3239 
0
«اتامەكەن» ۇلتتىق كاسىپكەرلەر پالاتاسى باسقارما ٴتوراعاسى ابىلاي مىرزاحمەتوۆ قر پرەزيدەنتى جولداۋىنىڭ اياسىندا قولجەتىمدى نەسيە بەرۋ ٴۇشىن ۇلتتىق بانك بولەتىن 600 ملرد تەڭگە كىمدەرگە بەرىلەتىنىن ايتتى، دەپ حابارلايدى baq.kz ٴتىلشىسى.
استانا: 
«اتامەكەن» ۇلتتىق كاسىپكەرلەر پالاتاسى باسقارما ٴتوراعاسى ابىلاي مىرزاحمەتوۆ قر پرەزيدەنتى جولداۋىنىڭ اياسىندا قولجەتىمدى نەسيە بەرۋ ٴۇشىن ۇلتتىق بانك بولەتىن 600 ملرد تەڭگە كىمدەرگە بەرىلەتىنىن ايتتى، دەپ حابارلايدى baq.kz ٴتىلشىسى.
«ەلباسىنىڭ قازاقستان حالقىنا جولداۋىندا ەلىمىزدە جاسالىپ جاتقان سوڭعى جىلدارداعى بارلىق رەفورمالار مەن وزگەرىستەردىڭ سوڭىندا ٴار ازاماتتىڭ ٴال-اۋقاتى، ونىڭ تۇرمىسىنىڭ جاقسارۋى، بولاشاعى ناقتى كورسەتىلۋى كەرەك دەپ اتاپ ٴوتتى. بالىق رەفورمانىڭ نەگىزى كورسەتكىشى – بيلىك باسىنداعىلار سول ارقىلى باعالاناتىنىن جانە ول تۋرالى ارنايى كوميتەت قۇرىلعانىن دا اتاپ ٴوتتى. بيىلعى جولداۋىندا دا ەلباسى ەلىمىزدەگى ورتا، شاعىن بيزنەستەگى ماسەلەلەر تۋرالى ايتىپ كەتتى. قازىرگى وزەكتى بولىپ وتىرعان شاعىن جانە ورتا بيزنەسكە كرەديتكە قول جەتكىزۋ تۋرالى ايتتى. اسىرەسە شيكىزات ەمەس تاۋارلاردى شىعاراتىن، حالىققا كەرەكتى تۇتىناتىن نەگىزگى تاماق تۇرلەرى، كيىم-كەشەك، اياق كيىم، جيھاز سەكىلدىنىڭ ٴبارى ەلىمىزدە ٴوندىرىلۋى كەرەك دەگەن ناقتى تاپسىرمانى قويدى. بۇل كوپتەن بەرى شاعىن جانە ورتا بيزنەستىڭ ايتىپ كەلە جاتقان ماسەلەسى. سوندىقتان ەلباسى بۇل ماسەلەنى جاقسى بىلەتىنىن، ناقتى شەشىمگە كەلگەنىن اتاپ ٴوتتى. سوندىقتان كاسىپكەرلەر اتىنان مەملەكەت باسشىسىنا ريزاشىلىعىمىزدى بىلدىرەمىز»، - دەدى «اتامەكەن» ۇكپ باسقارما ٴتوراعاسى.
مىرزاحمەتوۆ ەلباسىنىڭ بۇل باستاماسىن وتاندىق كاسىپكەرلىكتى قولداۋدا، سونداي-اق حالىققا كۇندەلىكتى تۇتىناتىن تاۋارلارىن ٴتيىمدى باعادا ساتىپ الۋعا مۇمكىندىك بەرەتىنىن اتاپ ٴوتتى.
«بۇل ٴبىر جاعىنان حالىققا دا پايدالى بولادى، ويتكەنى تاۋارلاردىڭ ٴبارى تەڭگەمەن شىعارىلادى. سوندىقتان حالىق تۇتىناتىن نەگىزگى تاۋارلار تولىق وزىمىزدە شىعارىلۋى كەرەك. ەكىنشى ماسەلە، تاۋار وزىمىزدە شىعارىلسا ٴوزىمىزدىڭ ٴوندىرىس كوزدەرى جۇمىس ىستەيدى، سالىعىن تولەيدى، جۇمىس ورىندارى پايدا بولادى. ەلباسىدان سۇراعاندا شيكىزات ەمەس زاتتاردى شىعاراتىن تاماق، كيىم-كەشەك، جيھاز، دارى-دارمەك، ماشينا جوندەۋ، قۇرىلىس ماتەريالدارىن شىعارۋ سەكىلدى سەگىز سالا بارىن جانە 2000 كاسىپكەر تىركەلگەنىن اتاپ وتتىك. جىل باسىندا پاسپورتتاعانىمىزدا ولاردىڭ 55%-ى عانا جۇمىس ىستەپ وتىرعانىن انىقتادىق. ەلباسىنىڭ تاپسىرماسىنان كەيىن ولارعا تۇتىنۋشىلاردان، مەملەكەتتەن جاڭا تاپسىرىستار ٴتۇسىپ، وسى ماسەلەلەر وتە ورىندى شەشىلەدى دەپ ۇمىتتەمىز جانە ۇكىمەتپەن بىرلەسە جۇمىس ىستەۋگە دايىنبىز»، - دەدى ول.
ونىڭ ايتۋىنشا، 2000 كاسىپكەردىڭ 55 پايىزىندا تاپسىرىس بار بولسا، ال قالعان بولىگىنە قاراجات كوزى جەتپەيدى.
«ۇلتتىق بانك باسشىسى بانك جۇيەسىندە اقشا كوپ دەپ ايتىپ وتىر. ٴبىزدىڭ ايتىپ وتىرعانىمىز اقشا بار، ٴبىراق ول قىسقا مەرزىمدى، قىمبات اقشا. 18-16 %-بەن ٴوندىرىستى كوتەرۋ وتە قيىن. سوندىقتان ەلباسى تەك قانا حالىق تۇتىناتىن تاۋار شىعاراتىن مەكەمەلەرگە 600 ملرد تەڭگە قارجى بولىنەدى دەپ اتاپ ٴوتتى. مۇنى ۇكىمەت قاداعالاپ وتىر. مۇنداي مەكەمەلەردىڭ ٴتىزىمىن بەرۋگە دايىنبىز. مەملەكەت تاراپىنان كومەك كورسەتىلەدى، ناقتى قاراجات، تاپسىرىس بولىنەدى. ال ولاردىڭ نەگىزگى مىندەتى – كەرەكتى تۇتىناتىن ساپالى تاۋرلاردى ناقتى باعاسىمەن حالىققا جەتكىزۋ»، - دەدى مىرزاحمەتوۆ.
ەسكە سالا كەتسەك، قر پرەزيدەنتى نۇرسۇلتان نازاربايەۆ حالىققا جولداۋىندا ۇلتتىق بانك باسىم باعىتتاعى ٴوندىرىس سالاسىن، شاعىن جانە ورتا بيزنەستى نەسيەلەۋ ٴۇشىن 600 ميلليارد تەڭگە بولەتىنىن ايتتى. سونىڭ ىشىندە وڭدەۋ ونەركاسىبى مەن شيكىزاتتىق ەمەس ەكسپورتتى قولداۋعا الداعى 3 جىلدا قوسىمشا 500 ميلليارد تەڭگە بولىنبەك.
ۆيدەو: نۇرجاس جاقسىباي
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
3340
0