BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مينيستر شوب ٴۇشىن سالىقتىق امنيستيا قالاي جۇرگىزىلەتىنىن ٴتۇسىندىردى

استانا. baq.kz ٴتىلشىسى. ۇكىمەتتىڭ ٴباسپاسوز ورتالىعىندا وتكەن بريفينگتە قارجى ٴمينيسترى ٴاليحان سمايىلوۆ 2019 جىلدىڭ 1 قاڭتارىنان باستاپ شاعىن جانە ورتا بيزنەس ٴۇشىن سالىقتىق امنيستيا قالاي جۇرگىزىلەتىنىن ٴتۇسىندىردى.

«امنيستيا تەك قانا شاعىن جانە ورتا بيزنەسكە قاتىستى. ول وسى جىلدىڭ 1 قازانىندا قالىپتاسقان بەرەشەكتەرى بويىنشا جۇرگىزىلەدى. قازىرگى تاڭدا ٴبىز ٴتيىستى زاڭناماعا وزگەرىستەردى ەنگىزۋ جايىن قاراستىرىپ جاتىرمىز. بەرەشەكتەردى الىپ تاستاۋ 2019 جىلدىڭ باسىنان 31 جەلتوقسانعا دەيىن جۇرگىزىلەدى. ياعني شاعىن جانە ورتا بيزنەس وكىلدەرى ٴوزىنىڭ بەرەشەگىن تولەيتىن بولسا، ٴبىز ونىڭ ۇستىنە قوسىلعان بارلىق ايىپپۇلدى كەشىرەمىز»، - دەدى مينيستر «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» جولداۋىنداعى مىندەتتەردى جۇزەگە اسىرۋدا قارجىلىق قامتاماسىز ەتۋ» تاقىرىبىندا وتكەن بريفينگتە.

ەستەرىڭىزگە سالا كەتەيىك، 5 قازاندا ەلباسى نۇرسۇلتان نازاربايەۆ قازاقستان حالقىنا كەزەكتى جولداۋىن جاريا ەتكەن. وندا مەملەكەت باسشىسى 2019 جىلدىڭ 1 قاڭتارىنان شاعىن جانە ورتا بيزنەس ٴۇشىن سالىقتىق امنيستيا جۇرگىزىلەتىنىن ٴمالىم ەتكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي