BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قوعام بەلسەندىسى: جاستار جۇمىسسىز جۇرمەۋى ٴتيىس

فوتو: Автор

پرەزيدەنت نۇرسۇلتان نازاربايەۆتىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جولداۋىن اقتوبە قالاسىنىڭ مەملەكەتتىك قىزمەتكەرلەرى مەن ٴماسليحات دەپۋتاتتارى، قوعامدىق كەڭەس وكىلدەرى مەن ارداگەرلەر كەڭەسىنىڭ مۇشەلەرى تىڭدادى. «قازان جولداۋىنا» قاتىستى پىكىرلەرىن ٴبىلدىردى، دەپ حابارلايدى baq.kz ايماقتاعى ٴتىلشىسى.

جولداۋدى اقتوبەلىكتەر قالا اكىمدىگىندە تىكەلەي ەفيردەن تىڭدادى. مەملەكەتتىك قىزمەتكەرلەرمەن قاتار قالالىق ٴماسليحات دەپۋتاتتارى دا بولدى. جولداۋدان كەيىن شاھار باسشىسى ٴىلياس يسپانوۆ الداعى ۋاقىتتا حالىق اراسىندا كەڭىنەن تۇسىندىرمە جۇمىستارىن جۇرگىزۋگە تاپسىرما بەردى.

«ەلباسىنىڭ جولداۋىندا دەنساۋلىق، جاپپاي سپورتپەن اينالىسۋ، ٴبىلىم، الەۋمەتتىك سالا تۋرالى دا ايتىلدى. ٴبىزدىڭ قىزمەتكەرلەر جولداۋدى ساراپتاپ، كەمشىلىكتەرىمىزدى شەشۋگە قاجەتتى جولداردى انىقتايمىز. جۇمىس ورىندارى بار. قالالىق بوس جۇمىس ورىندارى بازاسىندا 1 300 بوس جۇمىس ورىنى بار. كاسىبي دەڭگەيى جوعارى، تاجىريبەلى ماماندار كەرەك. ەرتەڭ ۇياتقا قالدىرمايتىن كادردىڭ بولعانىن قالايدى. كىم بولسا دا ٴقازىر جۇمىس جاسايتىن ماماندى ىزدەيدى. جەمقورلىققا جول بەرگەن باسشىنىڭ ٴوزى كىنالى»، - دەدى اقتوبە قالاسىنىڭ اكىمى ٴىلياس يسپانوۆ.

قوعام بەلسەندىسى ساعىناي قۇسايىنوۆ جۇمىسسىز جاستاردىڭ كوپتىگىنە الاڭدايدى. «وزگە ەلدەن كەلگەندەر ٴوز جاستارىمىزدىڭ ورنىن باسىپ جاتىر» دەيدى اقساقال. پرەزيدەنتتىڭ جولداۋىن ٴبىراۋىزدان قولداپ، ەڭبەكتەنۋدى ۇسىندى. ەلباسىنىڭ كەلەسى جىلدى «جاستار جىلى» دەپ اتاعانىنا ريزاشىلىعىن ٴبىلدىردى.

«پرەزيدەنت نۇرسۇلتان نازاربايەۆتىڭ ايتقانىنىڭ بارلىعى حالىقتىڭ جاعدايى. قالاعا كەلگەن جاستاردىڭ دەنى قۇرىلىستا ٴجۇر. ميلليوندىق قالاعا اينالامىز دەيمىز. وبلىس ورتالىعىنا اۋىلدان كەلەتىندەر كوپ. اۋىلداردان كەتىپ جاتقان جاستاردى جۇمىسقا تارتۋىمىز كەرەك. وزگە ەلدەن كەلگەندەر ٴبىزدىڭ وڭىرىمىزدە جۇمىستىڭ كوپتىگىن ايتادى. بالالار جۇمىسسىز قالادى. شاعىن بيزنەستى دامىتۋدى قولعا الۋ تۋرالى ايتتى. ٴبىزدىڭ جاستار بيزنەس جاساۋعا دايىن ەمەس، ٴبىراق ولارعا ۇيرەتۋ كەرەك»، - دەيدى زەينەتكەر ساعىناي قۇسايىنوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي