ينۆەستورلار ەلدى ەمەس، جايلى ٴومىر سۇرەتىن قالانى تاڭدايدى – ەلباسى - جولداۋ|10 قاڭتار 2018، 10:07
كۋرسى ۆاليۋت وبنوۆليايۋتسيا
استانا:

ينۆەستورلار ەلدى ەمەس، جايلى ٴومىر سۇرەتىن قالانى تاڭدايدى – ەلباسى

قر پرەزيدەنتى نۇرسۇلتان نازاربايەۆ قازاقستان حالقىنا ارنالعان ٴداستۇرلى جولداۋىندا استانانىڭ تاجىريبەسى نەگىزىندە «سمارت سيتي» «ەتالوندى» ستاندارتىن قالىپتاستىرىپ، وزگە قالالارعا وزىق پراكتيكانى تاراتۋدى جانە تاجىريبە الماسۋ ٴىسىن باستاۋدى تاپسىردى، دەپ حابارلايدى baq.kz ٴتىلشىسى.

قر پرەزيدەنتىنىڭ بۇگىن جاريالانعان قازاقستان حالقىنا ارنالعان ٴداستۇرلى جولداۋىندا «اقىلدى قالالار» تۇجىرىمداماسى دا قامتىلعان.

«2018 جىل – ەلوردامىز استانانىڭ 20 جىلدىعىن اتاپ وتەتىن مەرەيتويلى جىل. باس قالامىزدىڭ قالىپتاسۋى جانە ەۋرازيانىڭ ماڭىزدى دامۋ ورتالىقتارىنىڭ قاتارىنا قوسىلۋى – بارشامىزدىڭ ورتاق ماقتانىشىمىز. زاماناۋي تەحنولوگيالار جىلدام ٴوسىپ كەلە جاتقان مەگاپوليستىڭ پروبلەمالارىن ٴتيىمدى شەشۋگە جول اشادى»، - دەلىنگەن جولداۋدا.

وسى ورايدا ەلباسى «سمارت سيتي» تۇجىرىمداماسى مەن قالاعا قونىس اۋداراتىن ادامداردىڭ قۇزىرەتتەرىن دامىتۋ نەگىزىندە قالالىق ورتانى باسقارۋدى كەشەندى تۇردە ەنگىزۋدى تاپسىردى.

«الەمدە ينۆەستورلار ٴۇشىن قالالار باسەكەگە تۇسەدى دەگەن تۇسىنىك قالىپتاستى. ولار ەلدى ەمەس، جايلى ٴومىر ٴسۇرىپ، جۇمىس ىستەيتىن قالانى تاڭدايدى. سوندىقتان، استانانىڭ تاجىريبەسى نەگىزىندە «سمارت سيتي» «ەتالوندى» ستاندارتىن قالىپتاستىرىپ، قازاقستان قالالارى اراسىندا وزىق پراكتيكانى تاراتۋدى جانە تاجىريبە الماسۋ ٴىسىن باستاۋ كەرەك»، - دەلىنگەن جولداۋدا.

مەملەكەت باسشىسى «اقىلدى قالالار» وڭىرلىك دامۋدىڭ، يننوۆاسيانى تاراتۋدىڭ جانە ەلىمىزدىڭ بارلىق اۋماعىندا تۇرمىس ساپاسىن ارتتىرۋدىڭ لوكوموتيۆتەرىنە اينالاتىنىنا سەنىمدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي