BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازان جولداۋى: قاتەرلى ىسىكتى ەمدەۋ قىزمەتى جەتىلدىرىلۋدە

فوتو: автор

پاۆلودار، baq.kz ٴتىلشىسى. ەرتىس وڭىرىندە قاتەرلى وبىر اۋرۋىنا شالدىققانداردىڭ سانى 11 مىڭنان اسادى. ديسپانسەرلىك ەسەپتە تۇرعانداردىڭ قاتارى جىل سايىن 2500 سىرقاتپەن تولىعىپ وتىرادى. ال پاسيەنتتەردى قابىلدايتىن ونكولوگيالىق ديسپانسەر 155 ورىنعا شاقتالعان، وعان قوسا تيپتىك ەمەس عيماراتتا ورنالاسقان. بۇل ماسەلە جولداۋىندا ايتىلعان ماقسات-مىندەتتەردى ورىنداۋ اياسىندا ونكولوگيالىق قىزمەت بارىنشا جەتىلدىرىلمەك.

پاۆلودار وبلىسى ونكولوگيالىق پاتولوگيالاردى ەرتە كەزەڭدە انىقتاۋ بويىنشا ەلىمىزدە كوش باسىندا. سكرينينگتىك تەكسەرىستەردىڭ ناتيجەسىندە اۋرۋدى ەرتە انىقتاپ، جەڭىپ شىعۋعا زور مۇمكىندىكتەر بار.

وبلىستىق ونكولوگيالىق ديسپانسەردىڭ ونكولوگ-دارىگەرى ەرنۇر نەگمانوۆتىڭ ايتۋىنشا، دەرتتى ەمدەۋدىڭ وزىق تاسىلدەرى قولدانىلادى. ال ماماندار الەمدەگى جەتەكشى ەمحانالاردىڭ دارىگەرلەرىنەن تاجىريبە الا الادى.

«ادامدار وبىردىڭ نە ەكەنىن بىلمەيدى. قورقىپ، ۇرەيلەنەتىنى دە سوندىقتان. قاتەرلى ىسىكتى ەرتە انىقتاپ، ەمدەپ شىعۋعا بولادى. ٴبىزدىڭ ديسپانسەردە جىلىنا 1300-دان استام وپەراسيا جاسالادى. ولاردىڭ 20%-دان استامى از ٴينۆازيۆتى ٴتاسىل ارقىلى جاسالادى. كۇردەلى وبىر تۇرلەرىن ەمدەۋدىڭ زاماناۋي تاسىلدەرىن دە مەڭگەردىك»، - دەيدى دارىگەر.

ەرتىس وڭىرىندە ونكولوگيالىق قىزمەتتى جاقسارتۋ ماقساتىندا ەمحانالار مەن اۋداندارداعى ورتالىقتاندىرىلعان اۋرۋحانالاردا ونكولوگ-ماماندار بىرلىكتەرى اشىلدى. كەز كەلگەن تۇرعىن كاسىبي ماماننىڭ قابىلداۋىنا جازىلىپ، تەكسەرىلە الادى. قازىرگى ۋاقىتتا ناۋقاستاردىڭ باسىم بولىگى – 50 جاستان اسقاندار. سوڭعى ەكى جىل ىشىندە اۋرۋعا شالدىعۋ دەڭگەيى 9%-عا تومەندەدى.

سالا ماماندارىنىڭ ايتۋىنشا، وڭىردە ٴسۇت بەزى، اسقازان جانە تەرىنىڭ قاتەرلى ىسىگى ٴجيى كەزدەسەدى. وكىنىشكە قاراي، باس ميىنىڭ ىسىگى سياقتى كۇردەلى تۇرلەرى دە بار.

«وبىردىڭ كۇردەلى تۇرلەرىنە شالدىققان ازاماتتارعا جوعارى مامانداندىرىلعان قىزمەت كورسەتۋ كەرەك. ەلباسى ٴوز جولداۋىندا استانادا ۇلتتىق ونكولوگيالىق ورتالىق اشىلاتىنىن تۋرالى ايتقان بولاتىن. ەندى ٴبىز سىرقاتتاردى ەلوردالىق ارىپتەستەرگە تاپسىرا الامىز. وسىلايشا، سىرقاتتاردىڭ عۇمىرىن 5 جىلدان استام ۋاقىتقا ۇزارتىپ، اۋرۋدان ايىقتىرا الامىز»، - دەيدى وبلىستىق ونكولوگيالىق ديسپانسەر باس دارىگەرىنىڭ ورىنباسارى تەلمان ٴالعوجين.

فوتو: اۆتور

تەلمان ٴالعوجيننىڭ ايتۋىنشا، قازىرگى ۋاقىتتا ديسپانسەر 70 جىل بۇرىن سالىنعان عيماراتتا ورنالاسقان. ستاندارتتارعا ساي ەمەس نىسان ىڭعايسىز. ماسەلەنى شەشۋ ماقساتىندا پاۆلوداردا الىپ كەشەن سالىنىپ جاتىر. بۇگىندە قۇرىلىس جۇمىستارىنىڭ باسىم بولىگى اياقتالدى. كەشەن قۇرامىندا 200 ورىندىق ەمحانا، 100 ادام قابىلداۋعا شاقتالعان ستاسيونار، وپەراسيالىق، راديولوگيالىق بلوكتار بار. مامانداردىڭ مالىمەتىنشە، نىساننىڭ جالپى اۋماعى ەسكى ديسپانسەردەن ٴتورت ەسە ۇلكەن.

الداعى ۋاقىتتا جاڭا ونكولوگيالىق ديسپانسەرگە ساۋلەلى اپپارات اكەلىنبەك. بۇل زاماناۋي قۇرال ناۋقاستاردىڭ 70%-ىن ەمدەۋدە قولدانىلادى. قۇرىلىستىڭ جالپى قۇنى – 7 ملرد تەڭگەدەن استام.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي