BAQ.kz - Қазақстан жаңалықтары USD 379.36 BAQ.kz - Қазақстан жаңалықтары EUR 424.47 BAQ.kz - Қазақстан жаңалықтары RUB 5.88
استانا:

قازان جولداۋى. ٴمۇعالىم مارتەبەسىن ايقىندايتىن زاڭ دايىندالادى

فوتو: Бауыржан Жуасбаев

ەلباسى نۇرسۇلتان نازاربايەۆ كەزەكتى قازاقستان حالقىنا ارناعان جولداۋىندا وڭىرلەردە ۇستازدارعا كەز كەلگەن جۇمىس تاپسىرىلاتىنىن، اتالعان ماسەلەنى شەشۋ ٴۇشىن ٴمۇعالىم مارتەبەسىن ايقىندايتىن زاڭ دايىنداۋدى تاپسىردى، دەپ حابارلايدى baq.kz ٴتىلشىسى.

«الداعى جىلى پەداگوگتاردىڭ مارتەبەسى تۋرالى زاڭ قابىلداۋ قاجەت. ول مۇعالىمدەر مەن مەكتەپكە دەيىنگى مەكەمەلەردە جۇمىس ىستەيتىن قىزمەتكەرلەرگە ستيمۋل بەرۋى قاجەت. ولارعا تۇسەتىن جۇكتەمەنى ازايتۋ كەرەك»، - دەدى ول.

وسى ورايدا ەلباسى مەكتەپتەردەگى ورىنسىز تەكسەرىستەردى ازايتۋ، مۇعالىمدەردىڭ مارتەبەسىن ايقىنداۋ ٴۇشىن ارنايى زاڭ قاجەت ەكەنىن جەتكىزدى.

«جەرگىلىكتى جەرلەردە مۇعالىمدەرگە كەز كەلگەن جۇمىس تاپسىرىلادى. مۇعالىمدەر سايلاۋ وتكىزەدى. ناسيحات جۇمىستارىن دا ۇستازدار جۇرگىزەدى. بىرنارسە قاجەت بولسا، مۇعالىمدەر جىبەرىلەدى. سول ٴۇشىن ولارعا ەشكىم اقشا تولەمەيدى. بۇل جۇمىستاردان ولاردى بوساتۋ كەرەك. ولار ساباققا دايىندالۋ كەرەك قوي. ۋاقىتىندا عانا جۇمىس ىستەۋى قاجەت. ٴتىپتى ولاردى ورىنسىز تەكسەرە بەرەدى. اتالعان زاڭ وسى ٴۇشىن قاجەت»، - دەپ تۇيىندەدى ٴسوزىن نازاربايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي