لەونيد پروكوپەنكو: قحا جولداۋدى ٴتۇسىندىرۋ بويىنشا بەلسەندى جۇمىستار جۇرگىزەدى - جولداۋ|06 قازان 2018، 13:03
كۋرسى ۆاليۋت وبنوۆليايۋتسيا
استانا:

لەونيد پروكوپەنكو: قحا جولداۋدى ٴتۇسىندىرۋ بويىنشا بەلسەندى جۇمىستار جۇرگىزەدى

قازاقستان حالقى اسسامبلەياسى ٴتوراعاسىنىڭ ورىنباسارى – حاتشىلىق مەڭگەرۋشىسى لەونيد پروكوپەنكو ەلباسى نۇرسۇلتان نازاربايەۆتىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جولداۋىن حالىققا كەڭىنەن تۇسىندىرىلەتىنىن ايتتى، دەپ حابارلايدى baq.kz ٴتىلشىسى.

بۇگىن ۇلتتىق اكادەميالىق كىتاپحانادا «مەملەكەت باسشىسى نۇرسۇلتان نازاربايەۆتىڭ قازاقستان حالقىنا ارناعان كەزەكتى جولداۋىنداعى مىندەتتەردى ىسكە اسىرۋداعى «قازاقستان حالقى اسسامبلەياسىنىڭ ورنى مەن ٴرولى» اتتى قحا كەڭەسىنىڭ كەڭەيتىلگەن وتىرىسى ٴوتتى.

وتىرىستا پرەزيدەنتتىڭ قازاقستان حالقىنا ارناعان جولداۋىنداعى نەگىزگى ماسەلەلەر تالقىلاندى.

«ەڭ ماڭىزدىسى جولداۋدا ايتىلعان مىندەتتەر الداعى ۋاقىتتا ورىندالادى. اتقارىلۋى قاجەت جۇمىستار كەيىنگە قالدىرىلمايدى. ەلباسى اتالعان شارالاردى 2019 جىلدان جۇزەگە اسىرۋدى تاپسىردى. سوندىقتان ٴاربىر قازاقستاندىق اتالعان وزگەرىستەردى جۇزەگە اسىرۋعا ات سالىسۋى قاجەت»، - دەدى ول.

وسى ورايدا لەونيد پروكوپەنكو حالىققا جولداۋدى ٴتۇسىندىرۋ بويىنشا جۇمىستار جۇرگىزىلەتىنىن اتاپ ٴوتتى.

«جۇمىسىمىزداعى ماڭىزدى مىندەتتەردىڭ ٴبىرى – ٴاربىر قازاقستاندىققا جولداۋدى ٴتۇسىندىرۋ. ونداعى تاپسىرمالاردىڭ ٴساتتى جۇزەگە اسۋى ازاماتتاردىڭ ەرىكتى تۇردە وعان ات سالىسۋىنا تىكەلەي بايلانىستى»، - دەدى قحا ٴتوراعاسىنىڭ ورىنباسارى.

سونداي-اق ول اتالعان جۇمىستى جۇرگىزۋ ٴۇشىن بىرنەشە مىندەتتى جۇزەگە اسىرۋ قاجەت ەكەنىن جەتكىزدى.

«بىرىنشىدەن، قحا قۇرىلىمدارى جولداۋدى ٴتۇسىندىرۋ بويىنشا بەلسەندى جۇمىستار جۇرگىزۋى قاجەت. قازىرگى تاڭدا تەك قازان ايىنداعى جوسپارىمىزعا سايكەس 29 ٴىس-شارا وتكىزۋدى جوسپارلاپ وتىرمىز. بۇل جۇمىستار ەتنو-مادەني بىرلەستىكتەر تاراپىنان جۇرگىزىلەدى. قحا قۇرىلىمدارى بۇل جۇمىستارعا قولداۋ كورسەتۋى قاجەت. ەكىنشىدەن، جولداۋدى ٴتۇسىندىرۋ بويىنشا ورتالىق دەڭگەيدە اقپاراتتىق توپتاردى قۇرۋ كوزدەلگەن. سوندىقتان ٴبىز دەپۋتاتتارىمىزدى، قحا كەڭەسىنىڭ، ەتنو-مادەني بىرلەستىكتەردىڭ مۇشەلەرى بۇل جۇمىستارعا قاتىسۋى مىندەتتى»، - دەپ تۇيىندەدى ٴسوزىن لەونيد پروكوپەنكو.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي