BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازان جولداۋى. نازاربايەۆ ۇكىمەتكە: مەملەكەتتىك قىزمەتشىلەردىڭ جۇمىس ىستەۋىنە مۇرشا بەرىڭىزدەر

فوتو: Бауыржан Жуасбаев

قر پرەزيدەنتى نۇرسۇلتان نازاربايەۆ حالىققا جولداۋىندا ۇكىمەتتە وتەتىن جينالىستار سانىن ازايتۋدى تاپسىردى، دەپ حابارلايدى baq.kz ٴتىلشىسى.

«سوڭعى ۋاقىتتا ۇكىمەتتە، مەملەكەتتىك ورگانداردا ۇزاققا سوزىلاتىن جينالىستار مەن قۇجات اينالىمى ەكى ەسە ارتتى. «سەيسەنبى – ۇكىمەت وتىرىسى» دەپ جارلىققا قول قويدىم. (...) جينالىستا 100 تاۋلىك وتىرادى. جىلدىڭ ۇشتەن ٴبىر بولىگى مە؟ جينالىستار ازايدى ما؟»، - دەپ سۇرادى نازاربايەۆ.

ول ۇكىمەتتە ٴبىر كۇندە اكىمدەرمەن بىرلەسە 7 جينالىس وتەتىن كەزدەر بولاتىنىن ايتتى.

«ۇكىمەتتە وتىرىس تەك سەيسەنبى كۇنى ٴوتۋى كەرەك دەپ جارلىققا قول قويدىم. بولدى، بارماڭىزدار. تاڭەرتەڭ وتىرىس، تۇستەن كەيىن كەزدەسۋلەر. دۇيسەنبى كۇنى مەن قابىلدايمىن. بەيسەنبى كۇنى پارلامەنتتە وتىرىس، ەسەپ بەرۋ جانە ت.ب. مينيسترلەر مەن اكىمدەر جانە ولاردىڭ ورىنباسارلارى ۇنەمى وسى جەردە جۇرەدى. مەملەكەتتىك جۇمىستا ۇلكەن تاجىريبەم بار. دايىن وتىرىستار جارتى ساعات، قيىن ماسەلەلەر بولسا ٴبىر ساعاتقا سوزىلادى. مەملەكەتتىك قىزمەتشى زاڭ بويىنشا 7 ساعات جۇمىس ىستەۋى ٴتيىس، تۇنگى 12-گە دەيىن وتىرماۋىمىز كەرەك. ەرتەڭ ماسەلەلەردى تىڭ ميمەن شەشۋى ٴۇشىن دۇرىس ٴومىر سۇرۋلەرىنە مۇمكىندىك بەرەيىك. ولار تۇنگى بىرگە دەيىن وتىرادى. ۇكىمەتتە اكىمدەر مەن ولاردىڭ ورىنباسارلارىمەن كۇنىنە 7 جينالىس وتكىزەتىن كەزدەر بولادى. باقىتجان، سوندا قاشان جۇمىس ىستەيسىڭ؟ مۇنىمەن ەلىمىزدە ەشتەڭە باقىلانبايدى. سىزدەر تەك كەڭەسەسىزدەر. مەن ورناتقان ٴتارتىپتى ورىنداڭىزدار. ادامدارعا ٴوز ىسىمەن اينالىسۋعا، جۇمىس ىستەۋىنە مۇرشا بەرىڭىزدەر»، - دەپ ايتتى پرەزيدەنت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي