BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نىعماتۋلين ەرتىس ٴوڭىرىنىڭ ەڭبەك ۇجىمدارىمەن ەلباسى جولداۋىن تالقىلادى

فوتو: Автор

پاۆلودار. baq.kz ٴتىلشىسى. قر ٴماجىلىسىنىڭ ٴتوراعاسى نۇرلان نىعماتۋلين ەلباسى جولداۋىنىڭ نەگىزگى باعىتتارىن پاۆلودار وبلىسىنىڭ ەڭبەك ۇجىمدارى جانە جاستارىمەن تالقىلادى.

جۇمىس ساپارى بارىسىندا نۇرلان نىعماتۋلين قازاقستاندىق ەلەكتروليز»زاۋىتىندا بولىپ، كاسىپورىننىڭ جۇمىسىمەن تانىستى. ونەركاسىپ سالاسىنىڭ مايتالماندارىمەن جۇزدەسىپ، جولداۋدىڭ نەگىزگى تەتىكتەرىمەن تانىستى.

ايتا كەتەيىك، وندىرىستىك قۋاتتىلىعى جىلىنا 250 مىڭ توننا ٴونىمدى قۇرايدى. بىرەگەي كاسىپورىن ىشكى نارىقتان بولەك، ونىمدەرىن الەمنىڭ 20-دان استام ەلىنە تاسىمالدايدى. ولاردىڭ قاتارىندا رەسەي، بەلارۋس، وزبەكستان جانە ەۋروپا ەلدەرى بار.

«العاشقى مەتاللۋرگيالىق الىپ تاۋەلسىزدىك جىلدارى بوي كوتەردى. زاۋىتتىڭ ىرگەتاسىن قالاۋ راسىمىنە ەل پرەزيدەنتى نۇرسۇلتان نازاربايەۆتىڭ قاتىسقانى ەسىمىزدە. 2010 جىلى كاسىپورىننىڭ ەكىنشى كەزەگىنىڭ ىسكە قوسىلۋىنا دا مەملەكەت باسشىسى قاتىستى. بۇگىندە بۇل زاۋىت - قازاقستاندا اليۋمينيي وندىرەتىن جالعىز كاسىپورىن. ەلەكتروليز ٴوندىرىسى قازاقستاننىڭ جاڭا تاريحىندا جۇزەگە اسىرىلعان ٴىرى يندۋستريالىق جوبالاردىڭ العاشقىلارىنىڭ ٴبىرى. 10 جىل ىشىندە العاشقى ٴاليۋمينييدىڭ ەكى ميلليوننان استام تونناسى ٴوندىرىلدى. بۇگىندە تاۋلىگىنە 2،5 توننا قاناتتى مەتالل شىعارىلادى. الداعى 3-5 جىل ىشىندە ٴوندىرىس ورنى قۋاتتىلىعىن 265 مىڭ تونناعا ارتتىرۋدى جوسپارلاۋدا. مەتاللۋرگتەر جولداۋدا ايتىلعان ماقسات-مىندەتتەردى ورىنداۋعا اتسالىساتىنىنا سەنىمدىمىز»، - دەيدى ٴماجىلىس ٴتوراعاسى.

ٴماجىلىس ٴتوراعاسى ەلباسى جولداۋىنىڭ نەگىزگى باعىتتارىنا نازار اۋدارىپ، الەۋمەتتىك باستامالارعا ەرەكشە ٴمان بەردى.

پالاتا سپيكەرى ەلباسىنىڭ اعىمداعى جولداۋى ماڭىزدىلىعى جاعىنان 2030 جانە 2050 ستراتەگيالارىمەن قاتار تۇراتىن قۇجات دەۋگە بولاتىنىن ايتتى.

ەلباسىنىڭ قازاقستان حالقىنا جولداۋىنا ارنالعان جيىن جاستار باستامالارىن دامىتۋ ورتالىعىندا جالعاسىن تاپتى.

ايتا كەتەيىك، ورتالىق بەس جىلداعى جۇمىسى بارىسىندا كوپتەگەن شىعارماشىلىق يدەيالار مەن جاڭا جوبالاردى جۇزەگە اسىردى. سونىمەن قاتار، ورتالىقتان جۇمىسپەن قامتۋ، قۇقىقتىق جانە پسيحولوگيالىق قولداۋ كورسەتۋ، سونداي-اق مەملەكەتتىك تۇرعىن ٴۇي باعدارلامالارى مەن جاستار كاسىپكەرلىگى تۋرالى اقپاراتتار الۋعا بولادى.

جاستاردىڭ سۇراقتارىنا جاۋاپ بەرگەن ٴماجىلىس ٴتوراعاسى ەلباسىنىڭ جولداۋىنداعى بارلىق باسىم باعىتتار پارلامەنتتىڭ زاڭنامالىق جۇمىسىنىڭ باستى باعىتى بولاتىنىن ايتتى.

«الەۋمەتتىك سالانىڭ بارلىق باعىتتارىن قولداۋدىڭ ماڭىزدى مىندەتتەرى، سونىمەن بىرگە، وتباسى، تۇرعىن ٴۇي، شاعىن بيزنەس، ەڭبەكاقى، جاستار، اۋىلشارۋاشىلىعى، قۇقىق قورعاۋ جۇيەسىن جاڭعىرتۋدىڭ جولدارى كورسەتىلدى. ەڭ باستىسى - ولاردىڭ بارلىعى ورىندالاتىن، ناقتى جانە قاجەتتى ماقساتتار. وسىعان سايكەس ۇكىمەت ٴبىرقاتار جاڭا الەۋمەتتىك- ەكونوميكالىق تاپسىرمالاردى جۇزەگە اسىراتىن بولادى. مىسالى، كەلەر جىلدان باستاپ ەڭ تومەنگى ەڭبەكاقى 1،5 ەسەگە دەيىن وسەدى. بۇل ەلىمىزدەگى ٴبىر ميلليوننان استام جۇمىسكەر ٴۇشىن ۇلكەن قۋانىش. ال، 300 مىڭعا جۋىق بيۋدجەتتىك قىزمەتكەرلەر جالاقىسى 35 پايىزعا كوبەيتىلمەك»، - دەيدى ن. نىعماتۋلين.

جاستار سۇراقتارىن قىسىلماي قويىپ، مازالاعان ماسەلەلەرىنە قاتىستى تۇشىمدى جاۋاپتارىن الدى.

فوتولار: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي