BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەسەن ەلەۋكەن: ەندى ۇستازدار قاۋىمىنا دەگەن كوزقاراس وزگەرەدى

فوتو: интернеттен

مەملەكەت باسشىسىنىڭ بۇگىنگى جولداۋىندا ايتىلعان كەي ماسەلەگە قاتىستى "تاماشا" تەلەارناسىنىڭ ديرەكتورى ەسەن ەلەۋكەن پىكىر ٴبىلدىردى، دەپ حابارلايدى ۆaq.kz ٴتىلشىسى.

"ەلباسى ن.نازاربايەۆتىڭ جولداۋىن تىڭدادىق. جىلداعىدان وزگەشە. ەلباسى جولداۋدى وقىپ، ونى ٴتۇسىندىرىپ قانا قويماي بۇعان دەيىنگى اتقارىلعان جۇمىستاردى، بەرىلگەن تاپسىرمالاردىڭ قالاي ورىندالىپ جاتقانىن مينيسترلەردەن باستاپ اكىمدەرگە دەيىن تىك تۇرعىزىپ، بۇگە-شىگەسىنە دەيىن سۇرادى. جيىن وسىنىسىمەن دە ەرەكشە بولدى. جولداۋداعى ناقتى تاپسىرمالاردىڭ حالىقتىڭ ٴال-اۋقاتىن كوتەرۋگە، ەلدەگى ناقتى الەۋمەتتىك ماسەلەلەردى شەشۋگە باعىتتالىپ وتىرعانى قۋانتتى. ۇستازداردىڭ مارتەبەسىن ارتتىرۋ تۋرالى زاڭ قابىلدانادى. دەمەك ەندى ۇستازدار قاۋىمىنا دەگەن كوزقاراس وزگەرەدى. ولار «قولبالا» تىرلىكتەن قۇتىلىپ تەك بار كۇش-جىگەرلەرىن ۇرپاق تاربيەلەۋگە ارنايدى. قۋانارلىق جاعداي. سونداي اق، دارىگەرلەردىڭ جالاقىسىن كوتەرۋ جونىندەگى ايتىلعان پىكىر دە وتە ورىندى. پوليسيا مەن سوت قىزمەتىن جەتىلدىرۋ قاجەت. ٴبىرىنشى كەزەكتە ادام قاۋىپسىزدىگىن قامتاماسىز ەتۋ دەپ ٴسىز بەن ٴبىزدىڭ ۇيقىمىز تىنىش بولۋىن دا باسا ايتتى. جولداۋدا اۋىل دا ۇمىت قالمادى. ەلباسى "اۋىلدىق جەرلەردىڭ الەۋمەتتىك ورتاسىن جاڭعىرتۋعا دا كىرىسۋىمىز قاجەت" دەدى. بۇيىرسا ەندى «اۋىل - ەل بەسىگى» اتتى جوبا جۇزەگە اسادى. تاعى ٴبىر جاڭالىق ەلباسى كەلەسى جىلدى «جاستار جىلى» دەپ جاريالاۋدى ۇسىندى. بۇل ٴبىز ٴۇشىن اسا قۋانتارلىق جاڭالىق"، - دەگەن پىكىر ايتتى ەسەن ەلەۋكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي