BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازان جولداۋى: ەلدەگى ەڭ تومەنگى جالاقىنى كوتەرۋ ٴۇشىن قانشا قاراجات بولىنەدى؟

فوتو: ашық дереккөзден

استانا. baq.kz ٴتىلشىسى. قارجى ٴمينيسترى ٴاليحان سمايىلوۆ ەلباسى جولداۋىندا ايتىلعان مىندەتتەردى ورىنداۋ ٴۇشىن 1 ترلن 288 ملرد تەڭگە بولىنەتىنىن ايتتى.

«الداعى ٴۇش جىلدا پرەزيدەنتتىڭ جولداۋىنداعى مىندەتتەردى ورىنداۋعا 1 ترلن 288 ملرد تەڭگە قاراستىرىلعان. ياعني ەڭ تومەنگى ايلىق جالاقىنى كوتەرۋ ٴۇشىن 85،8 ملرد تەڭگە بولىنەدى. تيىسىنشە، بۇل قاراجات 275 مىڭ قىزمەتكەرلەردىڭ ايلىعىن وسىرۋگە باعىتتالادى. وڭدەۋ ونەركاسىبى مەن ەكسپورتتى ىلگەرىلەتۋ ٴۇشىن 500 ملرد تەڭگە بولىنەدى. ول قاراجاتتىڭ 322 ملرد تەڭگەسى - ۇلتتىق قور مەن رەسپۋبليكالىق بيۋدجەتتەن بۇرىن ٴبولىنىپ، قايتا پايدالانىلىپ جاتقان قاراجات. شاعىن جانە ورتا بيزنەستى دامىتۋ ٴۇشىن ٴۇش جىلدىڭ ىشىندە 90 ملرد (ياعني، جىلىنا 30 ملرد تەڭگە) ٴبولۋ قاراستىرىلعان»، - دەيدى مينيستر بۇگىنگى ۇكىمەتتىڭ ٴباسپاسوز ورتالىعىندا وتكەن بريفينگتە.

سونىمەن قاتار ۆەدومستۆو باسشىسى الداعى بەس جىلدا «نۇرلى جەر» باعدارلاماسى اياسىندا 2 ملن ادامدى ۇيمەن قامتۋ ٴۇشىن 77 ملن شارشى مەتر باسپانا سالىناتىنىن، ٴارى قوسىمشا جالعا بەرىلەتىن ۇيلەردىڭ قۇرىلىسىنا 30 ملرد تەڭگە بولىنەتىن ٴمالىم ەتتى.

«بۇل 250 مىڭ وتباسىنىڭ تۇرعىن ٴۇي ماسەلەسىن شەشۋگە مۇمكىندىك بەرەدى. ٴبىلىم نىساندارىن سالۋ ٴۇشىن ٴۇش جىلدا 50 ملرد تەڭگە ٴبولۋ كوزدەلگەن. بالالاردىڭ قاۋىپسىزدىگىن قامتاماسىز ەتۋ ٴۇشىن، سونىمەن قاتار مەكتەپتەگى پسيحولوگتاردىڭ جۇمىسىن كۇشەيتۋگە 16،8 ملرد تەڭگە قاراستىرىلادى. ول ٴۇشىن جىلىنا 5،6 ملرد تەڭگەدەن بولىنبەك»، - دەيدى مينيستر.

سونداي-اق ٴاليحان سمايىلوۆ اگروونەركاسىپ كەشەنىن دامىتۋ ٴۇشىن ٴۇش جىلدىڭ ىشىندە 300 ملرد تەڭگە (جىلىنا 100 ملرد تەڭگە) بولىنەتىنىن ايتتى.

ەستەرىڭىزگە سالا كەتەيىك، 5 قازاندا ەلباسى نۇرسۇلتان نازاربايەۆ قازاقستان حالقىنا كەزەكتى جولداۋىن جاريا ەتكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي