قازان جولداۋى: ستراتەگيالىق قۇجات وتاندىق ونكولوگيالىق قىزمەتتىڭ دامۋىنا سەرپىن بەرەدى - جولداۋ|07 قازان 2018، 13:14
كۋرسى ۆاليۋت وبنوۆليايۋتسيا
استانا:

قازان جولداۋى: ستراتەگيالىق قۇجات وتاندىق ونكولوگيالىق قىزمەتتىڭ دامۋىنا سەرپىن بەرەدى

فوتو: Автор

ەرتىس ٴوڭىرىنىڭ مەديسينا ماماندارى ەلباسى نۇرسۇلتان نازاربايەۆتىڭ حالىققا جولداۋىندا ايتىلعان استانا قالاسىندا ونكولوگيالىق ورتالىقتى سالۋ قاجەتتىلىگى تۋرالى پىكىرىنە ٴۇن قوستى، دەپ حابارلايدى baq.kz اگەنتتىگىنىڭ ايماقتاعى ٴتىلشىسى.

مەملەكەت باسشىسى ستراتەگيالىق قۇجاتتا 2019 جىلى استانادا ۇلتتىق عىلىمي ونكولوگيالىق ورتالىقتىڭ قۇرىلىسىن باستاۋ كەرەكتىگىن ايتتى. وسىلايشا، كوپتەگەن ادام ٴومىرىن ساقتاپ قالامىز. وبلىس دارىگەرلەرىنىڭ پىكىرىنشە، ەلوردادا قۇرىلاتىن زاماناۋي ەمدەۋ ورتالىعى وزگە ايماقتارعا ۇلگى بولادى.

«بۇل باستامانى قولدايمىز. سەبەبى، بۇگىندە پاۆلودار وبلىسىندا وبىر اۋرۋىمەن كۇرەس جۇمىسى وتكىر تۇرعانى بەلگىلى. ال استانادا جاڭادان ونكولوگيالىق ورتالىق اشىلسا، يننوۆاسيالىق تەحنولوگيالار قولدانىسقا ەنگىزىلىپ، تاجىريبە الماسى مۇمكىندىگى پايدا بولاتىنى ٴسوزسىز. ٴوڭىرىمىز ونكولوگيالىق اۋرۋلارعا شالىعۋ كورسەتكىشتەرى بويىنشا كوش باسىندا ەكەنىن ەسكەرسەك، سالانى بارىنشا دامىتۋ كەرەك. بۇل باعىتتا وڭىردەگى ٴار ەمحانادا ونكولوگ-مامان جۇمىس ىستەيدى. سونىمەن قاتار، 9 كورپۋستان تۇراتىن الىپ ديسپانسەر سالىنىپ جاتىر. دەگەنمەن، سالان دامىتۋ كەرەك»، - دەيدى جوعارى ساناتتاعى اكۋشەر-دارىگەر ايمان وسپانوۆا.

ەسكە سالساق، قاتەرلى پاۆلودار وبلىسىندا ونكولوگيالىق ديسپانسەردىڭ ەسەبىندە 11 مىڭعا جۋىق سىرقات تۇر. ولاردىڭ قاتارى جىل سايىن 2 مىڭعا كوبەيىپ وتىرادى.

ايماقتا كورسەتكىشتى الدىن الۋ ماقساتىندا زاماناۋي مەديسينالىق داىستەر قولدانىسقا ەنگىزىلىپ، جاڭا ونكولوگيالىق ديسپانسەر كەشەنى بوي كوتەرۋدە. سالا ماماندارىنىڭ مالىمەتىنشە، بىلتىر كورسەتكىش 100 مىڭ حالىققا شاققاندا 316 ادامدى قۇرادى.

ماماندار كورسەتكىش ونكولوگيالىق ديسپانسەردى قولدانىسقا بەرگەن سوڭ تومەندەي تۇسەتىنىنە سەنىمدى. كەلەسى جىلى قولدانىسقا بەرىلەتىن جاڭا مەديسينالىق نىساننىڭ قۇرىلىسى 70%-عا اياقتالعان. 2019 جىلدىڭ باسىنا دەيىن ينجەنەرلىك جەلىلەردىڭ بارلىعى تارتىلادى. كەيىن مەديسينالىق جابدىقتار اكەلىنىپ، ورناتىلادى. كەشەننىڭ قۇرىلىسىنا رەسپۋبليكالىق بيۋدجەتتەن 7 ملرد. تەڭگە بولىنگەن. كەشەن قۇرامىندا 200 ورىندىق ەمحانا، 100 ادام قابىلداۋعا شاقتالعان ستاسيونار، وپەراسيالىق بلوك بار. نىساننىڭ جالپى اۋماعى ەكى گەكتاردى قۇرايدى.

ايتا كەتەيىك، كەشەندى جابدىقتاۋعا ىسىككە شالدىققان ازاماتتاردىڭ 70%-ىن ەمدەۋدە قولدانىلاتىن ساۋلەلى ۇدەتكىش ورناتىلادى. ازىرگە قۇرال-جابدىق اكەلىنگەن جوق. ونى ساتىپ الۋعا 1 ملرد. 800 ملن. تەڭگە قاجەت ەتىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي