قازاق ٴتىلى عۇمىرلى بولسىن دەسەك، ونى قازىرگى زامانعا لايىقتاۋ قاجەت –  نازاربايەۆ - جولداۋ|10 قاڭتار 2018، 09:56
كۋرسى ۆاليۋت وبنوۆليايۋتسيا
استانا:

قازاق ٴتىلى عۇمىرلى بولسىن دەسەك، ونى قازىرگى زامانعا لايىقتاۋ قاجەت –  نازاربايەۆ

قازاقستاندىقتاردىڭ بولاشاعى – قازاق، ورىس جانە اعىلشىن تىلدەرىن ەركىن مەڭگەرۋىندە. ال ٴبىز قازاق ٴتىلى عۇمىرلى بولسىن دەسەك، ونى ٴجونسىز تەرمينولوگيامەن قيىنداتپاي، قازىرگى زامانعا لايىقتاۋىمىز قاجەت. بۇل تۋرالى قر پرەزيدەنتى نۇرسۇلتان نازاربايەۆ قازاقستان حالقىنا ارناعان بيىلعى جولداۋىندا ايتتى، دەپ حابارلايدى baq.kz ٴتىلشىسى.

ەلباسىنىڭ بيىلعى «ٴتورتىنشى ونەركاسىپتىك رەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىندا 10 مىندەت قويىلدى. جولداۋداعى 7 مىندەت ادامي كاپيتالدى دامىتۋعا بايلانىستى.

وسى ورايدا مەملەكەت باسشىسى 3 ٴتىلدى ەركىن مەڭگەرۋ وتە ماڭىزدى ەكەنىن اتاپ ٴوتتى.

«قازاقستاندىقتاردىڭ بولاشاعى – قازاق، ورىس جانە اعىلشىن تىلدەرىن ەركىن مەڭگەرۋىندە. ورىس ٴتىلدى مەكتەپتەر ٴۇشىن قازاق ٴتىلىن وقىتۋدىڭ جاڭا ادىستەمەسى ازىرلەنىپ، ەنگىزىلۋدە. ەگەر ٴبىز قازاق ٴتىلى عۇمىرلى بولسىن دەسەك، ونى ٴجونسىز تەرمينولوگيامەن قيىنداتپاي، قازىرگى زامانعا لايىقتاۋىمىز قاجەت»، - دەدى ول.

سونىمەن قاتار نۇرسۇلتان نازاربايەۆ تەرميندەردى قازاق تىلىنە اۋدارۋ بارىسىندا كەزدەسەتىن ماسەلەلەرگە توقتالدى. ونىڭ پىكىرىنشە، تەرمينولوگيا تۇرعىسىنان قازاق ٴتىلىن حالىقارالىق دەڭگەيگە جاقىنداتۋ قاجەت.

«سوڭعى جىلدارى الەمدە قالىپتاسقان 7 مىڭ تەرمين قازاق تىلىنە اۋدارىلعان. مۇنداي «جاڭالىقتار» كەيدە كۇلكىڭدى كەلتىرەدى. مىسالى، «عالامتور» (ينتەرنەت)، «قولتىراۋىن» (كروكوديل)، «كۇيساندىق» (فورتەپيانو) جانە تاعى سول سياقتىلار تولىپ جاتىر. وسىنداي اۋدارمالاردى نەگىزدەۋ تاسىلدەرىن قايتا قاراستىرىپ، تەرمينولوگيا تۇرعىسىنان قازاق ٴتىلىن حالىقارالىق دەڭگەيگە جاقىنداتۋ كەرەك»، - دەدى نۇرسۇلتان نازاربايەۆ قازاقستان حالقىنا ارناعان جولداۋىندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي