گاۋحار الدامبەرگەنوۆا: ۇستاز مارتەبەسى – ۇلت مارتەبەسى - جولداۋ|06 قازان 2018، 19:28
كۋرسى ۆاليۋت وبنوۆليايۋتسيا
استانا:

گاۋحار الدامبەرگەنوۆا: ۇستاز مارتەبەسى – ۇلت مارتەبەسى

قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ رەكتورى، پەداگوگيكا عىلىمدارىنىڭ دوكتورى گاۋحار الدامبەرگەنوۆا مەملەكەت باسشىسى نۇرسۇلتان نازاربايەۆتىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى بيىلعى جولداۋىن ەلىمىزدەگى ۇستازدار قاۋىمى زور قۋانىشپەن قارسى العانىن ايتتى، دەپ حابارلايدى baq.kz اقپارات اگەنتتىگى.

ەلباسى ماڭىزدى قۇجاتتىڭ «تۇرمىس ساپاسىن ارتتىرۋ» اتتى ەكىنشى باسىمدىعىندا ەلباسى جوعارى ٴبىلىم بەرۋگە قاتىستى، پەداگوگ مارتەبەسى جايىندا ٴبىرقاتار ماڭىزدى مىندەتتەردى اتاپ ٴوتتى. اتاپ ايتقاندا، 2019 جىلى «پەداگوگتاردىڭ مارتەبەسى» تۋرالى زاڭ قابىلدانادى. بۇل – قازاقستاندىق ۇستازدار قاۋىمىنىڭ قوعامداعى بەدەلىن ارتتىرىپ، ورنىن ايشىقتاۋعا زور قادام بولماق.

بۇل تۋرالى مەملەكەت باسشىسى: «كەلەسى جىلى «پەداگوگتاردىڭ مارتەبەسى» تۋرالى زاڭ قابىلداۋ كەرەك دەپ ەسەپتەيمىن. ول زاڭ مۇعالىمدەردى جانە مەكتەپكە دەيىنگى مەكەمەلەردىڭ قىزمەتكەرلەرىن ىنتالاندىراتىن بارلىق تەتىكتەردى قاراستىرۋى كەرەك. جۇكتەمەنى قىسقارتىپ، قىزمەتتەن تىس تەكسەرىستەردەن ارىلتۋ كەرەك. تىڭداڭىزدار، مۇعالىمدەرگە بۇگىنگى تاڭدا بارلىق جۇمىس جۇكتەلە بەرەدى. سايلاۋدى وتكىزەتىن – مۇعالىمدەر، ۇگىت-ناسيحاتتى جۇرگىزەتىن – مۇعالىمدەر، ٴبىر شارۋانى اتقارۋ كەرەك بولسا – مۇعالىمدەر... ول ٴۇشىن ەشكىم دە ولارعا اقشا تولەپ جاتقان جوق. ولاردى بۇل جۇكتەمەدەن ارىلتۋ كەرەك. ولار ساباققا دايىندالىپ، ٴتيىستى ۋاقىتىندا جۇمىس ىستەۋى كەرەك. تىنىمسىز تەكسەرىستەر دە بىتپەيدى. مىنە، زاڭ وسىلاردى توقتاتۋ ٴۇشىن كەرەك»، - دەدى.

سونداي-اق، قازاقستان پرەزيدەنتى نارىقتا تەك جوعارى ٴبىلىم بەرە الاتىن جوعارى وقۋ ورىندارى قالۋ كەرەكتىگىن باسا ايتتى. راسىندا دا بىلىكتى، ٴبىلىمدى كادرلار دايارلاۋدا جانە تەحنولوگيالىق دامىعان ەلدەردەگى عىلىمي جۇمىستار جۇيەسىندە جوعارى وقۋ ورىندارىنىڭ ۇلكەن ماڭىزدى ٴرول اتقارادى.

بۇل تۇرعىدا قازاق مەملەكەتتىك قىزدار پەداگوگيكالىق ۋنيۆەرسيتەتى عىلىم مەن ٴبىلىمدى ٴوزارا ۇيلەستىرىپ، عىلىمي زەرتتەۋ جۇمىستارىن عىلىم مەن تەحنولوگيانىڭ جاڭا نىساندارىنا باعىتتاپ جۇرگىزۋدى باستى ماقسات ەتىپ كەلە جاتقانىن اتاپ وتكىم كەلەدى. ٴبىلىم مەن عىلىمدى دامىتۋ جانە قىزدارعا پەداگوگيكالىق ٴبىلىم بەرۋ، بەلسەندى ازاماتتىق ۇستانىمى بار ماماندار دايارلاۋ باستى ميسسياسى بولىپ تابىلاتىن وقۋ ورنىندا وتكىزىلەتىن حالىقارالىق دەڭگەيدەگى عىلىمي كونفەرەنسيالار، جۇزەگە اسىپ جاتقان ٴتۇرلى جوبالار سالاداعى ماسەلەلەردى شەتەلدىك ارىپتەستەرمەن بىرلەسە شەشىپ، تاجىريبە الماسۋعا مۇمكىندىك بەرەدى.

ٴبىزدى ەلباسىنىڭ ادەتتەگىدەي جاس ۇرپاققا ٴبىلىم بەرۋگە ايرىقشا كوڭىل ٴبولۋى ەرەكشە قۋانتتى. جولداۋدا ٴبىزدى ٴبىلىم بەرۋدىڭ جاڭا ساپاسىنا كوتەرەتىن جاڭعىرۋ­دىڭ نەگىزى رەتىندەگى ادام كاپيتالى بولاتىنىن اتاپ كورسەتەدى.

مەملەكەت باسشىسى ۇسىنعان جولداۋ قازاقستان دامۋىنىڭ جاڭا باعىتىن كوزدەيدى. بۇل بۇگىنگىدەي الماعايىپ ۋاقىتتا قوعامنىڭ مۇددەسى مەن نەگىزگى ماقساتىن ەسكەرەتىن ستراتەگيالىق تۇرعىدان ماڭىزدى قۇجات. سەبەبى، جولداۋدا كورسەتىلگەن باسىمدىقتار ەل دامۋى مەن تۇراقتىلىعىن قامتاماسىز ەتەتىن ۇزاق مەرزىمدى دامۋ ستراتەگياسىنا سايكەس كەلەدى. سونىمەن قاتار، جولداۋ قازاقستاننىڭ الەمدەگى تەحنولوگيالىق، ەكونوميكالىق جانە الەۋمەتتىك سالالارداعى تەرەڭ جانە قارقىندى وزگەرىستەرگە بەيىمدەلۋىنە سەپ بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي