BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قايرات زاكەريا ۇلى: ەلباسى جولداۋى ٴار قازاقستاندىقتىڭ جۇرەگىنە جەتتى

استانا، baq.kz. ەلباسى نۇرسۇلتان ٴابىش ۇلى نازاربايەۆتىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جولداۋىمەن كوكشەتاۋ قالاسىنداعى فيزيكا-ماتەماتيكالىق باعىتتاعى نازاربايەۆ زياتكەرلىك مەكتەبىنىڭ ۇجىمى دا تانىسىپ شىقتى. ساياسي ماڭىزدى قۇجاتتا ٴاربىر قازاقستاندىق وتباسىنا قاتىستى ٴبىلىم بەرۋدىڭ، دەنساۋلىق ساقتاۋ سالاسىنىڭ، تۇرعىن ٴۇي ساپاسى، قولجەتىمدىلىگى مەن جايلىلىعى، ٴقاۋىپسىز جاعدايدا ٴومىر ٴسۇرۋ ماسەلەلەرى كەڭىنەن قاراستىرىلعان.

ونىڭ ٴار تارماعىن مۇقيات وقىعان مەكتەپ ٴمۇعالىمى، تاجىريبەلى پەداگوگ قايرات زاكەريا ۇلى ەلباسى ٴوز جولداۋىنداعى نازاربايەۆ زياتكەرلىك مەكتەپتەرىنىڭ ٴبىلىم بەرۋ باعدارلاماسىن جالپى ورتا مەكتەپتەرگە ەنگىزۋ تۋرالى ۇسىنىسى – ەلىمىزدىڭ ٴبىلىم بەرۋ سالاسىن جاڭا بەلەسكە شىعارتىنىنا سەنىمدى. بۇگىندە دەربەس ٴبىلىم بەرۋ ۇيىمى الەمدىك ستاتۋسقا يە كەمبريدج، وكسفورد ۋنيۆەرسيتەتتەرىمەن ارىپتەس.

«ٴبىزدىڭ مەكتەپتىڭ ميسسياسى – مادەنيەتارالىق تۇسىنىستىك، ۇزدىكسىز ٴبىلىم الۋعا جانە جوعارى ادامگەرشىلىك قۇندىلىقتاردى دامىتۋعا باعىتتالعان زياتكەرلىك قوعام مۇشەلەرىن تاربيەلەۋ. ارينە، بارلىق ٴبىلىم وردالارى زياتكەرلىك مەكتەپتەرىنىڭ وقىتۋ باعدارلاماسىن نەگىزگە السا، ەلىمىزدەگى ٴبىلىم بەرۋ ساپاسى ايتارلىقتاي ارتادى دەگەن ويدامىن. ال، پەداگوگتاردىڭ مارتەبەسى تۋرالى زاڭنىڭ قابىلداناتىنى جولداۋمەن تانىسقان بارلىق ارىپتەستەرىمنىڭ كوڭىلىنەن شىقتى دەسەم ارتىق ايتپاعانىم بولار. سونداي-اق، ەلباسى بالالار قاۋىپسىزدىگىنىڭ ماڭىزدىلىعىن ەسكەرىپ، بۇكىل مەكتەپتەر مەن بالاباقشالاردى بەينەباقىلاۋ جۇيەسىمەن قامتاماسىز ەتۋدى، مەكتەپ پسيحولوگتارىنىڭ جۇمىسىن كۇشەيتۋدى جانە باسقا دا دايەكتى شارالاردى جۇزەگە اسىرۋدى تاپسىردى. جالپى ايتقاندا، جولداۋداعى ٴار تاپسىرما قازاقستاندىقتاردىڭ جۇرەگىنە جەتكەنىنە سەنىمىم مول»، - دەدى ستراتەگيالىق قۇجات جايىندا وي بولىسكەن پەداگوگ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي