BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نۇرلان ٴابدىروۆ: ەلباسى وڭتايلاندىرۋ ارقىلى پوليسيا، سوت جانە مەملەكەتتىك قىزمەت ساپاسىن ارتتىرماق

ٴماجىلىس دەپۋتاتى نۇرلان ٴابدىروۆ قازاقستان پرەزيدەنتى نۇرسۇلتان نازاربايەۆتىڭ قازان جولداۋىنا قاتىستى پىكىرىمەن ٴبولىستى. دەپۋتاتتىڭ ايتۋىنشا، ەلباسى جولداۋدا مەملەكەتتىك قىزمەتكەرلەردى، ىشكى ىستەر ورگاندارى مەن سوت ماماندارىن وڭتايلاندىرۋعا اسا ۇلكەن ٴمان بەردى، دەپ حابارلايدى baq.kz ٴتىلشىسى.

«ىشكى ىستەر ورگاندارىن جاڭعىرتۋ جونىندەگى جول كارتاسى جاسالۋى ٴتيىس. ارينە، ول ٴبىر جىلدى عانا قامتىمايتىنى انىق. سەبەبى، بۇگىنگى كۇنى ول ەڭ ٴىرى مەملەكەتتىك ۇيىم. ونىڭ شتاتىندا كەم دەگەندە 160 مىڭ ادام بار. بۇنىڭ بارلىعىن ترانسفورماسيالاۋ وڭاي بولمايدى. سەبەبى، ٴار پوليسەيدىڭ ارتىندا ونىڭ وتباسى بار. پرەزيدەنت وسى بلوكتاعى ٴسوزىن تاۋەلسىزدىك جىلدارى 770 پوليسەيدىڭ قىزمەتتىك بورىشىن اتقارۋ كەزىندە قازا تاپقانى جايلى سوزىمەن باستادى. ەلباسى ٴبىر جاعداي بولعاندا ادامداردىڭ پوليسياعا جۇگىنەتىنىن ەسكە سالدى. ال وسى پوليسەيلەردى ەشكىم دۇرىستاپ وقىتپايتىنىنا قاتىستى ناقتى ەسكەرتۋلەر جاسالدى. مىناداي اڭگىمە بولدى: اۋىلدان كەلىپ، بيلىككە قول جەتكىزەدى. سودان كەيىن ول ٴبارى قولىمدا دەپ، نە ىستەگىسى كەلەدى، سونى ىستەيدى. سوندىقتان، پرەزيدەنت قاجەت بولسا، پوليسەيلەرگە ارنالعان ٴتۇرلى وقىتۋ ورتالىقتارىنىڭ سانىن قىسقارتايىق، ٴبىراق، ساپاسىن ارتتىرايىق دەدى. بىرىنشىدەن، ىرىكتەۋدى جاقسارتىپ، وعان ٴبىلىم بەرۋ مەكەمەلەرىن تارتۋ كەرەك. ەلباسى وڭتايلاندىرۋ ەسەبىنەن مامانداردىڭ ساپاسىن ارتتىرىپ، جالاقىنى كوبەيتە الامىز دەپ ايتتى»، - دەدى ٴابدىروۆ بەرگەن سۇحباتىندا.

ماجىلىسمەن جولداۋدا سوت جايلى دا ٴسوز بولعانىن ايتتى. ونىڭ مالىمەتىنشە، پرەزيدەنت سوت سالاسىنىڭ مودەرنيزاسياسىن جالعاستىرۋ كەرەكتىگىن جەتكىزدى.

«ەلباسى وسى سالادا دا ىرىكتەۋدى كۇشەيتۋدى تاپسىردى. سوتقا موتيۆاسياسى بار، دايىندىعى جوعارى ادامدار كەلۋى كەرەك. ٴوز ويىمشا، بۇل حالىقتىڭ ىسىنە جاۋاپتى ەكەنىن تۇسىنەتىن ازاماتتار بولۋى قاجەت. پرەزيدەنت قازىرگى تاڭدا ٴتۇرلى سوت ىستەرىنە 3 ملن ادامنىڭ قاتىسىپ جاتقانىن ەسكە سالدى. بۇل وتە ۇلكەن كورسەتكىش. وسىعان وراي، جوعارعى سوت ٴتوراعاسىنا وسى جىلدىڭ سوڭىنا دەيىن سوت جۇيەسىن ودان ٴارى جاڭعىرتۋ بويىنشا ناقتى جوسپار ۇسىنۋ تاپسىرىلدى»، - دەدى نۇرلان ٴابدىروۆ.

ٴماجىلىس دەپۋتاتى جولداۋدا كوپتەگەن سۇراقتار مەملەكەتتىك قىزمەتتەردى جەتىلدىرۋگە قاتىستى بولعانىن ايتتى. قازان جولداۋىندا مەملەكەتتىك قىزمەتكەرلەردى وڭتايلاندىرۋ، ولاردىڭ سانىن قىسقارتۋ جايلى دا ايتىلدى. بۇل ٴوز كەزەگىندە ەڭبەك ونىمدىلىگىن ارتتىرۋ ٴۇشىن جاسالىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي