BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازان جولداۋى: پرەزيدەنت ىشكى ىستەر ورگاندارىنا تۇبەگەيلى وزگەرىس جۇرگىزۋدى تاپسىردى

ەلباسى نۇرسۇلتان نازاربايەۆ كەزەكتى قازاقستان حالقىنا ارناعان جولداۋىندا پوليسيا قىزمەتكەرلەرىنىڭ جالاقىسىن ٴوسىرىپ، ىشكى ىستەر ورگاندارىنا تۇبەگەيلى وزگەرىس جۇرگىزۋدى تاپسىردى، دەپ حابارلايدى baq.kz ٴتىلشىسى.

«حالىق قۇقىق قورعاۋ ورگاندارىنىڭ جۇمىسىن تۇبەگەيلى جاقسارتۋدى كۇتىپ وتىر. بۇل اسىرەسە پوليسيا قىزمەتىنە بايلانىستى. پوليسيا جازالاۋشى تاياق ەمەس، ازاماتتىڭ كومەكشىسى بولۋى قاجەت. مەن گەنەرال قاسىموۆتى (ىشكى ىستەر ٴمينيسترى قالمۇحانبەت قاسىموۆ – اۆتور) ەلىمىزدەگى تاجىريبەلى، ادىلەتتى، پاراساتتى پوليسيا قىزمەتكەرى دەپ سانايمىن»، - دەدى ەلباسى.

وسى ورايدا ول ەلىمىزدەگى ىشكى ىستەر ورگاندارىنا تۇبەگەيلى وزگەرىس جۇرگىزۋ قاجەتتىگىن ايتتى.

«ىشكى ىستەر ورگاندارىن مودەرنيزاسيالاۋ بويىنشا جول كارتاسىن دايىنداۋ قاجەت. جۇمىستى 2019 جىلدان باستاۋ كەرەك. الەمدە پوليسيانىڭ قالاي جۇمىس ىستەپ جاتقانى جونىندە تاجىريبە بار. سىزدەردى گرۋزياعا جىبەردىم. قاراڭىزدارشى، ول جاقتا پوليسيا پارا المايدى. ماشينالارى جولدا تۇرمايدى، تەك جۇرەدى. ٴىىم-نىڭ شتاتىنداعى قىزمەتكەرلەردىڭ سانىن وڭتايلاندىرىپ، پوليسيانىڭ مىندەتىنە كىرمەيتىن فۋنكسيالاردى الىپ تاستاۋ شارت. سەبەبى، پوليسيانىڭ مىندەتى قوعامدىق قاۋىپسىزدىكتى قاداعالاۋ»، - دەدى ول.

وسى ورايدا پرەزيدەنت ىشكى ىستەر ورگاندارىنداعى ٴتۇرلى باسقارمالاردى قىسقارتۋدى تاپسىردى.

«باسقارمالار مەن وقۋ ورىندارى وتە كوپ. 12-15 مەكەمەنىڭ تەك بەسەۋىن قالدىرۋ قاجەت. ۇنەمدەلگەن قارجىنى پوليسيا قىزمەتكەرلەرىنىڭ جالاقىسىن وسىرۋگە جۇمساۋ قاجەت. ەگەر بۇل قارجى جەتپەسە، ماسەلەنى تاعى قارايمىز. سونداي-اق تۇرعىن ٴۇي جانە ت.ب. ماسەلەلەردى قاراستىرامىز»، - دەدى نازاربايەۆ.

سونىمەن قاتار مەملەكەت باسشىسى پوليسيا كادرلارىن دايىنداۋ ماسەلەسىنە دە وزگەرىس ەنگىزۋ قاجەتتىگىن جەتكىزدى.

«باتىس مەملەكەتتەرىندەگى پوليسيا اكادەمياسى ٴتارتىپ ساقشىلارىن تەك 6 اي عانا دايىندايدى. ولار قاراپايىم زاڭداردى، ازاماتتارمەن قالاي سويلەسۋ قاجەتتىگىن ۇيرەتەدى. كەيىن ولار پوگونىن تاعىپ، جۇمىسقا بارادى. ال ٴبىز پوليسيانى 5 جىل وقىتىپ، سوڭىندا كىمدى شىعارامىز؟ پوليسيا قىزمەتىنە قويىلاتىن جاڭا ستاندارتتى ەنگىزۋ قاجەت. ولاردىڭ قىزمەتتىك كارەراسىنىڭ ٴوسۋ جۇيەسىن وزگەرتۋ شارت. سونداي-اق پوليسيا اكادەمياسىندا كادلاردى دايىنداۋ جۇيەسىنە وزگەرتۋ ەنگىزۋ قاجەت. بارلىق پوليسيانى قايتا اتتەستاسيادان وتكىزىپ، تەك مىقتىلاردى قالدىرۋ كەرەك. ال قالعاندارى كەتۋى شارت»، - دەدى ەلباسى.

ٴسوز سوڭىندا پرەزيدەنت پوليسيانىڭ جۇمىسىن سەرۆيستىك مودەلگە اۋىستىرۋ قاجەتتىگىن اتاپ ٴوتتى.

«ازاماتتاردىڭ ساناسىندا پوليسيا جازالامايدى، تەك قيىن ساتتە كومەكتەسەدى دەگەن تۇسىنىكتى ٴسىڭىرۋ قاجەت»، - دەپ تۇيىندەدى ٴسوزىن نۇرسۇلتان نازاربايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي