BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىزىلجارلىق دەپۋتات: «ۇستاز مارتەبەسىن كوتەرۋ – كەزەك كۇتتىرمەيتىن ماسەلە»

فوتو: Автор

سولتۇستىك قازاقستان، «baq.kz» ٴتىلشىسى. ەلباسىنىڭ جىلسايىنعى جولداۋى – قازاقستاننىڭ دامۋ جولىن ايقىنداپ بەرەتىن ماڭىزدى قۇجات. بيىلعى ٴ5-شى قازانداعى «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جولداۋ اسىرەسە ۇستازدار قاۋىمى ٴۇشىن ەلەۋلى جاڭالىق بولدى.

پەتروپاۆل قالاسىنداعى نازاربايەۆ زياتكەرىك مەكتەبى ديرەكتورىنىڭ بەيىندى-ەكسپەريمەنتتىك جۇمىس جانە تاجىريبە تاراتۋ جونىندەگى ورىنباسارى، قالالىق ٴماسليحات دەپۋتاتى دانيار ۋاليەۆ ۇستاز مارتەبەسىن كوتەرۋ – شەشۋى كەزەك كۇتتىرمەيتىن ماسەلە ەكەندىگىن ايتادى.

«حالىق ەلباسى جولداۋىنان جىل سايىن جاقسى جاڭالىق كۇتەدى. بيىلعى قۇجاتتا ۇلت كوشباسشىسى ۇستازدار مارتەبەسى تۋرالى زاڭ قابىلداناتىنى جايىندا ايتتى. مەن ٴۇشىن بۇل كۇتپەگەن جاعداي بولدى. پرەزيدەنتىمىز وسى جولى دا كوپشىلىكتىڭ، اسىرەسە، پەداگوگتاردىڭ كوكەيىندە جۇرگەن ماسەلەنى ٴدوپ باستى. بۇگىنگى كۇنى ٴتۇرلى جيىندار ۇيىمداستىرۋ كەزىندە كورەرمەن زالىن تولتىرۋ ٴۇشىن مۇعالىمدەر جينالاتىنى جاسىرىن ەمەس. ونىڭ ٴبارى پەداگوگتاردىڭ ساباققا دايىندالۋىنا كەرى اسەر ەتەدى. ٴمۇعالىم «الىپ كەل، بارىپ كەلگە» جۇگىرەتىن قولبالا ەمەس. ول – ەگەمەن ەلىمىزدىڭ ەرتەڭىن تاربيەلەيتىن تۇلعا. سوندىقتان، پەداگوگتار قوعامدا ٴتيىستى ورنىن الۋى ٴتيىس. نۇرسۇلتان ٴابىش ۇلى مۇعالىمدەر جەرگىلىكتى اكىمدىكتەردەن كەلگەن نۇساۋدى ورىنداۋمەن ەمەس، بالالارعا ٴبىلىم بەرۋمەن اينالىسۋى ٴتيىس ەكەندىگىن باسىپ ايتتى. ونى ساپالى تۇردە جۇزەگە اسىرۋ ٴۇشىن كۇن سايىن تەر توگىپ، جۇمىس ىستەۋ كەرەك. كەز كەلگەن ەڭبەك ۋاقىتتى تالاپ ەتەدى. سوندىقتان، ٴمۇعالىم تەك ٴوز مىندەتىن اتقارۋى كەرەك. ەگەر ٴبىز، بۇگىن ۇستاز مارتەبەسىن كوتەرسەك، ەرتەڭگى كۇنى ٴبىلىمدى ازاماتتار كوبەيەدى. دانا قازاق «ەل بولامىن دەسەڭ، بەسىگىڭدى تۇزە» دەپ بەكەر ايتپاعان. قازاقستاننىڭ بولاشاعى – ٴبىلىمدى دە بىلىكتى جاستاردىڭ قولىندا. ال جاستاردى تاربيەلەۋ – مۇعالىمدەرگە جۇكتەلگەن جاۋاپتى مىندەت. ٴوزىم ۇستاز بولعاندىقتان دا، پرەزيدەنتتىڭ جولداۋىندا ٴمۇعالىم مارتەبەسى جايىندا ايتقانى جانىما جاقىن ٴتيدى»، - دەدى ٴوز ويىمەن بولىسكەن دانيار سەرىك ۇلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي