BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كامال الپەيىسوۆا: ەلباسى ايتتى، ەندىگى كەزەك – سالالىق مينيسترلىكتەردە

ەلباسىنىڭ بيىلعى جولداۋىنا قاتىستى قازاقستان جازۋشىلار وداعىنىڭ مۇشەسى، فيلولوگيا عىلىمدارىنىڭ كانديداتى، جازۋشى، اۋدارماشى كامال الپەيىسوۆا ٴوز ويىن ورتاعا سالدى. ونىڭ ويىنشا ەلباسى بارلىق مۇمكىندىكتەردى جاسادى، ەندىگى كەزەك حالىقتىڭ ٴوز قولىندا، دەپ حابارلايدى baq.kz اقپارات اگەنتتىگى.

"ەلباسىنىڭ بيىلعى جولداۋى بۇرىنعىداي پارلامەنت پالاتالارىنىڭ بىرلەسكەن وتىرىس زالىندا ەمەس، اقوردادا ٴوتتى. جولداۋ جاساۋدىڭ ٴپىشىنى وزگەرگەنىمەن، مازمۇنى سول باعىتتا – ەلدى وركەندەتۋ جولدارى، وعان كەدەرگى بولعان جايلاردى ەڭسەرۋ. قوعامنىڭ باستى قۇندىلىقتارى – ەڭبەك، تاتۋلىق، ىنتىماقتاستىق، ادامي كاپيتال ماسەلەسى" - دەيدى عالىم.

قوزعالعان ماسەلەلەردىڭ بارلىعى ەل بىرلىگىن ساقتاۋعا، قاراپايىم حالىقتىڭ ٴومىر ٴسۇرۋ دەڭگەيىن جاقسارتۋعا، بارىپ تىرەلىپ جاتتى. ول تۇسىنىكتى دە. ويتكەنى قاراپايىم حالىق – قوعامنىڭ باستى قوزعاۋشى كۇشى. سوندىقتان دا ەلباسى جاريا ەتكەن الەۋمەتتىك سالاعا قاتىستى ۇسىنىستاردى كوپشىلىك قۋانا قارسى العانى انىق.

"مەنىڭ ٴوزىمدى ۇستازدار مەن دارىگەرلەرگە قاتىستى ۇسىنىستار قۋانتتى. بۇلار - ٴبىزدىڭ بالا كەزىمىزدە ەڭ ٴقادىرلى ماماندىق بولعاندىقتان، ولاردىڭ قازىرگى كەزدەگى الەۋمەتتىك جاعدايىنا جانىم اشىپ قاراۋشى ەدىم. شىندىعىندا دا، ٴمۇعالىم مارتەبەسى تۋرالى زاڭ قابىلداۋ قاجەتتىگى – ەل اراسىندا بۇرىننان دا ايتىلىپ جۇرگەن ماسەلە. تەك ونى وسىلاي ٴۋالى اۋىزدان پارمەن بەرىلسە دەگەن ٴۇمىت بار ەدى ۇستازدار قاۋىمىندا. سول سياقتى مەديسينا سالاسى قىزمەتكەرلەرىنىڭ جالاقىسىن كوتەرۋ دە ورىندى دەپ ويلايمىن. قانشا دەگەنمەن، ادام ومىرىنەن قۇندى ەشتەڭە جوق. ال ادام ٴومىرى، دەنساۋلىعى دارىگەرلەرگە تىكەلەي بايلانىستى. مۇنى اۋرۋ جانىنا باتقان ادام عانا تۇسىنەدى" - دەيدى كامال الپەيىسوۆا.

سونىمەن قاتار، ول ەلباسى بارلىق جاعدايدى جاساعانىن، ەندىگى كەزەك حالىقتىڭ وزىندە ەكەنىن ايتتى.

"ارينە، مەملەكەتتىك قىزمەت پەن قۇقىق قورعاۋ سالاسىنىڭ جۇمىسىن جەتىلدىرۋ دە قوعام ٴۇشىن قاجەتتى قادام ەكەنىنە داۋ جوق. ەلباسى سىنعا الىپ، وزەكتىلىگىن اشىق ايتقان ماسەلەنىڭ بارلىعى – قاراپايىم قازاقستاندىقتاردىڭ كوكەيىندە جۇرگەن تۇيتكىلدەر. سولاردى ىسكە اسىرۋ ٴۇشىن ەلباسى ايتۋ كەرەك بولسا – ايتىلدى. ەندىگى كەزەك – سالالىق مينيسترلىكتەردە. كوپ ەتنوستى قازاقستان حالقىندا. كەزەك – وزىمىزدە" - دەيدى اۋدارماشى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي