ٴمۇعالىم ماماندىعى ەڭ قۇرمەتتى ماماندىققا اينالادى – مەكتەپ ديرەكتورى - جولداۋ|06 قازان 2018، 19:07
كۋرسى ۆاليۋت وبنوۆليايۋتسيا
استانا:

ٴمۇعالىم ماماندىعى ەڭ قۇرمەتتى ماماندىققا اينالادى – مەكتەپ ديرەكتورى

فوتو: Автор

تۇركىستان وبلىسى مۇعالىمدەرىنىڭ ەلباسىنىڭ قازاقستان حالقىنا ارناعان جولداۋىنان كۇتەرى كوپ. ولار قازان جولداۋىندا ايتىلعان «پەداگوگ مارتەبەسى تۋرالى» زاڭ قابىلدانسا، ٴجونسىز جۇمىسقا جەگۋدەن قۇتىلاتىندارىنا سەنەدى. بۇل تۋرالى ٴارى وبلىستىق ٴماسليحاتتىڭ دەپۋتاتى ٴارى مەكتەپ ديرەكتورىمەن اڭگىمەلەسكەن baq.kz ايماقتاعى ٴتىلشىسى حابارلادى.

شاردارا اۋدانىنىڭ «جاۋشىقۇم» مەكتەپ-ليسەيىنىڭ ديرەكتورى روزا ٴجۇنىسقۇلوۆا قازان جولداۋى حالىقتىڭ جاعدايىن جاقسارتۋعا باعىتتالعان ماڭىزدى قۇجاتتىڭ بىرىنە اينالادى، دەپ بىلەدى.

«ەلباسى جولداۋىندا بارلىق الەۋمەتتىك سالانى قامتىعان مىندەتتەر اشىپ كورسەتىلدى. سونىمەن بىرگە ورىندالماي جاتقان تاپسىرمالار، كەمشىلىكتەر دە اشىنا ايتىلدى. نۇرسۇلتان ٴابىش ۇلىنىڭ ەڭ الدىمەن قاراپايىم حالىقتىڭ جاعدايىن تەرەڭ ويلايتىن كورەگەن باسشى ەكەنىن اتاپ كورسەتكىم كەلەدى. سەبەبى، جاستاردىڭ تۇرعىن ۇيمەن قامتىلۋى، ولاردىڭ العاشقى جارنا سوماسىن مەملەكەت ەسەبىنەن جەڭىلدىكپەن تولەۋىنە بارلىق اكىمدەردى مىندەتتەۋى – باسپانا الۋعا قول جەتكىزە الماي جۇرگەن ميلليونداعان جاستاردىڭ ۇمىتتەرىنە ساۋلە شاشىپ وتىر. سونداي-اق، ەڭ تومەنگى جالاقىنى 1،5 ەسەگە كوبەيتۋدى تاپسىردى» دەگەن روزا ٴجۇنىسقۇلوۆانى شاردارا اۋداندىق ٴماسليحاتىنىڭ دەپۋتاتى رەتىندە بۇقارانىڭ الەۋمەتتىك جاعدايى ٴاردايىم الاڭداتادى ەكەن. سونىمەن قاتار مەكتەپ ديرەكتورى رەتىندە پەداگوگ ماماندارىنىڭ ماسەلەسىن ەلباسىنىڭ باستى نازارىنا العانىنا قۋانىشتى.

ونىڭ ايتۋىنشا بۇرىننان بەرى ايتىلىپ-ايتىلىپ، سول ايتىلعان جەردە قالىپ كەتەتىن مۇعالىمدەردى سايلاۋعا جەگۋ، زالدى تولتىرۋ ٴۇشىن جيىندارعا ەرىكسىز اپارۋ، باسقا دا تولىپ جاتقان قوعامدىق جۇمىستاردى مويىندارىنا ارتىپ قويۋ سەكىلدى شارۋالاردى ەندىگى جەردە ەلباسىنىڭ ٴوزى توقتاتپاق.

«مەنىڭ ماماندىعىم ٴمۇعالىم بولعاندىقتان، ەلباسىنىڭ ٴبىلىم سالاسى تۋرالى ايتقان ٴاربىر سويلەمىنە مۇقيات نازار اۋداردىم. قازان جولداۋى پەداگوگ مامانداردىڭ مارتەبەسىن ارتتىرعان ەرەكشە جولداۋ بولدى دەپ ەسەپتەيمىن. «پەداگوگتاردىڭ مارتەبەسى تۋرالى» زاڭ شىعارۋ جونىندە پرەزيدەنتتىڭ ايتقان ٴسوزى شاكىرت تاربيەلەپ جۇرگەن ٴاربىر جاندى تولقىتىپ تاستادى دەسەم، ارتىق ايتقاندىق ەمەس. بۇرىننان بەرى ايتىلىپ-ايتىلىپ، سول ايتىلعان جەردە قالىپ كەتەتىن مۇعالىمدەردى سايلاۋعا جەگۋ، زالدى تولتىرۋ ٴۇشىن جيىندارعا ەرىكسىز اپارۋ، باسقا دا تولىپ جاتقان قوعامدىق جۇمىستاردى مويىندارىنا ارتىپ قويۋ سەكىلدى شارۋالاردى ەندىگى جەردە ەلباسىنىڭ ٴوزى توقتاتپاق. «پەداگوگتاردىڭ مارتەبەسى تۋرالى» جاڭا زاڭ مۇعالىمدەردى وسىنداي ٴجونسىز جەگۋلەردەن قۇتقارادى. وقىتۋشى مۇنان بىلايعى ۋاقىتتا تەك شاكىرت تاربيەلەۋمەن اينالىسپاق. مۇعالىمدەردىڭ مارتەبەسىن ارتتىرۋ ماسەلەسى كوپتەن بەرى قوزعالىپ جۇرگەنىمەن، ەشقانداي ناتيجە شىعىپ جاتقان جوق ەدى. ەندى ٴمۇعالىم ماماندىعىنىڭ ەڭ ٴبىر قۇرمەتتى ماماندىققا اينالۋى ٴۇشىن ارنايى زاڭ ومىرگە كەلەتىن بولدى. مەملەكەت باسشىسى ايتقان بۇل اقجولتاي حابار مۇعالىمدەردىڭ ٴتول مەرەكەسىندە جاسالعان لايىقتى تارتۋى بولدى دەسەك جاڭىلىسپايمىز» - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي