حالىق تۇتىناتىن تاۋارلاردى وندىرۋدە ىشكى نارىقتىڭ مۇمكىندىكتەرى باعالانبايدى – دەپۋتات - جولداۋ|06 قازان 2018، 14:25
كۋرسى ۆاليۋت وبنوۆليايۋتسيا
استانا:

حالىق تۇتىناتىن تاۋارلاردى وندىرۋدە ىشكى نارىقتىڭ مۇمكىندىكتەرى باعالانبايدى – دەپۋتات

فوتو: Нұржас Жақсыбай

«اق جول» دەموكراتيالىق پارتياسىنىڭ ٴتوراعاسى، قر پارلامەنت ٴماجىلىسىنىڭ دەپۋتاتى ازات پەرۋاشەۆ حالىق جاپپاي تۇتىناتىن تاۋارلاردى وندىرۋدە ىشكى نارىق مۇمكىندىكتەرىن باعالاۋ قاجەت ەكەنىن ايتتى. بۇل تۋرالى ول دەموكراتيالىق كۇشتەردىڭ «قازاقستان-2050» جالپىۇلتتىق كواليسياسىنىڭ كەزەكتى وتىرىسىندا مالىمدەدى، دەپ حابارلايدى baq.kz ٴتىلشىسى.

«وسى ۋاقىتقا دەيىن ۇكىمەت، مەملەكەتتىك ورگاندار ەكسپورتقا باعىتتالعان تاۋارلاردى شىعارۋعا باسىمدىق بەردى. مۇنى ٴجون دەلىك، سەبەبى ەكسپورتتالاتىن تاۋارلار ارقىلى قارجىلىق تۇراقتىلىق پەن تەحنولوگيالار يننوۆاسيا ورنايدى. دەگەنمەنبىز ىشكى نارىقتاعى حالىق جاپپاي تۇتىناتىن تاۋارلاردى مۇلدەم ەستەن شىعاردىق. ٴبىزدىڭ فراكسيامىز سوڭعى 2-3 جىل بويى ۇكىمەتكە ىشكى نارىقتىڭ مۇمكىندىكتەرى باعالانبايتىنى تۋرالى ساۋال جولداپ كەلەدى. كەز كەلگەن دۇكەنگە كىرسەڭىز، يمپورتقا تاۋەلدىلىك 60 پايىزدان جوعارىعا كورسەتكىشكە يە ەكەنىن بايقاۋعا بولادى. ٴوزىمىز قالامساپ شىعارا المايمىز با؟ نەلىكتەن ونى قىتايدان الىپ كەلۋىمىز كەرەك؟ ٴتىس ششەتكاسىن دا شىعارا المايمىز با؟ نەگە وسىنداي قاراپايىم زاتتاردى وزىمىزدە وندىرۋگە تىرىسپايمىز؟ مىنە، سوندىقتان پرەزيدەنتتىڭ جولداۋىندا كورسەتىلگەن تاپسىرمالار بۇل ماسەلەگە نازار اۋدارۋعا شاقىرادى. ۇكىمەت وسى ماسەلەنى نازارعا السا، ٴبىزدىڭ فراكسيا دا، وسىنداعى كواليسيا مۇشەلەرى دە جۇمىلا كىرىسەدى»، - دەدى ازات پەرۋاشەۆ.

ەسكە سالا كەتسەك، قر پرەزيدەنتى نۇرسۇلتان نازاربايەۆ 5 قازاندا جاريالاعان جولداۋىندا حالىق تۇتىناتىن تاۋارلاردىڭ اۋقىمدى نومەنكلاتۋراسىن يگەرىپ، «قاراپايىم زاتتار ەكونوميكاسىن» دامىتۋ ٴۇشىن كاسىپورىندارىمىزعا كومەكتەسۋ قاجەت ەكەنىن ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي