BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازان جولداۋى: 100-دەن استام «سەرپىندىك» پاۆلوداردا باس قوستى

فوتو: автор

پاۆلودار، baq.kz ٴتىلشىسى. ەلىمىزدەگى 20 جوعارى جانە ارنايى وقۋ ورىندارىندا «سەرپىن» باعدارلاماسى بويىنشا ٴبىلىم الىپ جاتقان 100-دەن استام ستۋدەنت «مەنى شىڭداعان «سەرپىن» كاسىبي شەبەرلىك بايقاۋىندا باس قوستى. ماقسات – ەلباسى جولداۋىندا ايتىلعان ماقسات-مىندەتتەردى ورىنداۋ ٴۇشىن جاستاردى جۇمىسپەن قامتۋعا سەپ بولىپ، ەڭبەك ەتۋگە ىنتالىندىرۋ.

رەسپۋبليكالىق بايقاۋ س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىندە ٴوتتى. جارىسقا كوبىنەسە تەحنيكالىق جانە اۋىل شارۋاشىلىعى ماماندىقتارى بويىنشا ٴبىلىم الىپ جاتقان ستۋدەنتتەر قاتىستى.

قر ٴبىلىم جانە عىلىم مينيسترلىگى بولون پروسەسسى جانە اكادەميالىق ۇتقىرلىق ديرەكتورىنىڭ ورىنباسارى ايبەك مۇقاتايەۆتىڭ ايتۋىنشا، بايقاۋ ستۋدەنتتەردى بىلىكتىلىگىن انىقتاۋ جانە جۇمىس بەرۋشىلەرگە بولاشاق مامانداردى تاڭداپ الۋعا مۇمكىندىك بەرۋدى كوزدەيدى.

«سەرپىن» الەۋمەتتىك جوباسى ٴۇش جىل بۇرىن باستاۋ العانى بەلگىلى. ونىڭ ماقساتى - ەڭبەك كۇشى كوپ ايماقتاردان، اتاپ ايتقاندا، الماتى، جامبىل، تۇركىستان، قىزىلوردا وبلىستارىنان ماماندار جەتپەيتىن ايماقتارعا جاستاردى تارتىپ، ٴبىلىم بەرۋ. سونىمەن قاتار، وڭىرلەردە كادر تاپشىلىعىن جويۋ. بۇگىندە ەلىمىزدە 16 مىڭعا جۋىق ۇل-قىز بۇل الەۋمەتتىك قاتىسىپ جاتىر. پاۆلودار وبلىسىندا 1200-گە جۋىق ستۋدەنت جوعارى ٴبىلىم الىپ جاتسا، 445 بالا تەحنيكالىق جانە كاسىپتىك ٴبىلىم بەرۋ ۇيىمدارىندا وقىپ ٴجۇر»، - دەيدى ايبەك مۇقاتايەۆ.

فوتو: اۆتور

بىلتىرعى جىلى «سەرپىندىكتەردىڭ» العاشقى لەگى جوعارى وقۋ ورىندارىن ٴتامامدادى. پەداگوگيكا كادرلارىنىڭ 60%-ى جۇمىسقا ورنالاسىپ، ٴبىلىم العان جەرلەرىندە تۇراقتاپ قالعان.

«سەرپىن-2050» باعدارلاماسى شەڭبەرىندە ۋنيۆەرسيتەتىمىزدە ەلىمىزدىڭ بە وبلىسىنان كەلگەن 500-دەن استام ستۋدەنت جيىرما ماماندىق بويىنشا ٴبىلىم الادى. بيىلعى جىلى 200-دەن استام جاس وقۋىن ٴتامامدايدى. پاۆلودار وبلىسىنىڭ اكىمدىگى مەن كاسىپورىنداردىڭ اتسالىسۋىمەن تۇلەكتەردى جۇمىسپەن قامتۋ ماقساتىندا جول كارتاسى جۇزەگە اسىرىلۋدا»، - دەيدى س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ رەكتورى گاۋحار احمەتوۆا.

بايقاۋ ناتيجەسىندە 10 ستۋدەنت ۇزدىك اتاندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي