قازان جولداۋى: اكىمدىكتەرگە باسپانا ٴۇشىن باستاپقى جارنانى سۋبسيديالاۋ تاپسىرىلدى  - جولداۋ|05 قازان 2018، 12:36
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازان جولداۋى: اكىمدىكتەرگە باسپانا ٴۇشىن باستاپقى جارنانى سۋبسيديالاۋ تاپسىرىلدى 

قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ بۇگىنگى جولداۋىندا قازاقستاندىقتاردىڭ باسپانالى بولۋى ٴۇشىن قابىلدانعان باعدارلاما اياسىندا جۇمىس جۇرگىزىلمەي جاتقانىن سىنادى، دەپ حابارلايدى baq.kz ٴتىلشىسى.

«ٴومىر ٴسۇرۋ قولايلىلىعى ٴۇشىن نە قاجەت؟ بىرىنشىدەن، بۇل باسپانا قولجەتىمدىلىگى ساپاسىن ارتتىرۋ. ٴقازىر ٴبىز تۇرعىن ٴۇي قۇرىلىسىنا ۇلكەن سەرپىن الىپ كەلگەن «نۇرلى جەر» مەملەكەتتىك باعدارلاماسىن ٴساتتى جۇزەگە اسىرىپ جاتىرمىز. تۇرعىن ٴۇي يپوتەكاسىن دامىتاتىن «7-20-25» الەۋمەتتىك باعدارلاماسىن قولعا الدىق. ول باعدارلاما وتباسىندا ەكى ادام جۇمىس جاسايتىن بولسا، باسپانا يپوتەكاسىن راسىمدەپ، نەسيە تولەۋگە مۇمكىندىك بەرەدى»، - دەگەن ەلباسى اتالعان باعدارلاما تالاپتارىنىڭ جەڭىلدىگىنە توقتالىپ ٴوتتى.

ەلباسى وسى كۇنگە دەيىن باعدارلاما بويىنشا جۇمىستار قارقىندى جۇرگىزىلمەي جاتقانىنا ەسكەرتۋ جاسادى.

«نەبارى ەكى مىڭ ٴوتىنىم ماقۇلدانعان. بۇل نە؟ پاتەر الۋعا نيەتتىلەر جوق پا، الدە باسقا ٴبىر ماسەلە بار ما؟ قاراجات جايىن شەشتىك، مەملەكەت جاۋاپكەرشىلىكتى ٴوز موينىنا الىپ وتىر. ازاماتتار باسپانا قۇنىنىڭ باستاپقى 20% تاپپاي وتىر ما؟ ٴبىر بولمەلى پاتەر شامامەن 7 ملن تەڭگە تۇرسا، باستاپقى جارناسى 1،4 ملن تەڭگەنى تولەي الادى عوي. جۇمىس جۇرگىزىپ جاتقان جوقپىز. ۇكىمەت جۇمىس جاساپ جاتقان جوق. اكىمدىكتەر جۇمىس جاساپ جاتقان جوق. بارلىق اكىمدەرگە قاراتىپ ايتامىن، ادامداردىڭ تۇرمىس-تىرشىلىگىن جاقسارتۋ ٴۇشىن سەندەرگە تاعى نە قاجەت؟»، - دەدى پرەزيدەنت.

مەملەكەت باسشىسى باسپانا بويىنشا باعدارلامانى جۇزەگە اسىرۋ جىل سوڭىندا اكىمدەردىڭ جۇمىس جۇرگىزۋ كورسەتكىشى بولاتىنىن مالىمدەدى. پرەزيدەنت استانا قالاسى اكىمى قىزمەتىندە بولعان اسەت يسەكەشەۆتىڭ جەرگىلىكتى بيۋدجەتتەن جەڭىلدىكتى يپوتەكا ٴۇشىن باستاپقى جارنانى سۋبسيديالاۋدى قاراستىرعانىن ۇلگى رەتىندە اتاپ ٴوتتى.

«بۇل مۇعالىمدەرگە، پوليسەيلەر، دارىگەرلەرگە، بارلىعىنا باسپانالى بولۋعا مۇمكىندىك جاساۋ. مۇمكىن ول ازاماتتاردا ٴدال سول سوما جەتپەي تۇرعان بولار. وبلىستاردا وسىنى جۇزەگە اسىرۋ مۇمكىن بە؟ ٴبىز سىزدەرگە (اكىمدەرگە – اگەنتتىك ەسكەرتپەسى) بارلىق سومانى وزدەرىڭ تولەڭدەر دەپ وتىرعان جوقپىز. تەك باستاپقى جارنانى عانا، تەك جەتپەي تۇرعان كىشكەنە بولىگىن عانا. ازاماتتارعا قول ۇشىن سوزۋعا مۇددەلى بولۋ كەرەك، كومەكتەسۋگە نيەتتى بولۋ كەرەك. استانا ٴدال وسىلاي ىستەدى. سولاردان ۇيرەنىڭىزدەر»، - دەدى ەلباسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي