BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان 20 جىلدا تاريحي ماڭىزدى رەفورمالاردى جۇزەگە اسىردى – كەي كاراساۆا

فوتو: youtube.com

استانا، baq.kz. بيىلعى قازان ايىنداعى ەلباسىنىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جولداۋىنا قاتىستى ەلىمىز بويىنشا تالقىلاۋلار مەن ٴتۇسىندىرۋ جۇمىستارى جۇرگىزىلۋدە. جولداۋدىڭ ماڭىزدىلىعى مەن ونىڭ حالىق ٴۇشىن تيىمدىلىگى جايىندا الەمنىڭ عالىمدارى مەن پروفەسسورلارى دا پىكىر بىلدىرۋدە. سونىڭ ٴبىرى، حالىقارالىق زەرتتەۋلەر ينستيتۋتىنىڭ دەكانى، «ritsumeikan» ۋنيۆەرسيتەتىنىڭ قۇرمەتتى پروفەسسورى، دوكتور كەي كاراساۆانىڭ پىكىرىن وقىرمان نازارىنا ۇسىنىپ وتىرمىز.

2018 جىلعى قازانداعى پرەزيدەنت نۇرسۇلتان نازاربايەۆتىڭ قازاقستان حالقىنا جولداۋى ەلدىڭ الەۋمەتتىك-ەكونوميكالىق دامۋى ٴۇشىن ۇلكەن ماڭىزعا يە جانە، مەنىڭ ويىمشا، جاھاندىق جۇيە مەن حالىقتىڭ ٴال-اۋقاتى كوپتەگەن قيىندىقتار مەن قاقتىعىستارعا ۇشىراعان قازىرگى كەزدە ەرەكشە ماڭىزدى. وسىعان بايلانىستى قازىرگى جولداۋ قازاقستاننىڭ قارقىندى دامۋىنا نەگىزدەلگەن قازاقستاندىقتاردىڭ ٴال-اۋقاتىنىڭ ارتۋىنا: تابىس پەن ٴومىر ساپاسىن جوعارىلاتۋعا باعىتتالعان.

پرەزيدەنتتىڭ اتاپ وتكەنىندەي، قازاقستان 20 جىل ىشىندە قۇرىلىمدىق، كونستيتۋسيالىق جانە ساياسي سالالاردا ساپالى جانە تاريحي ماڭىزدى رەفورمالاردى جۇزەگە اسىرۋعا قول جەتكىزدى. قازاقستان ىشكى جانە سىرتقى جاعدايلاردىڭ وزگەرۋىنە قارسى تۇرۋ ٴۇشىن جانە ودان ٴارى دامۋى مەن وركەندەۋى ٴۇشىن الەۋمەتتىك-ەكونوميكالىق جۇيەنى جانە ٴومىر سالتىن رەفورمالاۋعا تالپىنعانى جوعارى باعالانادى. سوندىقتان قازاقستاندىق ازاماتتاردىڭ ٴال-اۋقاتىن جاقسارتۋ، ٴومىر ٴسۇرۋ ساپاسى مەن تابىستىڭ ارتۋى سياقتى ٴبىرقاتار كۇردەلى مىندەتتەردى قويۋ تۋرالى پرەزيدەنتتىڭ شەشىمى جاقسى بولىپ تابىلادى.

مەن پرەزيدەنتتىڭ ەلدى جاڭعىرتۋ ٴۇشىن ٴتيىستى ساياسي باستامالاردى ۇسىنعانىن ەرەكشە اتاپ وتكىم كەلەدى. پرەزيدەنتتىڭ سوڭعى جولداۋى 2018 جىلعى قاڭتارداعى جولداۋمەن بىرگە وقىلسا ماڭىزدىراق بولار ەدى. ەگەر جاريالانعان قازاقستاندى ٴۇشىنشى جاڭعىرتۋ جانە يندۋستريالاندىرۋ باعدارلاماسى جانە قابىلدانعان سيفرلى قازاقستان كەشەندى باعدارلاماسى ٴساتتى ىسكە اسىرىلسا.

جولداۋدا ايتىلعانداي، قارقىندى وزگەرىپ جاتقان جاھاندىق جاعدايلاردى مويىنداي وتىرىپ، پرەزيدەنت ن.نازاربايەۆ ازاماتتارعا باعىتتالعان مەملەكەتتىك قىزمەت پەن ٴتيىمدى سىرتقى ساياسات سياقتى ٴبىرقاتار ساياسي باستامالاردى جۇزەگە اسىرادى. جاھاندىق قاۋىپسىزدىك جۇيەسىنىڭ نەگىزدەرى جانە حالىقارالىق ساۋدا ەرەجەلەرى قاتتى شايقالۋدا. اقش، قىتاي جانە رەسەي سياقتى ٴىرى مەملەكەتتەردىڭ اراسىنداعى ساياسي-ەكونوميكالىق قايشىلىقتار مەن قاقتىعىستار، ميگراسيالىق ماسەلەلەر مەن تاياۋ شىعىس شاتىستىلىعىنا بايلانىستى ەۋروپاداعى ساياسي شيەلەنىستىڭ كۇشەيۋى جاھاندىق جۇيەنىڭ ىرگەتاسىن بۇزۋدىڭ نەگىزگى فاكتورلارى رەتىندە الەمدىك بەيبىتشىلىك پەن قاۋىپسىزدىككە ٴقاۋىپ توندىرۋدە. وسىعان وراي، حالىقارالىق قاۋىمداستىق ەركىن ساۋدا مەن جاھاندىق دەڭگەيدە اشىق ەكونوميكالىق جۇيەنى قورعاۋعا، سونداي-اق حالىقارالىق ىنتىماقتاستىقتى بۇزىلۋ مەن جويىلۋىنا جول بەرمەۋى ٴتيىس.

جاپونيا مەن قازاقستان ورتاق مۇددەلەر مەن ۇستانىمداردى بولىسە وتىرىپ، عالامدىق تۇراقتىلىق ٴۇشىن ىنتىماقتاستىقتىڭ الەمدىك جەلىسىن بۇزۋعا قارسى بىرلەسىپ ارەكەت ەتۋدە. ەكى ەل كوپتەگەن بىرلەسكەن باستامالاردى مەملەكەتتىڭ ىشىندە جۇزەگە اسىرۋعا بولاتىن ەرەكشە ۇستانىمدا تۇر. جاپونيا پرەزيدەنت ن.نازاربايەۆ ۇسىنعان جولداۋدىڭ كەيبىر تارماقتارىن ٴساتتى جۇزەگە اسىرۋ ٴۇشىن قازاقستانمەن سىندارلى ىنتىماقتاستىقتى ورناتا الادى. جاپونيا قازاقستانعا مەديسينالىق، دەنساۋلىق ساقتاۋ جانە باسقا دا حالىققا قامقورلىق كورسەتۋ، ەكولوگيالىق، عىلىمي، تەحنولوگيالىق جانە ٴبىلىم بەرۋ سالاسىندا، سونداي-اق، ەكونوميكالىق جانە ونەركاسىپتىك ىنتىماقتاستىق سالاسىندا جاساندى ينتەللەكت، زاتتار ينتەرنەتى جانە باسقا دا ينفوكوممۋنيكاسيالىق قىزمەتتەر سياقتى ٴومىر سۇرۋگە بايلانىستى بىرنەشە سالالاردا ناقتى ىنتىماقتاستىقتى ۇسىنا الادى.

جاپونيانىڭ ەكونوميكالىق مىندەتتەمەسى مەن قازاقستانعا سالىنعان قارجى ينۆەستيسيالارى سۇرانىس ٴوسىپ كەلە جاتقان ۋاقىتتا جەتكىلىكسىز دەڭگەيدە قالىپ وتىر. دەگەنمەن، جاپونيانىڭ ٴىرى بيزنەس جانە جەكە سەكتورلارى ورتالىق ازياعا ٴوز كوزقاراستارىن وزگەرتتىپ كەلەدى، بۇل احۋالدىڭ جاھاندىق وزگەرىسىن كورسەتەدى. ياعني، جاپونيانىڭ بيزنەس سەكتورى ن.نازاربايەۆتىڭ باستاماسىمەن ىسكە اسىرىلىپ كەلە جاتقان « ۇلى ەۋرازيا تۇجىرىمداماسىنا» تۇبەگەيلى كوزقاراس الۋىنا ىنتالاندىرىلدى.

وسى ماقساتقا جەتۋ ٴۇشىن جاپون كاپيتالىن، داعدىلارىن جانە ٴبىلىمىن ەنگىزۋ ارقىلى قازاقستانداعى جاعدايدى جاقسارتۋ سۇرالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي