BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴماجىلىس دەپۋتاتتارى وتاندىق كاسىپورىنداردى ارالادى

فوتو: Мәжілістің баспасөз қызметі

استانا، baq.kz ٴتىلشىسى. قر پارلامەنتى ٴماجىلىسى دەپۋتاتتارىنىڭ ايماقتارعا ساپارى جالعاسىپ جاتىر. سوڭعى بىر-ەكى كۇندە ماجىلىسمەندەر سولتۇستىك قازاقستان وبلىسى، تۇركىستان وبلىسى مەن الماتى قالاسىن ارالاپ شىقتى.

ٴماجىلىس دەپۋتاتتارى سقو اققايىڭ اۋدانىنىڭ تۇرعىندارىمەن كەزدەستى. سولتۇستىك قازاقستان وبلىسىنداعى جۇمىس ساپارى اياسىندا پارلامەنت ٴماجىلىسىنىڭ دەپۋتاتتارى ساپار احمەتوۆ، پەتر شاراپايەۆ جانە بەرىك وسپانوۆ اققايىڭ اۋدانىنا باردى. اۋدانداعى «پولتاۆسكوە» جشس قىزمەتكەرلەرمەن، پولتاۆكا ورتا مەكتەبىنىڭ ۇجىمىمەن جانە اۋىل تۇرعىندارىمەن كەزدەسۋدە دەپۋتاتتار ەلباسى جولداۋىن تالقىلادى.

«پولتاۆسكوە» جشس ەڭبەك ۇجىمىمەن وتكەن ٴىس-شارا ٴونىم ەكسپورتىنىڭ كولەمىن ۇلعايتۋ جانە اگروونەركاسىپتىك كەشەننىڭ الەۋەتىن ىسكە اسىرۋ ماسەلەلەرىنە ارنالدى. اتالعان كاسىپورىن سوڭعى جىلدارى وڭىردەگى بيداي ەگىن جيناۋ كورسەتكىشتەرى بويىنشا جانە ەت-سۇت ونىمدەرىن ٴوندىرۋ بويىنشا الدىڭعى قاتاردا. ول ٴۇشىن كاسىپورىندا زاماناۋي اگرارلىق تەحنولوگيالار مەن شەتەلدىك تاجىريبەلەر قولدانىلۋدا. ٴوز مىندەتتەرىن جۇزەگە اسىرۋ ٴۇشىن باسشىلىق مەملەكەت تاراپىنان قولداۋ الىپ، وسىنىڭ ناتيجەسىندە جىل سايىن ٴوندىرىس كولەمى ارتىپ كەلەدى. ماسەلەن، 2018 جىلى كاسىپورىن 675 ميلليون تەڭگە سوماسىنا ٴونىم وندىرگەن.

كەزدەسۋدە ٴماجىلىس دەپۋتاتى ساپار احمەتوۆ ەڭبەك ونىمدىلىگىن جانە اۋىل شارۋاشىلىعىنا قاتىستى قايتا وڭدەلگەن ونىمدەر ەكسپورتىن ۇلعايتۋ جانە «بيزنەستىڭ جول كارتاسى» باعدارلاماسىن 2025 جىلعا دەيىن قولدانىلۋ مەرزىمىن ۇزارتۋدىڭ ناتيجەلىلىگى تۋرالى ايتتى.

مۇعالىمدەردىڭ بەدەلى جانە بيۋدجەتتىك قىزمەتكەرلەردىڭ جالاقىسىن كوتەرۋ تۋرالى ماجىلىسمەندەر پولتاۆكا ورتا مەكتەبىنىڭ ۇجىمىمەن كەزدەسۋدە كوتەردى.

«سوڭعى جىلدارى ٴبىلىم بەرۋ سالاسىندا ٴit-بىلىمدى قالىپتاستىرۋعا، قازاق جانە اعىلشىن تىلدەرىن دامىتۋعا ەرەكشە نازار اۋدارىلۋدا. دەگەنمەن، ورتا ٴبىلىم بەرۋ ساپاسىنىڭ ارتۋى مۇعالىمدەرگە بايلانىستى. سوندىقتان، پرەزيدەنت «مۇعالىمدەردىڭ مارتەبەسى تۋرالى» زاڭدى ازىرلەۋدى ۇسىندى. پەداگوگتار تىكەلەي وقۋ پروسەسىمەن اينالىسۋ كەرەك. وسىعان سايكەس، كەلەسى جىلدىڭ قاڭتارىنان باستاپ بيۋدجەتتىك قىزمەتكەرلەردىڭ جالاقىسى 35 پايىزعا ۇلعايتىلماق»، - دەدى ٴماجىلىس دەپۋتاتى بەرىك وسپانوۆ.

ماجىلىسمەندەر اتاپ وتكەندەي، بارلىق ٴبىلىم بەرۋ جۇيەسىندە وزگەرىستەر بولادى. بارلىق وقۋ ورىندارى ٴبىلىم پروسەسىندە نازاربايەۆ زياتكەرلىك مەكتەپتەرى جانە nazarbayev university وقىتۋ ستاندارتىنا سۇيەنىپ، مەكتەپتەر جانە بالاباقشالار بەينەباقىلاۋمەن جابدىقتالماق.

بۇنىمەن قوسا، ٴماجىلىس دەپۋتاتتارى الماتىداعى ەكسپورتقا باعىتتالعان كاسىپورىن جۇمىسىمەن تانىستى. پارلامەنت ٴماجىلىسى ٴتوراعاسىنىڭ ورىنباسارى، «نۇر وتان» پارتياسى فراكسياسىنىڭ جەتەكشىسى گۇلميرا يسيمبايەۆا، ٴماجىلىس دەپۋتاتتارى گۇلنار يسكانوۆا مەن ولگا شيشيگينا ەلباسى جولداۋىندا ايتىلعان «يننوۆاسيالىق جانە سەرۆيستىك سەكتورلاردى دامىتۋ» باعىتى بويىنشا تۇسىندىرمە جۇمىستارىن جۇرگىزۋ ماقساتىندا «ەفكو الماتى» زاۋىتىنا باردى.

«ەفكو الماتى» جشس رەسپۋبليكا اۋماعىنداعى ٴىرى ماي كاسىپورىندارىنىڭ ٴبىرى جانە «ەفكو» كومپانياسىنىڭ حالىقارالىق توبىنا كىرەدى.

كاسىپورىن ۇجىمىمەن كەزدەسۋ بارىسىندا گۇلميرا يسيمبايەۆا كومپانيانىڭ باسەكەگە قابىلەتتى ٴونىم شىعارۋ جانە ونى سىرتقى نارىققا جەتكىزۋ بويىنشا جەتىستىكتەرىن اتاپ ٴوتتى.

«ەلباسى ٴوز جولداۋىندا باسقا الەمدىك وندىرۋشىلەرمەن باسەكەگە قابىلەتتى بولاتىن جانە ٴوز ونىمدەرىن ەكسپورتتاۋعا قابىلەتتى كومپانيالار تۋرالى ايتقان ەدى. سوندىقتان مەملەكەت باسشىسىنىڭ قازاقستاندىق وندىرۋشىلەردى قولداۋعا باعىتتالعان «بيزنەستىڭ جول كارتاسى» باعدارلاماسىن 2025 جىلعا دەيىن ۇزارتۋى وتە ماڭىزدى. كەلەسى جىلى ونى جۇزەگە اسىرۋ ٴۇشىن 50 ملرد تەڭگە ٴبولۋ كوزدەلگەن»، - دەدى گۇلميرا يسيمبايەۆا.

ٴوندىرىستى جاڭعىرتۋدىڭ جانە سوڭعى بىرنەشە اي ىشىندە ەندىرىلگەن جاڭا تەحنولوگيالاردىڭ ارقاسىندا كاسىپورىن جەرگىلىكتى شيكىزاتتى تەرەڭ وڭدەۋ نەگىزىندە جوعارى ساپالى ماي ٴونىمىن شىعارۋدى رەتكە كەلتىرە الدى. كومپانيا رەسپۋبليكانىڭ ىشكى قاجەتتىلىگىن قامتاماسىز ەتۋمەن قاتار وتاندىق ٴونىمدى ەكسپورتقا شىعارا باستادى. كۇردەلى ميكروەكونوميكالىق جاعدايعا قاراماستان قر ۇكىمەتىنىڭ قولداۋىمەن ٴوندىرىس پەن ەكسپورت كولەمىن ارتتىرۋ جوسپارلانىپ، ول قازاقستانعا 2025 جىلدارعا قاراي ورتالىق جانە ورتا ازياداعى ماي ٴونىمىنىڭ نەگىزگى جەتكىزۋشىسى بولۋىنا ىقپال ەتپەك.

ساپار اياسىندا دەپۋتاتتار «ۇلتتىق مەملەكەتتىك عىلىمي-تەحنيكالىق ساراپتاما ورتالىعى» اق-نا باردى.

سونداي-اق، ماجىلىسمەندەر ەلباسى جولداۋىن سايرام اۋدانىنىڭ تۇرعىندارىمەن تالقىلادى. ٴماجىلىس دەپۋتاتتارى مانسۇرحان ماحانبەتوۆ، ساكەن قانىبەكوۆ، فاحريددين قاراتايەۆ جانە سەرگەي زۆولسكيي تۇركىستان وبلىسىنا باردى. دەپۋتاتتار حالىقتىڭ ٴتۇرلى سۇراقتارىنا جاۋاپ بەرىپ، مۇڭ-مۇقتاجىن تىڭداپ، جاۋاپتى ورگاندارعا جەتكىزەتىنىن جانە ماسەلەنىڭ شەشىمىن تابۋعا اتسالىساتىنىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي