىپ وتىرمىن. ولاردىڭ مازمۇنى تۋرالى قىسقاشا ايتىپ وتسەم. ٴبىرىنشىسى - قازاقستاندىق يندۋستريا جاڭا تەحنولوگيالاردى ەنگىزۋدە فلاگمان بولا ٴبىلۋى كەرەك. ٴبىز ونەركاسىپتە ٴوندىرىس پروسەستەرىن سيفرلاندىرۋ مەن زاماناۋي بيزنەس-مودەلدەردى يگەرۋ ارقىلى ەڭبەك ٴوندىرىسىنىڭ دەڭگەيىن كوتەرۋگە ٴتيىسپىز. ەكىنشىدەن، رەسۋرستىق الەۋەتتى قولدانۋ تيىمدىلىگىن بارىنشا جاقسارتۋ كەرەك. قازىرگى ۋاقىتتا اقپاراتتىق-تەحنولوگيالىق شەشىمدەردى ەنگىزۋ تالاپ ەتىلىپ وتىر. بۇل شىعارىلاتىن ونىمدەردىڭ ۇلەسىن ارتتىرۋعا، ولاردى قايتا وڭدەۋ تەرەڭدىگىن مەڭگەرۋگە، سونىمەن بىرگە ەنەرگيانى ۇنەمدەۋگە جانە ٴوندىرىستىڭ ەكولوگياسىنىڭ جاقسارۋىنا مۇمكىندىك بەرەدى»، - دەدى نۇرسۇلتان نازاربايەۆ.

ەلباسى اگروونەركاسىپ كەشەنىن جاڭا تەحنولوگيالىق دەڭگەيگە كوتەرۋ كەرەكتىگىن 3-مىندەتتە اتاپ ٴوتتى. سونىمەن قاتار، ترانسپورت پەن لوگيستيكالىق ينفراقۇرىلىمدى ودان ٴارى دامىتۋ، تۇكش جانە قۇرىلىس سالاسىندا زاماناۋي تەحنولوگيالاردى قولدانۋدى دا مىندەت ەتتى.

ٴۇشىنشى، اگروونەركاسىپ كەشەنىن جاڭا تەحنولوگيالىق دەڭگەيگە كوتەرۋ كەرەك. بۇل اۋىل شارۋاشىلىعىندا ەڭبەك ونىمدىلىگى مەن وڭدەلگەن ٴونىم ەكسپورتىن تۇبەگەيلى ارتتىرۋ;

ٴتورتىنشى، ترانسپورت پەن لوگيستيكالىق ينفراقۇرىلىمدى ودان ٴارى دامىتا بەرۋ.

سيفرلىق تەحنولوگيالاردى ەنگىزۋ مەن ينتەللەكتۋالدى ترانسپورت جۇيەسىن قۇرۋ جۇك تاسىمالداۋ مەرزىمدەرىن قىسقارتۋعا جانە ترانزيتتەن تۇسەتىن تابىستاردى ەسەلەۋگە مۇمكىندىك بەرەدى.

بەسىنشى، تۇكش جانە قۇرىلىس سالاسىندا زاماناۋي تەحنولوگيالاردى قولدانۋ. قۇرىلىس جۇرگىزۋدىڭ جاڭا ادىستەرى، عيماراتتىڭ ەنەرگيانى ۇنەمدەۋ تالابىن كوتەرۋ، ينفراقۇرىلىمداردى ينتەللەكتۋالدىق جۇيەمەن باسقارۋ - قازاقستاندىقتاردىڭ ٴومىر ساپاسىن ارتتىرۋعا جول اشادى


مەملەكەت باسشىسى قازاقستانداعى قارجى سەكتورىنىڭ «قايتا جاندانۋىن» 6-مىندەت قىلىپ، 7،8-مىندەتتەر رەتىندە ادام كاپيتالى، ٴتيىمدى مەملەكەتتىك باسقارۋ ماسەلەلەرىنە توقتالدى.

«بانكتىك جۇيەلەردى دامىتۋ باقىلاۋ جولىمەن جانە قاراپايىم ازاماتتاردىڭ مۇددەسى ٴۇشىن جۇرگىزىلۋى كەرەك. بانكتەرگە يەلىك ەتەتىن ادامداردىڭ جاۋاپكەرشىلىگىن ارتتىرۋدىڭ ماڭىزى زور. جەتىنشى - ادام كاپيتالىنىڭ جاڭا ساپاسى. ٴبىلىمنىڭ بارلىق جۇيەسى زاماناۋي تالاپتارعا جانە ەكونوميكانىڭ بارىق قاجەتتىلىگىنە جاۋاپ بەرۋى ٴتيىس. سەگىزىنشى - بۇل ٴتيىمدى مەملەكەتتىك باسقارۋ. سيفرلىق تەحنولوگيالار بيزنەستى قايتا رەتتەۋگە، مەملەكەت تاراپىنان كورسەتىلەتىن قىزمەت پەن مەملەكەتتىك قولداۋدىڭ ساپاسىن ارتتىرۋعا، ازاماتتاردىڭ قاجەتتىلىگىن بارىنشا ەسەپكە الۋعا مۇمكىندىك بەرەدى»، - دەدى نۇرسۇلتان نازاربايەۆ.

نۇرسۇلتان نازاربايەۆتىڭ توعىزىنشىدان زاڭنىڭ قۇزىرەتتىلىگى مەن جەمقورلىقپەن كۇرەس مەملەكەتتىك ساياساتتىڭ باسىم باعىتتارىنىڭ ٴبىرى بولىپ قالاتىنىن ايتىپ ٴوتتى. ونىنشى مىندەت رەتىندە «سمارت سيتي» تەحنولوگياسىنىڭ ەنگىزىلۋى ٴوسىپ بارا جاتقان قالالاردىڭ ماسەلەلەرىن ٴتيىمدى تۇردە شەشۋگە جول اشىپ، ينۆەستورلاردىڭ قىزىعۋشىلىعىن تۋعىزاتىنىن جەتكىزدى.

«ٴبىزدىڭ ٴبارىمىز بۇگىنگى كۇنى وسى ون تاپسىرمانى ورىنداۋعا كۇش سالۋىمىز كەرەك. جولداۋدىڭ تولىق ماتىنىندە ولاردىڭ بارلىعى كورسەتىلەدى»، - دەدى نۇرسۇلتان نازاربايەۆ.

مالىمدەمەنىڭ سوڭىندا، اتالعان مىندەتتى ورىنداۋ ٴۇشىن حالىق بىرلىگى مەن ىنتامىعىنىڭ ماڭىزدىلىعىن جەتكىزدى.

«اتالعان مىندەتتەردى ورىنداۋ ٴۇشىن بۇكىل قوعامنىڭ بىرلىگى مەن ىنتىماعى كەرەك. ول ٴۇشىن ۇكىمەت پەن اكىمدەر كەڭىنەن ٴتۇسىندىرۋ جۇمىستارىن جۇرگىزۋى قاجەت. وتانىمىزدىڭ كوركەيۋى اركىمنىڭ جاڭا «سيفرلىق ٴداۋىر» تالاپتارىنا ساي بولۋىنا بايلانىستى. وسىنى ٴاربىر قازاقستاندىق تەرەڭ ٴتۇسىنۋى كەرەك. قازاقستاننىڭ جارقىن بولاشاعى جولىندا بارلىق ماقساتتارعا قول جەتكىزەتىنىمىزگە كامىل سەنەمىن»، - دەدى مەملەكەت باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي