قازان جولداۋى. كاسىپكەرلەردىڭ كوكەيىندەگىسىن ٴدوپ باستى - جولداۋ|07 قازان 2018، 11:54
كۋرسى ۆاليۋت وبنوۆليايۋتسيا
استانا:

قازان جولداۋى. كاسىپكەرلەردىڭ كوكەيىندەگىسىن ٴدوپ باستى

فوتو: aktobegazeti.kz

اقتوبەدە «اتامەكەن» وبلىستىق كاسىپكەرلەر پالاتاسىنىڭ ٴماجىلىس زالىندا وبلىستىق كاسىپكەرلىك باسقارماسى مەن پالاتا ماماندارى، جەرگىلىكتى بيزنەس، قارجى سالاسىنىڭ وكىلدەرى پرەزيدەنتتىڭ كەزەكتى جولداۋىن بىرگە وتىرىپ تىڭدادى، دەپ حابارلايدى baq.kz اقپارات اگەنتتىگى aktobegazeti.kz سايتىنا سىلتەمە جاساپ.

جولداۋدى قابىرعاعا ىلىنگەن ۇلكەن تەلەديداردان تاماشالاعان تىڭداۋشىلار شارادان سوڭ ٴوز وي-پىكىرلەرىمەن ٴبولىستى. اقتوبە قالاسىنداعى «سەمەينىي ۆراچ ي كو» كلينيكاسىنىڭ باسشىسى ليۋدميلا پوكوتيلو ەلباسى كەزەكتى جولداۋىندا ەكونوميكانىڭ نەگىزگى قوزعاۋشى كۇشى سانالاتىن شاعىن جانە ورتا بيزنەستىڭ بۇگىنگى دامۋىنا ەرەكشە توقتالىپ وتكەنىن، بۇل سالانى ٴارى قاراي جانداندىرۋدىڭ نەگىزگى جولدارىن ايقىنداپ بەرگەنىن اتاپ ٴوتتى.

«مەملەكەت باسشىسىنىڭ كەزەكتى جولداۋىندا ٴبىراز تۇيتكىلدى ماسەلەلەر كوتەرىلدى دەپ ويلايمىن. ٴبىز مەديسينا سالاسىنىڭ جۇگىن كوتەرىپ جۇرگەن بيزنەس وكىلدەرى رەتىندە بارلىق مەملەكەتتىك قولداۋلارعا قاتىسامىز. سوندىقتان ەلباسىنىڭ كاسىپكەرلەرگە جانە الەۋمەتتىك سالا قىزمەتكەرلەرىنە نازار اۋدارۋى ٴبىز ٴۇشىن قۋانارلىق جايت. ەندى وسى ايتىلعان ماسەلەلەردى بەلسەندى جۇزەگە اسىرۋىمىز كەرەك»، - دەدى ول.

«اتامەكەن» وبلىستىق كاسىپكەرلەر پالاتاسىنىڭ كاسىپكەرلەردى قورعاۋ جانە اكىمشىلىك كەدەرگىلەردى ازايتۋ ٴبولىمىنىڭ باسشىسى نۇرلان ماحامبەتوۆ ەلباسىنىڭ جولداۋدا «بيزنەستىڭ جول كارتاسى» باعدارلاماسىن 2025 جىلعا دەيىن ۇزارتۋ تۋراسىنداعى ۇسىنىسىن قولداي كەلە، ٴوز پىكىرىن ٴبىلدىردى.

«جەكەلەگەن كاسىپكەرلەردىڭ، اسىرەسە، اۋىلداعى شارۋالاردىڭ بيزنەسى ٴۇشىن بانكتەر نەسيە بەرە بەرمەيدى. بۇل رەتتە مەملەكەتتىڭ قولداۋىمەن جەڭىلدەتىلگەن نەسيە الۋ شارۋالارعا ايتارلىقتاي كومەك بولىپ تۇر. ال سالىق امنيستياسى تۋرالى ايتار بولسام، ايىپپۇلدى تولەي الماعان بيزنەس سۋبەكتىلەرىنىڭ جۇمىسى توقتاپ قالعان جاعدايلار كەزدەسەدى. بۇل جولداۋ بيزنەستەگى وسىنداي ىستەردىڭ قايتا جاندانۋىنا مۇمكىندىك بەرمەك. بۇگىنگى كۇنى تاۋارلارىن ەكسپورتقا شىعاراتىن، ساپالى، باسەكەگە قابىلەتتى تاۋار وندىرۋشىلەر ٴبىزدىڭ وڭىرىمىزدە كوپتەپ سانالادى. ساپانى قاداعالاۋ ٴىسى، اسىرەسە قۇرىلىس سالاسىنا قاجەت-اق. وسى ماسەلەلەرگە وراي، جولداۋ كاسىپكەرلەردىڭ كوكەيىندەگىسىن ٴدوپ باستى دەۋگە ابدەن بولادى»، - دەدى.

وبلىستىق كاسىپكەرلىك باسقارماسىنىڭ باسشىسى انار دارجانوۆا مەن «اتامەكەن» وبلىستىق كاسىپكەرلەر پالاتاسىنىڭ ديرەكتورى نۇرلىبەك مۇقانوۆتار بۇل جولداۋدىڭ دا ەلىمىزدىڭ الەۋمەتتىك، ەكونوميكالىق سالالارىن دامىتۋعا سەرپىن بەرەتىنىن اتاپ ٴوتتى. جينالعاندار جولداۋدا ايتىلعان جايتتاردى ٴبىراۋىزدان ماقۇلداپ، ٴوز قىزمەتتەرىنىڭ بارلىق باعىتىندا پايدالاناتىندىقتارىن جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي