BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازان جولداۋى. پرەزيدەنت: سۋديالار وزدەرىنە جۇكتەلگەن مىندەتتەردى ورىنداي الماي وتىر

فوتو: Бауыржан Жуасбаев

مەملەكەت باسشىسى نۇرسۇلتان نازاربايەۆ قازاقستان حالقىنا ارناعان جولداۋىندا سوت جۇيەسىنىڭ ساپاسىن ارتتىرۋ قاجەتتىگىن ايتتى، دەپ حابارلايدى baq.kz ٴتىلشىسى.

«سوت جۇيەسىندەگى مامانداردى ساپالى تۇردە جاڭارتۋ كەرەك. سۋديا قىزمەتىنە مىقتى زاڭگەرلەر كەلۋگە تىرىسۋى قاجەت. الايدا ونداي ٴۇردىس بايقالمايدى. تاۋەلسىزدىك العانىمىزعا 27 جىل بولدى. ٴبىراق باياعى سۋديالار ٴالى وتىر. مەن ولاردى جامان دەپ ايتا المايمىن. ٴبىراق وزدەرىنە جۇكتەلگەن ماسەلەلەردى شەشە الماي جاتىر»، - دەدى ەلباسى.

ونىڭ ايتۋىنشا، حالىق ٴالى كۇنگە دەيىن پرەزيدەنتكە حات جازىپ، ٴوز ماسەلەلەرىن شەشۋدى سۇرايدى ەكەن. جيىندا پرەزيدەنت ماسەلەلەردىڭ سوتتا شەشىلمەي جاتقانىن اتاپ ٴوتتى.

وسى ورايدا اتالعان ماسەلەنىڭ سەبەبىن قر جوعارعى سوتىنىڭ ٴتوراعاسى جاقىپ اسانوۆ ٴتۇسىندىردى.

«بۇگىندە سۋديا قىزمەتىنە قۇجات تاپسىرىپ جاتقان زاڭگەرلەردىڭ سانى كوبەيىپ كەلەدى. الايدا زاڭگەرلەردىڭ دەڭگەيى تومەن. ماسەلەن، ەكى كونكۋرس ٴوتتى. سوندا 140 ادامنان بەس-اق ادام سۋديا قىزمەتىنە ۇسىنىلدى»، - دەدى ول.

سونىمەن قاتار نۇرسۇلتان نازاربايەۆ جوعارعى سوت كەڭەسىنىڭ دە جۇمىسىن سىنعا الدى.

«تالعات، (قر جوعارى سوت كەڭەسىنىڭ ٴتوراعاسى تالعات دوناقوۆ)، مەن سەنى ول جەرگە نە ٴۇشىن قويدىم. جوعارعى سوت كەڭەسى مىقتى مامانداردى ىرىكتەۋى ٴتيىس. مەن تاعى ايتامىن، ٴبىر جەردەگى ماسەلە شەشىلمەي جاتسا، باسشىنى اۋىستىرۋ شارت. تەمىردەي ٴتارتىپ بولۋى قاجەت. اشىعىن ايتايىن، جاڭادان قىزمەتكە تاعايىندالعان ادامداردى بىردەن اۋىستىرعىم كەلمەيدى. ٴبىراق قاجەت بولسا، سولاي ىستەۋگە تۋرا كەلەدى»، - دەدى پرەزيدەنت.

سونىمەن قاتار مەملەكەت باسشىسى زاڭ ۇستەمدىگى بولماسا، قازىرگى رەفورمالاردى ىسكە اسىرۋ مۇمكىن ەمەس ەكەنىن اتاپ ٴوتتى. ونىڭ پىكىرىنشە، بۇل ماسەلەدە زاماناۋي تەحنولوگيالاردى كەڭىنەن قولدانۋ قاجەت.

«بىزدە جىل سايىن 4 ميلليون ادام سوت داۋلارىنا قاتىسادى. وعان قانشاما كۇش-جىگەر مەن اقشا جۇمسالادى. سوندىقتان ارتىق پروسەدۋرالاردى قىسقارتۋ قاجەت. ايتپەسە، وعان ۋاقىت تا، اقشا دا كوپ كەتەدى. ماسەلەن، بۇرىن سوتقا كەلۋگە مىندەتتەدى. ٴقازىر ۇيدە وتىرىپ، عالامتور ارقىلى سوت وتىرىسىنا قاتىسۋعا بولادى»، - دەپ تۇيىندەدى ٴسوزىن نازاربايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي